Daniel 5:11 - Ang Pulong sa Dios

¹¹ kay adunay usa ka tawo diha sa imong gingharian diin anaa kaniya ang espiritu sa balaan nga mga dios. Sa panahon ni Haring Nebucadnezar nga imong amahan, nagpakita kining tawhana sa iyang kaalam nga sama sa kaalam sa mga dios. Gihimo siya sa imong amahan nga pangulo sa mga madyikero, mga espiritista, mga maalamon nga tawo sa Babilonia, ug mga astrologo.

Ang Biblia 2011

¹¹ Adunay usa ka tawo sa imong gingharian, nga kaniya anaa ang espiritu sa mga balaang dios. Sa mga adlaw sa imong amahan, ang kahayag ug salabotan ug kaalam nga sama sa kaalam sa mga dios nakita diha kaniya ug si Hari Nabucodonosor nga imong amahan naghimo kaniya nga pangulo sa mga tigsalamangka, sa mga tigpanglamat, sa mga Caldeanhon, ug sa mga tigpanagna pinaagi sa mga bituon,

Maayong Balita Biblia

¹¹ Dinhi sa imong gingharian, aniay usa ka tawong gitugahan sa espiritu sa balaang mga dios. Sa panahon nga naghari pa ang imong amahan, nasuta nga may talagsaon siyang panabot ug kaalam, kaalam nga sama sa kaalam sa mga dios. Tungod niini, ang imong amahan naghimo kaniya nga pangulo sa mga salamangkero, sa mga may anting-anting, sa mga maalamon ug sa mga astrologo.

Ang Bag-ong Maayong Balita Biblia

¹¹ Dinhi sa imong gingharian, aniay usa ka tawong gitugahan sa espiritu sa balaang mga dios. Sa panahon nga naghari pa ang imong amahan, nasuta nga may talagsaon siyang panabot ug kaalam, kaalam nga sama sa kaalam sa mga dios. Tungod niini, ang imong amahan naghimo kaniya nga pangulo sa mga salamangkero, sa mga may anting-anting, sa mga maalamon ug sa mga astrologo.

Daniel 5:11 Cross References

Genesis 41:38

Miingon siya sa iyang mga opisyal, “Aduna pa ba kitay makita nga sama kang Jose nga gigiyahan sa Espiritu sa Dios?”

2 Samuel 14:17

Unya ang imong hukom nakahatag kanakog kalinaw. Kay sama ikaw sa anghel sa Dios nga nasayod kon unsa ang maayo ug daotan. Hinaut pa nga ubanan ka sa Ginoo nga imong Dios.”

Ezequiel 28:3

Naghuna-huna ka nga mas maalam ka pa kay kang Daniel, ug walay sekreto nga dili mo mahibaloan.

Ezequiel 28:4

Pinaagi sa imo nga kaalam ug kahibalo naadunahan ka ug nakatigom ug bulawan ug plata sa tago-anan sa imo nga bahandi.

Daniel 1:4

Kinahanglan gayod nga mga guwapo sila, himsog, maalam, adunay abilidad, hait ug salabotan, aron takos sila nga moalagad sa hari. Gisugo usab niya si Ashpenaz nga tudloan sila sa pinulongan ug balasahon sa mga taga-Babilonia.

Daniel 2:11

Lisod kaayo kanang imong gipangayo, Mahal nga Hari. Ang mga dios lang gayod ang makahimo niana, apan wala sila magpuyo uban sa mga tawo.”

Daniel 2:22

Ginapadayag niya ang laglom ug tinago nga mga butang. Nahibalo siya kon unsay anaa sa kangitngit, kay anaa kaniya ang kahayag.

Daniel 4:18

“Mao kadto ang akong damgo. Busa ako, si Haring Nebucadnezar, miingon kang Belteshazar, ‘Suginli ako sa kahulogan niini kay wala gayoy bisan usa sa mga maalamon sa akong gingharian nga makahubad kanako sa kahulogan niini. Apan makahubad ka niini kay ang espiritu sa balaan nga mga dios anaa kanimo.’ ”

Daniel 4:5

Apan aduna akoy damgo ug mga panan-awon nga nakapahadlok ug nakapahasol kanako.

Daniel 4:6

Busa nimando ako nga dad-on dinhi kanako ang tanang mga maalamon sa Babilonia aron hubaron nila ang kahulogan sa akong damgo.

Daniel 5:14

Nakadungog ako nga ang espiritu sa mga dios anaa kanimo ug aduna kay pinasahi nga abilidad ug kaalam.

Daniel 5:7

Busa misinggit siya nga tawgon ang mga maalamon nga tawo sa Babilonia, mga astrologo, ug mga espiritista. Pag-abot nila, miingon ang hari, “Kon kinsa ang makabasa nianang nasulat sa dingding ug makahubad sa kahulogan niini, pasul-oban ko ug harianong bisti ug pakuwintasan ug bulawan, ug himuon ko siyang ikatulong labing labaw nga opisyal sa akong gingharian.”

Mga Buhat 12:22

Naninggit ang mga tawo, “Dili tawo kining nakigsulti, kondili dios!”

Mga Buhat 14:11

Pagkakita sa mga tawo sa gihimo ni Pablo, misinggit sila sa pinulongan nga Licaonianhon, “Ang mga dios nanganaog dinhi kanato sa dagway sa tawo!”

Mga Buhat 16:16

Usa ka adlaw samtang nagpaingon kami didto sa lugar nga tigomanan aron sa pag-ampo, gitagbo kami sa usa ka ulipon nga dalagita. Gigamhan siya sa daotan nga espiritu nga naghatag kaniya sa abilidad sa pagtag-an sa mga manghitabo sa umaabot. Pinaagi niining iyang abilidad, nakapanguwarta ug dako ang iyang mga agalon.

Gipadayag 3:9

Apan mahitungod niadtong mga tawo nga sakop ni Satanas, nga mga bakakon ug nagpakaaron-ingnon nga mga Judio, paludhon ko sila diha sa inyong atubangan, ug masayran nila nga gihigugma ko kamo.