Ester 10:2 - Ang Pulong sa Dios

² Ang mga binuhatan ug ang mga kasaysayan sa pagkagamhanan ni Haring Ahasuerus apil ang kinatibuk-an sa sugilanon sa kabantog ni Mordecai, nga gihatagan sa hari ug taas nga ranggo, nasulat sa libro sa mga sugilanon bahin sa mga hari sa Media ug Persia.

Ang Biblia 2011

² Ug ang tanang mga buhat sa iyang gahom ug sa iyang pagkagamhanan, ug ang tanang kasaysayan sa pagkadungganan ni Mardoqueo, diin ang hari nagpauswag kaniya, wala ba kini masulat sa basahon sa mga Kasaysayan sa mga hari sa Media ug Persia?

Maayong Balita Biblia

² Ang tanang nahimo niya ingon nga hari ug ang hingpit nga asoy sa talagsaong pasidungog nga iyang gihatag kang Mardoqueo pinaagi sa paghatag kaniyag taas nga katungdanan nahisulat sa basahon sa kasaysayan sa mga hari sa Media ug sa Persia.

Ang Bag-ong Maayong Balita Biblia

² Ang tanang nahimo niya ingon nga hari ug ang hingpit nga asoy sa talagsaong pasidungog nga iyang gihatag kang Mardoqueo pinaagi sa paghatag kaniyag taas nga katungdanan nahisulat sa basahon sa kasaysayan sa mga hari sa Media ug sa Persia.

Ester 10:2 Cross References

1 Mga Hari 11:41

Ang uban pang sugilanon bahin sa paghari ni Solomon, ang tanan nga iyang gihimo, ug ang bahin sa iyang kaalam nasulat sa libro bahin sa mga binuhatan ni Solomon.

1 Mga Hari 14:19

Ang uban pang sugilanon mahitungod sa paghari ni Jeroboam, apil na ang iyang pagpakig-gira, nasulat sa libro sa mga sugilanon bahin sa mga hari sa Israel.

1 Mga Hari 22:39

Ang uban pang sugilanon mahitungod sa paghari ni Ahab, ug ang tanan nga iyang gihimo, apil ang pagpatukod niya sa palasyo nga bangkil sa elepante ug sa mga lungsod, nasulat sa libro sa mga sugilanon bahin sa mga hari sa Israel.

Ester 2:23

Gipaimbistigaran kini sa hari, ug sa dihang napamatud-an nga tinuod, gipalansang niya si Bigtana ug si Teresh ug kahoy. Nagmando ang hari nga isulat kini nga panghitabo sa libro sa kasaysayan sa gingharian.

Ester 6:1

Niadtong gabhiona wala makatulog si Haring Ahasuerus, busa gipakuha niya ang libro sa kasaysayan sa iyang gingharian ug gibasa kini ngadto kaniya.

Ester 8:15

Migawas si Mordecai sa palasyo nga nagsul-ob ug harianong bisti nga asul ug puti, ug kupo nga lino nga kolor ube. Adunay dako usab siyang korona nga bulawan sa iyang ulo. Nanghugyaw sa kalipay ang katawhan sa Susa.

Ester 8:2

Gihubo sa hari ang singsing nga pangsilyo nga iyang gibawi kang Haman, ug gihatag kini kang Mordecai. Unya gihimo ni Ester si Mordecai nga tigdumala sa tanang kabtangan ni Haman.

Ester 9:4

Kay si Mordecai taas na kaayog ranggo sa palasyo sa hari; ilado na siya sa tibuok gingharian. Ug misamot pa siya ka gamhanan.

Salmo 18:35

Gipanalipdan mo ako sama sa taming, busa luwas ang akong kinabuhi. Gitipigan mo ako pinaagi sa imong gahom, ug pinaagi sa imong tabang nahimo akong bantogan.

Daniel 2:48

Unya gipasidunggan pag-ayo sa hari si Daniel ug gihatagan ug daghang matahom nga mga gasa. Gihimo niya kini nga tigdumala sa tibuok nga probinsya sa Babilonia ug pangulo sa tanang maalamon sa Babilonia.