Daniel 6:3 - Ang Pulong sa Dios

³ Napakita ni Daniel nga mas maayo siya kay sa uban tungod sa iyang pinasahi nga abilidad, busa naghuna-huna ang hari nga padumalahon niya si Daniel sa tibuok niyang gingharian.

Ang Biblia 2011

³ Unya kini si Daniel nahimong inila nga labaw sa mga pangulo ug sa mga tinugyanan kay ang talagsaong katakos diha kaniya ug ang hari naghunahuna sa pagpahiluna kaniya ibabaw sa tibuok nga gingharian.

Maayong Balita Biblia

³ Si Daniel maoy nahimong labing inila sa mga pangulo ug sa mga tinugyanan sa hari kay diha man kaniya ang espiritu sa Dios busa nakahunahuna ang hari sa pagtugyan ngadto kaniya sa gahom sa pagdumala sa tibuok gingharian.

Ang Bag-ong Maayong Balita Biblia

³ Si Daniel maoy nahimong labing inila sa mga pangulo ug sa mga tinugyanan sa hari kay diha man kaniya ang espiritu sa Dios busa nakahunahuna ang hari sa pagtugyan ngadto kaniya sa gahom sa pagdumala sa tibuok gingharian.

Daniel 6:3 Cross References

Esdras 4:22

Himoa dayon ninyo kini aron dili madaot ang akong gingharian.

Nehemias 7:2

Gihatag ko ang katungdanan sa pagdumala sa Jerusalem ngadto sa akong igsoon nga si Hanani uban kang Hanania nga komander sa mga tigbalantay sa tibuok palasyo. Gipili ko si Hanania kay kasaligan siya ug nagtahod sa Dios labaw sa uban.

Ester 10:3

Ang Judio nga si Mordecai nahimong ikaduha sa ranggo kang Haring Ahasuerus. Inila gayod siya sa iyang isigka-Judio, ug tinahod nila siya kay naghago siya alang sa ilang kaayohan, ug mibarog alang sa ilang kasigurohan.

Mga Panultihon 17:27

Ang tawong maalamon ug adunay panabot magbantay sa iyang isulti ug kalmado.

Mga Panultihon 22:29

Ang tawo nga maayong motrabaho mag-alagad sa mga hari ug dili sa ordinaryong mga tawo.

Ecclesiastes 2:13

Ug nakita ko nga mas maayo ang kaalam kaysa kabuang, sama nga ang kahayag maayo kaysa kangitngit.

Daniel 5:12

Siya si Daniel nga ginganlan sa imong amahan ug Belteshazar. Adunay pinasahi siya nga abilidad ug kaalam. Mahibalo siyang mohubad sa kahulogan sa mga damgo, mosaysay sa mga tinago, ug mosulbad sa lisod nga mga suliran. Busa ipatawag siya ug ipahubad kaniya ang kahulogan nianang nasulat sa dingding.”

Daniel 5:14

Nakadungog ako nga ang espiritu sa mga dios anaa kanimo ug aduna kay pinasahi nga abilidad ug kaalam.

Daniel 5:7

Busa misinggit siya nga tawgon ang mga maalamon nga tawo sa Babilonia, mga astrologo, ug mga espiritista. Pag-abot nila, miingon ang hari, “Kon kinsa ang makabasa nianang nasulat sa dingding ug makahubad sa kahulogan niini, pasul-oban ko ug harianong bisti ug pakuwintasan ug bulawan, ug himuon ko siyang ikatulong labing labaw nga opisyal sa akong gingharian.”

Daniel 9:23

Sa dihang nagsugod ka pa lang sa pag-ampo, adunay gipadayag ang Dios. Mianhi ako dinhi aron isugilon kini kanimo, tungod kay gipangga ka sa Dios. Busa pamatia ug sabta ang isaysay ko kanimo: