Daniel 8:1 - Ang Pulong sa Dios

¹ Sa ikatulong tuig sa paghari ni Belshazar, aduna na usab akoy panan-awon.

Ang Biblia 2011

¹ Sa ikatulo nga tuig sa paghari ni Hari Belsasar, usa ka panan-awon mipakita kanako, si Daniel, human niadtong mipakita kanako sa una.

Maayong Balita Biblia

¹ Sa ikatulong tuig sa paghari ni Belsazar, ako, si Daniel, nagdamgo. Mao kini ang ikaduha kong panan-awon.

Ang Bag-ong Maayong Balita Biblia

¹ Sa ikatulong tuig sa paghari ni Belsazar, ako, si Daniel, nagdamgo. Mao kini ang ikaduha kong panan-awon.

Daniel 8:1 Cross References

Ezequiel 1:1

Ako si Ezekiel nga usa ka pari, anak ni Buzi, ug usa ako sa mga gibihag ngadto sa Babilonia. Usa ka adlaw, sa dihang didto ako sa daplin sa Suba sa Kebar kauban sa uban nga mga binihag, nakita kong naabli ang langit ug gigamhan ako sa Dios, ug may gipakita siya kanakong mga panan-awon. Nahitabo kini sa ikalimang adlaw sa ikaupat nga bulan sa ika-30 nga tuig. Kini ang ikalimang tuig sa pagkabihag ni Haring Jehoiachin.

Daniel 1:17

Gihatagan sa Dios kining upat ka mga batan-on ug kaalam ug pagsabot labi na gayod sa nagkalain-lain nga mga balasahon ug mga pagtulon-an. Ug dugang niini, gihatagan pa gayod niya si Daniel ug kaalam sa paghubad sa mga panan-awon ug mga damgo.

Daniel 10:2

Mao kini ang nahitabo sumala kang Daniel: Niadtong panahona, tulo ka semana akong nagbangotan.

Daniel 10:7

Ako lang gayod ang nakakita niadto nga panan-awon. Ang akong mga kauban wala makakita, apan nanagan sila ug nanago tungod sa kahadlok.

Daniel 11:4

Sa dihang gamhanan na gayod siya kaayo, mabungkag ang iyang gingharian ug mabahin sa upat ka direksyon sa kalibotan, apan dili ang iyang mga kaliwat ang maghari niini. Ang mopuli nga mga hari dili mahimong sama kaniya kagamhanan. Sa pagkatinuod kuhaon ang iyang gingharian ug ihatag sa uban.

Daniel 7:1

Sa unang tuig sa paghari ni Belshazar sa Babilonia, nakakita siya ug mga panan-awon sa iyang damgo ug Mao kini ang iyang damgo nga iyang gisulat:

Daniel 7:15

“Nahasol ako pag-ayo sa akong panan-awon.

Daniel 7:28

“Mao kini ang kataposan. Nakapahasol gayod kini kanako ug nangluspad ako sa kahadlok. Apan kini nga damgo wala ko gayod isugilon kang bisan kinsa.”

Daniel 8:15

Samtang nagtan-aw ako niadtong panan-awon ug namalandong kon unsay kahulogan niini, kalit lang nga adunay mitindog sa akong atubangan nga murag tawo.

Daniel 8:2

Sa akong panan-awon nakita ko nga nagtindog ako sa daplin sa Suba sa Ulai, didto sa pinarilan nga lungsod sa Susa, nga sakop sa probinsya sa Elam.

Daniel 9:2

Sa unang tuig sa iyang paghari, nahibaloan ko gikan sa mga Kasulatan nga magpabilin nga guba ang Jerusalem sulod sa 70 ka tuig, sumala sa giingon sa Ginoo kang Propeta Jeremias.