Ester 1:1 - Ang Pulong sa Dios

^1-2 Mao kini ang mga panghitabo sa panahon nga si Ahasuerus ang naghari sa Persia. Nagpuyo siya sa iyang palasyo didto sa pinarilan nga lungsod sa Susa. Sakop niya ang 127 ka probinsya sa India hangtod sa Etiopia.

Ang Biblia 2011

¹ Sa mga adlaw ni Ahasuero, ang Ahasuero nga naghari sukad sa India hangtod sa Etiopia, ibabaw sa 127 ka lalawigan,

Maayong Balita Biblia

¹ Sa panahon ni Ahasuero, 127 ka lalawigan ang iyang gimandoan gikan sa India hangtod sa Etiopia.

Ang Bag-ong Maayong Balita Biblia

¹ Sa panahon ni Ahasuero, 127 ka lalawigan ang iyang gimandoan gikan sa India hangtod sa Etiopia.

Ester 1:1 Cross References

Esdras 4:6

Sa pagsugod sa paghari ni Ahasuerus, ang mga kaaway sa mga lumulupyo sa Juda ug sa Jerusalem nagsulat ug mga sumbong batok kanila.

Ester 10:1

Gipabayad ni Haring Ahasuerus ug buhis ang tanang katawhan sa iyang gingharian, bisan kadtong namuyo sa mga isla.

Ester 2:3

Pagpili ug mga opisyal sa matag probinsya nga sakop sa imong gingharian nga mangitag matahom ug batan-ong mga dalaga. Ipadala ang maong mga dalaga sa puloy-anan sa mga babaye dinhi sa pinarilan nga lungsod sa Susa. Ipaatiman sila sa imong personal nga alagad nga si Hegay, nga gitugyanan mo sa pag-atiman sa mga babaye sa palasyo. Siya nay mahibalo nga mohatag kanila sa ilang mga kinahanglanon sa pagpatahom.

Ester 8:9

Busa sa ika-23 nga adlaw sa ikatulong bulan, nga mao ang bulan sa Sivan, gipatawag ang mga sekretaryo sa hari. Gisulat nila ang tanang gidikta ni Mordecai kanila. Ang sulat alang sa mga Judio, mga gobernador, mga pangulo, ug mga opisyal sa 127 ka mga probinsya sa India hangtod sa Etiopia. Gisulat kini sa pinulongan sa mga tawo sa tibuok gingharian, apil na sa pinulongan sa mga Judio.

Ester 9:30

Gipadala kini ni Mordecai sa 127 ka mga probinsya nga sakop sa gingharian ni Haring Ahasuerus. Nanghinaut kini ug kalinaw ug kalig-on alang sa mga Judio,

Isaias 18:1

Alaot ang dapit nga anaa daplin sa mga Suba sa Etiopia, diin madunggan ang tingog sa mga pako sa mga gagmayng mananap.

Isaias 37:9

Nakadungog ug balita si Senakerib nga hari sa Asiria nga si Tirhaka nga hari sa Etiopia nagpadulong sa pagpakig-gira kaniya. Busa nagpadala siyag mga mensahero kang Ezequias sa pag-ingon niini:

Daniel 11:2

“Karon, isulti ko kanimo ang kamatuoran: adunay tulo pa ka hari nga maghari sa Persia, ug ang ikaupat nga mosunod sa ila mas adunahan pa kay kanila. Mahimo siyang gamhanan pinaagi sa iyang bahandi, ug hagiton niya ang tanan nga makigbatok sa gingharian sa Grecia.

Daniel 6:1

Unya, nagpili si Haring Darius ug 120 ka mga gobernador nga modumala sa tibuok niyang gingharian.

Daniel 9:1

Si Darius nga Medianhon nga anak ni Ahasuerus mao ang hari sa tibuok nga Babilonia niadtong higayona.