Daniel 3:12 - Ang Pulong sa Dios

¹² Angay kang masayod nga wala motuman sa imong sugo ang mga Judio nga imong gipadumala sa probinsya sa Babilonia nga sila si Shadrach, Meshach, ug Abednego. Wala sila moalagad sa imong mga dios, ug wala sila mosimba sa estatuwa nga bulawan nga imong gipatindog.”

Ang Biblia 2011

¹² Adunay pipila ka Judio nga imong gitudlo sa pagdumala sa mga buluhaton sa lalawigan sa Babilonia: si Sadrac, si Mesac ug si Abednego. Kining mga tawhana, O hari, wala mamati kanimo. Sila wala mag-alagad sa imong mga dios o magsimba sa larawan nga bulawan nga imong gipatindog.”

Maayong Balita Biblia

¹² Adunay pipila ka Judio nga imong gitudlo nga pangulo sa mga buluhaton sa lalawigan sa Babilonia. Sila mao si Sadrac, si Mesac ug si Abednego. Kining mga tawhana, O Kamahalan, wala magtagad sa imong sugo ug wala sila mag-alagad sa imong mga dios o magsimba sa estatuwa nga bulawan nga imong gipabuhat.”

Ang Bag-ong Maayong Balita Biblia

¹² Adunay pipila ka Judio nga imong gitudlo nga pangulo sa mga buluhaton sa lalawigan sa Babilonia. Sila mao si Sadrac, si Mesac ug si Abednego. Kining mga tawhana, O Kamahalan, wala magtagad sa imong sugo ug wala sila mag-alagad sa imong mga dios o magsimba sa estatuwa nga bulawan nga imong gipabuhat.”

Daniel 3:12 Cross References

Ester 3:8

Unya, miingon si Haman kang Haring Ahasuerus, “Adunay grupo sa katawhan nga nagpuyo sa nagkalain-laing probinsya sa imong gingharian nga adunay kaugalingong kasugoan nga lahi sa ubang mga katawhan. Wala sila magtuman sa imong mga kasugoan ug dili maayo alang kanimo, Mahal nga Hari, nga pasagdan lang sila.

Mga Panultihon 27:4

Makuyaw ang tawo nga anaa sa kasuko, apan mas makuyaw ang tawo nga gaselos.

Ecclesiastes 4:4

Nakita ko usab nga ang tawo gahago ug naningkamot gayod nga molampos kay nasina siya sa iyang isigka-tawo. Wala usab kini kapuslanan; sama ra nga naggukod siya sa hangin.

Daniel 1:7

Gihatagan sila ni Ashpenaz ug bag-ong mga ngalan. Si Daniel ginganlag Belteshazar, si Hanania ginganlag Shadrach, si Mishael ginganlag Meshach, ug si Azaria ginganlag Abednego.

Daniel 2:48

Unya gipasidunggan pag-ayo sa hari si Daniel ug gihatagan ug daghang matahom nga mga gasa. Gihimo niya kini nga tigdumala sa tibuok nga probinsya sa Babilonia ug pangulo sa tanang maalamon sa Babilonia.

Daniel 2:49

Gihangyo ni Daniel ang hari nga himuon sila si Shadrach, Meshach, ug Abednego nga iyang katabang sa pagdumala sa probinsya sa Babilonia. Ug misugot ang hari. Unya didto nagpuyo si Daniel sa palasyo sa hari.

Daniel 3:11

ug ang dili moluhod ug mosimba ilabay sa nagdilaab nga hudno?

Daniel 3:16

Mitubag ang tulo, “Mahal nga Hari, dili na kami kinahanglang mangatarungan pa kanimo bahin niana.

Daniel 3:29

Busa nagmando ako nga si bisan kinsa nga tawo sa bisan unsa nga nasod, tribo, o pinulongan nga mosulti ug daotan batok sa Dios nila ni Shadrach, Meshach, ug Abednego, tadtaron ug gub-on ang ilang mga balay. Kay wala nay laing dios nga makaluwas sama niini.”

Daniel 3:30

Ug gihatagan sa hari sila si Shadrach, Meshach, ug Abednego ug mas taas pa nga katungdanan sa probinsya sa Babilonia.

Daniel 6:13

Miingon sila sa hari, “Angay kang masayod nga si Daniel nga usa sa mga bihag gikan sa Juda wala nanumbaling kanimo o sa imong balaod. Nag-ampo siya sa iyang Dios makatulo sa usa ka adlaw.”

Daniel 6:14

Sa pagkadungog niini sa hari, naguol kaayo siya. Busa nagdesisyon siya nga tabangan si Daniel. Hangtod sa pagsalop sa adlaw, nangita siya ug paagi nga maluwas si Daniel.

Mga Buhat 17:7

Gipadayon pa sila niining Jason sa iyang balay. Kini silang tanan nagsupak sa kasugoan sa Emperador tungod kay nag-ingon sila nga naay usa pa ka hari nga ginganlag Jesus.”

Mga Buhat 5:28

“Dili ba gimandoan na namo kamo nga dili na magtudlo mahitungod kang Jesus? Apan tan-awa ang inyong gihimo! Mikaylap na ang inyong pagtulon-an sa tibuok nga Jerusalem, ug kami pa ang inyong gipasanginlan nga mipatay kaniya!”