Daniel 5:1 - Ang Pulong sa Dios

^1-3 Sa dihang si Belshazar na ang hari sa Babilonia, naghimo siya ug dakong kombira alang sa iyang 1,000 ka dungganon nga mga tawo ug nakig-inom siya kanila. Samtang nag-inom sila, nimando si Belshazar nga kuhaon ang bulawan ug plata nga mga imnanan nga nakuha sa iyang amahan nga si Nebucadnezar sa Templo sa Dios sa Jerusalem, aron maoy paimnan sa iyang mga dungganon nga bisita, sa iyang mga asawa, ug sa iyang mga asawa nga sulugoon. Busa gidala kini ngadto kaniya ug giimnan nila kini.

Ang Biblia 2011

¹ Si Hari Belsasar naghimo ug usa ka dakong kombira alang sa usa ka libo nga iyang mga kadagkoan, ug miinom siyag bino sa atubangan sa usa ka libo.

Maayong Balita Biblia

¹ Unya naghimog dakong bangkite si Hari Belsazar alang sa usa ka libo ka mga kadagkoan ug nakig-inom siya uban kanila.

Ang Bag-ong Maayong Balita Biblia

¹ Unya naghimog dakong bangkite si Hari Belsazar alang sa usa ka libo ka mga kadagkoan ug nakig-inom siya uban kanila.

Daniel 5:1 Cross References

Genesis 40:20

Tulo ka adlaw gikan niini, gisaulog sa hari sa Ehipto ang iyang adlawng natawhan. Busa nagpakombira siya alang sa tanan niyang mga opisyal. Gipagawas niya gikan sa prisohan ang pangulo sa iyang mga tigsilbi ug bino ug ang pangulo sa iyang mga panadero ug gipaatubang sa iyang mga opisyal.

Ester 1:3

Sa ikatulo nga tuig sa iyang paghari, nagpakombira siya alang sa iyang mga opisyal ug uban pang mga alagad. Mitambong usab ang mga opisyal sa kasundalohan sa Persia ug Media, apil ang mga halangdon nga tawo ug mga opisyal sa mga probinsya.

Isaias 22:12

Nagtawag kaninyo ang Ginoong Dios nga Makagagahom nianang adlawa aron nga magsubo ug manghilak kamo. Gisultihan niya kamo nga magpa-upaw ug magbistig sako sa pagpakita sa inyong pagsubo.

Isaias 22:14

Miingon ang  Ginoo nga Makagagahom kanako nga kining inyong sala dili gayod niya mapasaylo hangtod mamatay kamo.

Jeremias 50:35

“Ako, ang  Ginoo, nag-ingon nga ipahamtang ang espada sa kalaglagan ngadto sa katawhan sa Babilonia,” sa iyang mga opisyal, ug sa mga maalamon.

Jeremias 51:39

Ug kon pananglit gutom sila, magpakombira ako alang kanila. Hubogon, lipayon, ug pakatulogon ko sila hangtod nga dili na makamata pa,” miingon ang  Ginoo niini.

Jeremias 51:57

Hubogon ko ang iyang mga opisyal, mga maalamong mga tawo, mga tigdumala, mga komander, ug ang iyang mga sundalo. Makatulog sila ug dili na makamata,” ingon sa Hari, kansang ngalan Ginoo nga Makagagahom.

Daniel 5:30

Niadtong gabhiona, gipatay si Belshazar nga hari sa mga taga-Babilonia.

Nahum 1:10

Masangit sila sa mga sampinit ug mangahubog sa ilang mga bino; ut-oton sila sa kalayo sama sa ugang dagami.