Daniel 8:4 - Ang Pulong sa Dios

⁴ Nakita ko siya nga mipaingon sa kasadpan, amihan ug habagatan, ug nanungag bisan asa. Walay ubang mananap nga makapugong kaniya ug walay makaikyas gikan kaniya. Nagpatuyang siya sa paghimo sa iyang gusto ug nahimo siyang gamhanan.

Ang Biblia 2011

⁴ Nakita nako ang laking karnero nga nag-asdang padulong sa kasadpan, sa amihanan ug sa habagatan. Walay mananap nga makatindog sa iyang atubangan, ug walay bisan usa nga makaluwas gikan sa iyang gahom. Siya nagbuhat sumala sa iyang nahimut-an ug nagpagarbo sa iyang kaugalingon.

Maayong Balita Biblia

⁴ Nakita ko nga ang torong karnero nagdagan paingon sa kasadpan ug sa amihanan ug sa habagatan ug walay mananap nga makasukol o makabuntog niini. Busa gibuhat niini ang iyang gusto ug nagpasigarbo kini sa iyang kaugalingon.

Ang Bag-ong Maayong Balita Biblia

⁴ Nakita ko nga ang torong karnero nagdagan paingon sa kasadpan ug sa amihanan ug sa habagatan ug walay mananap nga makasukol o makabuntog niini. Busa gibuhat niini ang iyang gusto ug nagpasigarbo kini sa iyang kaugalingon.

Daniel 8:4 Cross References

1 Mga Hari 22:11

Unya si Zedekia nga anak ni Kenaana naghimog sungay-sungay nga puthaw. Miingon siya, “Mao kini ang giingon sa Ginoo: ‘Pinaagi niini nga sungay, laglagon mo ang mga Aramehanon hangtod nga mahurot sila.’ ”

Job 10:7

Nahibaloan mo nga wala akoy sala, apan kinsay makadepensa kanako diha kanimo?

Salmo 44:5

Pinaagi kanimo mapildi namo ang among mga kaaway.

Salmo 50:22

“Pamatia ninyo kini, kamo nga nalimot sa Dios, kay kon dili, laglagon ko kamo ug walay makaluwas kaninyo.

Salmo 7:2

kay kon dili, kunis-kunison nila ako sama sa ginahimo sa liyon sa iyang biktima, ug walay makaluwas kanako.

Ezequiel 34:21

Kay kamo nga mga tambok ginadasmagan lang ninyo ug ginasungag ang huyang nga mga karnero hangtod nga mopahilayo na lang sila.

Daniel 11:16

Busa himuon sa hari sa Siria ang bisan unsa nga gusto niya nga himuon, ug wala gayoy makapugong kaniya. Sakopon niya ang Israel, ug hingpit kini nga mailalom sa iyang gahom.

Daniel 11:36

“Himuon sa hari sa Siria ang tanang buot niyang himuon. Isipon niya ang iyang kaugalingon nga labaw sa tanang mga dios, ug magsulti siyag mga pagpasipala batok sa Dios nga labaw sa tanang mga dios. Magmalampuson siya hangtod sa panahon nga ipadayag sa Dios ang iyang kasuko, tungod kay kinahanglan gayod nga mahitabo ang mga butang nga gitakda sa Dios nga mahitabo.

Daniel 5:19

Tungod sa gahom nga gihatag sa Dios kaniya, nahadlok kaniya ang mga tawo gikan sa nagkalain-laing mga nasod, tribo, ug pinulongan. Patyon niya si bisan kinsa nga buot niyang patyon. Ug ang gusto niyang magpabilin nga buhi, mabuhi. Pasidunggan niya ang gusto niyang pasidunggan; ipaubos niya ang gusto niyang ipaubos.

Daniel 5:30

Niadtong gabhiona, gipatay si Belshazar nga hari sa mga taga-Babilonia.

Daniel 7:5

“Ang ikaduha nga mananap murag oso nga nagtindog sa iyang duha ka ulahing tiil ug nagtangag kini ug tulo ka gusok. Adunay tingog nga miingon kaniya, ‘Sige, kaon ug daghang karne.’

Daniel 8:7

Mapungtanon niyang gisungag ang karnero hangtod nga napungil ang duha ka sungay niini. Wala na makahimo pa sa pagsukol ang karnero, busa natumba kini ug dayon iya kining gitunob-tunoban. Wala gayoy nakatabang niini.

Miqueas 5:8

Apan magdala usab sila ug kalaglagan sa mga nasod. Mahisama sila sa liyon taliwala sa mga mananap sa kalasangan ug sa panon sa mga karnero sa sabsabanan nga moyatak-yatak ug mokunis-kunis kanila, ug wala gayoy makalingkawas.

Deuteronomio 33:17

Ang iyang kusog sama sa kusog sa kamagulangang torong baka. Ang iyang gahom sama sa gahom sa sungay sa ihalas nga baka. Pinaagi niini laglagon niya ang mga nasod bisan kadtong atua sa layo. Mao kini ang akong panalangin sa daghang mga katawhan sa Efraim ug Manases.”