Daniel 4:12 - Ang Pulong sa Dios

¹² Matahom ang iyang mga dahon ug daghan ang iyang mga bunga nga igo makapakaon sa tanan. Mipasilong ang mga mananap sa landong niini ug nagsalag ang mga langgam sa iyang mga sanga. Didto mikuha ang tanang mga binuhat sa ilang pagkaon.

Ang Biblia 2011

¹² Ang mga dahon niini matahom ug daghan ang mga bunga niini, ug diha niini ang pagkaon alang sa tanan. Ang mga mananap sa kapatagan nakapasilong sa ilalom niini, ug ang mga langgam sa kalangitan nagpuyo sa mga sanga niini, ug ang tanang unod gipakaon gikan niini.

Maayong Balita Biblia

¹² Anindot ang mga dahon niini ug daghan kinig bunga ug makaon sa tanan. Sa landong niini mipasilong ang nagkalainlaing mananap ug sa mga sanga niini diha magsalag ang mga langgam.

Ang Bag-ong Maayong Balita Biblia

¹² Anindot ang mga dahon niini ug daghan kinig bunga ug makaon sa tanan. Sa landong niini mipasilong ang nagkalainlaing mananap ug sa mga sanga niini diha magsalag ang mga langgam.

Daniel 4:12 Cross References

Job 12:24

Himuon niyang mga buang-buang ang ilang mga pangulo, ug palatagawon niya sila sa disyerto.

Job 14:7

“Kon putlon ang usa ka kahoy, adunay purohan pa nga manalingsing kini ug mananga pag-usab.

Job 14:9

kon matubigan, manalingsing pa kini sama sa usa ka bag-o nga tanom.

Mga Pagbangotan 4:20

Nadakpan nila pinaagi sa ilang mga bangag ang hari nga pinili sa Ginoo, nga maoy among gisaligan nga manalipod kanamo batok sa mga kaaway nga nasod.

Ezequiel 31:17

Ang mga nasod nga mipasilong ug nakig-abin kaniya mag-uban usab kaniya ngadto sa dapit sa mga patay uban sa mga nangamatay sa gubat.

Daniel 4:14

Misinggit siya, ‘Putla ninyo ang kahoy ug ang mga sanga niini. Kuhaa ang iyang mga dahon ug ilabay ang iyang mga bunga. Aboga usab ninyo ang mga mananap nga nagpasilong niini ug ang mga langgam nga gasalag sa iyang mga sanga.

Mateo 13:32

Ang binhi sa mustasa mao ang labing gamay sa tanan nga binhi. Apan kon motubo na gani, kini mao ang labing taas sa mga utanon, ug sama na sa kahoy ang iyang katas-on. Bisan gani ang mga langgam makasalag diha sa iyang mga sanga.”

Marcos 13:32

“Ang mahitungod sa adlaw ug oras sa akong pag-abot, wala gayoy nasayod niini, bisan ang mga anghel sa langit o ako nga Anak sa Dios, gawas lang sa Amahan.

Marcos 4:32

apan kon matanom na, motubo ug molabaw pa sa tanang mga tanom sa tanaman nga bisan ang mga langgam makahimo sa pagsalag diha sa iyang labong nga mga sanga.”

Lucas 13:19

Ang paghari sa Dios sama sa liso sa mustasa nga gipugas sa usa ka tawo sa iyang uma. Mitubo kini ug mitaas nga murag kahoy, ug gisalagan sa mga langgam ang iyang mga sanga.”