Daniel 6:7 - Ang Pulong sa Dios

⁷ Kaming mga administrador, mga mayor, mga gobernador, mga magtatambag, ug mga tinugyanan sa imong gingharian nagkauyon nga hangyoon ka nga magpakanaog ug usa ka balaod nga sulod sa 30 ka adlaw walay si bisan kinsa nga mag-ampo sa bisan unsa nga dios o tawo gawas kanimo. Si bisan kinsa nga molapas niini itambog ngadto sa bangag nga adunay mga liyon.

Ang Biblia 2011

⁷ Ang tanang mga pangulo sa gingharian, ang mga tigdumala ug ang mga kadagkoan, ang mga magtatambag ug ang mga gobernador nagkasabot nga ang hari kinahanglang maghimo ug usa ka tulumanon ug magpakanaog ug usa ka pagdili nga si bisan kinsa nga mag-ampo ngadto sa bisan unsang dios o tawo sulod sa 30 ka adlaw, gawas kanimo, O hari, siya itambog ngadto sa langob sa mga liyon.

Maayong Balita Biblia

⁷ Ang tanang pangulo sulod sa gingharian, ang mga mayor, mga tinugyanan, mga magtatambag ug mga gobernador, nagkauyon sa paghangyo kanimo nga magpakanaog ka unta ug usa ka sugo nga sulod sa 30 ka adlaw, kinsa kadtong dili moyukbo kanimo ug mag-ampo hinuon ngadto sa laing dios o tawo, kinahanglang itambog ngadto sa langub sa mga liyon.

Ang Bag-ong Maayong Balita Biblia

⁷ Ang tanang pangulo sulod sa gingharian, ang mga mayor, mga tinugyanan, mga magtatambag ug mga gobernador, nagkauyon sa paghangyo kanimo nga magpakanaog ka unta ug usa ka sugo nga sulod sa 30 ka adlaw, kinsa kadtong dili moyukbo kanimo ug mag-ampo hinuon ngadto sa laing dios o tawo, kinahanglang itambog ngadto sa langub sa mga liyon.

Daniel 6:7 Cross References

Salmo 10:9

Daw liyon sila nga mag-atang sa tago nga dapit. Panid-an nila ang ilang alaot nga mga biktima aron sa pagdakop kanila, ug kon madakpan na gani nila, ila na dayon kining guyoron.

Salmo 2:2

Ang ilang mga hari ug mga pangulo nagtigom ug nangandam sa pagpakig-gira sa Ginoo ug sa hari nga iyang pinili.

Salmo 59:3

Ginoo, tan-awa! Nag-atang sila aron sa pagpatay kanako bisan wala ako makasala kanila.

Salmo 62:4

Gusto lang ninyo akong papahawaon sa akong taas nga katungdanan. Nalipay kamo sa pagpamakak. Nagsulti kamog maayo kanako apan sulod sa inyong kasing-kasing gipanghimaraot ninyo ako.

Salmo 83:5

Nagkauyon sila sa ilang daotang plano. Naghimo silag kasabotan batok kanimo.

Salmo 94:20

Dili ka kaabin sa daotang mga maghuhukom, nga naghimog supak sa tulomanon.

Daniel 2:4

Mitubag ang mga manalagna sa hari sa pinulongang Aramico, “Malungtarong kinabuhi alang sa Mahal nga Hari! Sultihi kami nga imong mga alagad sa imong damgo, ug hubaron namo kanimo ang kahulogan niini.”

Daniel 3:11

ug ang dili moluhod ug mosimba ilabay sa nagdilaab nga hudno?

Daniel 3:2

Pagkahuman, gipatawag ni Haring Nebucadnezar ang mga gobernador, mga mayor, mga tinugyanan, mga magtatambag, mga tresurero, mga maghuhukom, mga tigdumala, ug ang uban pang mga opisyal sa mga probinsya aron motambong sa pagdedikar sa estatuwa. Sa dihang didto na sila nagtindog atubangan sa estatuwa,

Daniel 3:27

Unya gitapokan sila sa mga gobernador, mga mayor, mga tinugyanan, ug sa ubang mga opisyal sa hari, ug nakita nila nga wala sila maunsa sa kalayo. Ang ilang buhok o bisti wala gayod masunog, ug bisan na lang baho sa aso wala gayod kanila.

Daniel 3:6

Si bisan kinsa nga dili mosimba ilabay diha-diha sa nagdilaab nga hudno.”

Daniel 6:16

Busa gipadakop sa hari si Daniel ug gipatambog ngadto sa bangag nga adunay mga liyon. Miingon ang hari kang Daniel, “Hinaut pa nga luwason ka sa imong Dios nga padayon mong gialagaran.”

Daniel 6:22

Wala ako unsaa sa mga liyon tungod kay nagpadala ang akong Dios ug mga anghel aron patak-omon ang baba sa mga liyon. Gihimo kini sa Dios tungod kay nahibaloan niya nga hinlo ang akong konsensya ug wala akoy nahimong daotan batok kanimo.”

Miqueas 6:5

Mga katawhan ko, hinumdomi ninyo nga gisugo ni Balak nga hari sa Moab si Balaam nga anak ni Beor nga tunglohon kamo. Apan gisugo ko si Balaam sa pagpanalangin kaninyo. Hinumdomi usab ninyo kon giunsa ko kamo pagtabang sa pagtabok sa Suba sa Jordan sa dihang naglakaw kamo gikan sa Shitim hangtod sa Gilgal, aron maamgohan ninyo ang gibuhat ko sa pagluwas kaninyo.”

Mateo 12:14

Unya nanggawas ang mga Pariseo ug nagplano sila kon unsaon nila pagpatay si Jesus.

Mateo 26:4

Gihisgotan nila kon unsaon nila pagdakop si Jesus nga dili mahibaloan sa mga tawo, ug ingon man ang pagpatay kaniya.

Marcos 15:1

Sayo pa kaayo sa sunod nga adlaw, ang kadagkoan sa mga pari kauban ang mga pangulo sa mga Judio, ang mga magtutudlo sa Kasugoan, ug ang tanan nga miyembro sa Hukmanan sa mga Judio nagtigom aron hisgotan ang sunod nilang buhaton. Gigapos nila si Jesus ug gidala didto kang Pilato nga gobernador aron itugyan ngadto kaniya.

Juan 12:10

Busa giplano sa kadagkoan sa mga pari nga patyon usab si Lazaro,