Ester 1:6 - Ang Pulong sa Dios

⁶ Gidekorasyonan ang hardin ug puti ug asul nga mga kurtina. Gibutangan kinig mga higot nga lino nga kolor ube, ug gitaod ngadto sa mga singsing nga plata sa marmol nga mga haligi. Ang mga lingkoranan hinimo sa bulawan ug plata, ug ang salog adunay mga disenyo nga hinimo sa puti nga marmol, perlas, ug uban pang mahalong mga bato.

Ang Biblia 2011

⁶ Didtoy mga tabil nga puting panapton nga gapas ug asul nga gihigot ug mga linubid nga pinong lino ug mahalong panapton nga tapol ngadto sa mga argulya nga plata ug sa mga haligi nga marmol ug mga higdaanan usab nga bulawan ug plata, ibabaw sa usa ka salog nga dibuho ginamit ang batong porperyo, marmol, takubo ug mga mahalong bato.

Maayong Balita Biblia

⁶ May mga puti ug asul nga kurtina nga gihigtan ug mga linubid nga pinong lino nga dagtom-pula ug gipakabit sa mga argulya nga plata diha sa mga haliging marmol. May mga lingkoranan nga hinimo gikan sa bulawan ug plata nga diha sa salog nga mosaik nga hinimo gikan sa marmol, taklobo ug mga mahalong bato.

Ang Bag-ong Maayong Balita Biblia

⁶ May mga puti ug asul nga kurtina nga gihigtan ug mga linubid nga pinong lino nga dagtom-pula ug gipakabit sa mga argulya nga plata diha sa mga haliging marmol. May mga lingkoranan nga hinimo gikan sa bulawan ug plata nga diha sa salog nga mosaik nga hinimo gikan sa marmol, taklobo ug mga mahalong bato.

Ester 1:6 Cross References

Ester 7:8

Sa pagbalik sa hari gikan sa hardin, iyang nakita si Haman nga naghapa sa sopa nga ginalingkoran ni Ester. Miingon ang hari, “Buot mo pang lugoson ang rayna bisan ania ako dinhi sa palasyo!” Pagkahuman gayod ug sulti sa hari niini, gitabonan sa mga sulugoon ang ulo ni Haman.

Ester 8:15

Migawas si Mordecai sa palasyo nga nagsul-ob ug harianong bisti nga asul ug puti, ug kupo nga lino nga kolor ube. Adunay dako usab siyang korona nga bulawan sa iyang ulo. Nanghugyaw sa kalipay ang katawhan sa Susa.

Exodo 26:1

“Pagpahimo usab ug Tolda nga Pagsimbahan. Ang gamiton sa paghimo niini napulo ka panid nga lino nga gibordahan ug hilo nga kolor ube, asul, ug pula. Ug pabordahi kini ug kerubin sa hanas nga moborda.

Ezequiel 23:41

Unya nanglingkod sila sa maanindot nga higdaanan, nga sa atubangan niini adunay lamisa nga gibutangan nila sa akong insenso ug lana.

Amos 2:8

Manghigda sila tapad sa matag halaran sinul-ob ang bisti nga gigarantiya kanila sa mga kabos. Ug nag-inom sila diha sa balay sa ilang dios sa bino nga pinalit gikan sa multa nga gibayad sa mga kabos nga nakautang kanila.

Amos 3:12

Midugang pagsulti ang  Ginoo, “Maingon nga luwason sa magbalantay ang duha ka tiil o usa ka dalunggan sa mananap nga gikaon sa liyon, salbaron usab ang mga Israelinhon nga nagpuyo sa Samaria. Apan wala silay madala gawas sa mga putol nga bahin sa ilang mga lantay ug katre.”

Amos 6:4

Alaot kamong naghigda-higda lang sa inyong mahalong mga katre, ug nagpatuyang ug kaon sa karne sa nating karnero ug pinatambok nga nating baka.

1 Samuel 28:23

Apan mibalibad si Saulo. Miingon siya, “Dili ako mokaon.” Apan ang iyang mga tawo mitabang sa babaye sa pagpugos kaniya nga mokaon, busa misugot siya. Mibangon siya ug milingkod sa higdaanan.