Daniel 3:8 - Ang Pulong sa Dios

⁸ Niadtong panahona, adunay mga taga-Babilonia nga miduol sa hari ug miakusar sa mga Judio.

Ang Biblia 2011

⁸ Busa niadtong panahona pipila ka Caldeanhon ang miduol ug mipasaka ug sumbong batok sa mga Judio.

Maayong Balita Biblia

⁸ Niadtong panahona pipila ka taga-Babilonia miadto sa hari ug mipasakag sumbong batok sa mga Judio.

Ang Bag-ong Maayong Balita Biblia

⁸ Niadtong panahona pipila ka taga-Babilonia miadto sa hari ug mipasakag sumbong batok sa mga Judio.

Daniel 3:8 Cross References

Ester 3:6

Ug pagkahibalo niya nga usa ka Judio si Mordecai, nagplano siya nga dili lang si Mordecai ang iyang ipapatay kondili apil usab ang tanang mga Judio sa tibuok gingharian ni Haring Ahasuerus.

Daniel 1:4

Kinahanglan gayod nga mga guwapo sila, himsog, maalam, adunay abilidad, hait ug salabotan, aron takos sila nga moalagad sa hari. Gisugo usab niya si Ashpenaz nga tudloan sila sa pinulongan ug balasahon sa mga taga-Babilonia.

Daniel 2:10

Mitubag sila sa hari, “Wala pa gayoy tawo sa tibuok kalibotan nga makahimo nianang imong gipangayo, mahal nga hari. Ug wala pa usay hari, bisan unsa pa siya kagamhanan, nga nagsugo sa mga madyikero, espiritista, o manalagna sa paghimo ug sama niana.

Daniel 2:2

Gipatawag niya ang iyang mga madyikero, mga espiritista, mga mamamarang, ug mga manalagna, aron isaysay ang iyang mga damgo. Busa miadto sila sa hari

Daniel 3:7

Busa pagkadungog nila sa tingog sa mga instrumento miluhod dayon sila ug misimba sa estatuwa.

Daniel 4:7

Pag-abot sa mga madyikero, espiritista, manalagna, ug tighimalad, gisuginlan ko sila sa akong damgo, apan dili sila makahubad sa kahulogan niini.

Daniel 6:4

Tungod niadto, ang duha niya ka kauban nga administrador ug ang mga gobernador nangita ug sayop sa pagdumala ni Daniel aron nga aduna silay ikaakusar batok kaniya. Apan wala gayod silay nakitang sayop nga mahimo nilang ikaakusar kaniya tungod kay kasaligan gayod si Daniel ug maayo ang iyang pagdumala.

Mga Buhat 28:22

Apan gusto usab namo nga madunggan kon unsa ang imong ikasulti, kay nahibaloan namo nga bisan asang lugara dili maayo ang gisulti sa mga tawo mahitungod sa grupo nga imong giapilan.”