Daniel 2:12 - Ang Pulong sa Dios

¹² Tungod sa ilang tubag, napungot pag-ayo ang hari ug nimando nga pamatyon ang tanang maalamon nga mga tawo sa Babilonia.

Ang Biblia 2011

¹² Tungod niini ang hari nasuko ug napungot sa hilabihan ug nagsugo nga pamatyon ang tanang maalamon nga mga tawo sa Babilonia.

Maayong Balita Biblia

¹² Tungod niini, nasuko ug napungot pag-ayo ang hari ug misugo nga pamatyon ang tanang makinaadmanong tawo sa Babilonia.

Ang Bag-ong Maayong Balita Biblia

¹² Tungod niini, nasuko ug napungot pag-ayo ang hari ug misugo nga pamatyon ang tanang makinaadmanong tawo sa Babilonia.

Daniel 2:12 Cross References

Job 5:2

Ang kasuko ug kasina mopatay sa tawong buang-buang ug walay kaalam.

Salmo 76:10

Sigurado gayod nga ang imong kasuko sa mga tawo makahatag ug dugang pagdayeg kanimo; gipugngan mo pa ang nabilin mong kasuko.

Mga Panultihon 16:14

Kon masuko ang hari malagmit aduna siyay patyon, busa ang tawong maalamon maningkamot gayod nga dili masuko ang hari.

Mga Panultihon 19:12

Ang kasuko sa hari sama sa ngulob sa liyon, apan ang iyang kaayo sama sa yamog sa tanaman.

Mga Panultihon 20:2

Makalilisang ang hari kon masuko murag nagangulob nga liyon. Kon pasuk-on mo siya, patyon ka gayod niya.

Mga Panultihon 29:22

Ang tawong daling masuko makahatag ug kagubot, ug daghag mahimong sala.

Daniel 2:24

Unya mibalik si Daniel kang Arioc nga mao ang gisugo sa hari sa pagpatay sa mga maalamon nga tawo sa Babilonia. Miingon si Daniel kaniya, “Ayaw patya ang maalamon nga mga tawo sa Babilonia. Dad-a ako didto sa hari kay hubaron ko ang iyang damgo.”

Daniel 2:5

Apan miingon ang hari kanila, “Nakahukom ako nga kon dili ninyo ikasaysay kanako kon unsay akong gidamgo ug mahubad ang kahulogan niini, ipatadtad ko kamo ug ipaguba ang inyong mga balay.

Daniel 3:13

Pagkadungog niadto sa hari labihan gayod ang iyang kasuko. Gipatawag dayon niya sila si Shadrach, Meshach, ug Abednego.

Daniel 3:19

Tungod sa ilang tubag misamot ang kasuko sa hari kanila, ug makita kini sa iyang dagway. Busa nimando siya nga dugangan ug pito ka pilo ang kainit sa hudno.

Daniel 5:19

Tungod sa gahom nga gihatag sa Dios kaniya, nahadlok kaniya ang mga tawo gikan sa nagkalain-laing mga nasod, tribo, ug pinulongan. Patyon niya si bisan kinsa nga buot niyang patyon. Ug ang gusto niyang magpabilin nga buhi, mabuhi. Pasidunggan niya ang gusto niyang pasidunggan; ipaubos niya ang gusto niyang ipaubos.

Mateo 2:16

Sa dihang nahibaloan ni Herodes nga gilimbongan siya sa mga tawo nga gikan sa sidlakan, napungot siya pag-ayo. Busa mimando siya nga pamatyon ang tanang bata nga lalaki sa Betlehem ug sa palibot niini, nga nag-edad ug duha ka tuig paubos. Kay sumala sa iyang nahibaloan gikan sa mga tawo nga naggikan sa sidlakan, mga duha na ka tuig ang nakalabay sukad sa ilang pagkakita sa bitoon.

Mateo 5:22

Apan ako moingon kaninyo nga si bisan kinsa nga adunay kasuko ngadto sa iyang isigka-tawo silotan. Ug si bisan kinsa nga moingon sa iyang isigka-tawo ‘Wala kay pulos,’ dad-on siya sa kinatas-ang hukmanan aron hukman. Ug si bisan kinsa nga moingon sa iyang isigka-tawo ‘Buang,’ silotan siya didto sa nagdilaab nga kalayo sa impiyerno.