Daniel 10:3 - Ang Pulong sa Dios

³ Wala gayod ako mokaon ug lamian nga pagkaon o karne ug wala ako moinom ug bino. Wala usab ako nagpahumot sulod sa tulo ka semana.

Ang Biblia 2011

³ Ako wala mokaon ug maayong mga pagkaon, walay karne o bino nga misulod sa akong baba, ug wala ako magdihog sa akong kaugalingon, sulod sa tibuok tulo ka semana.

Maayong Balita Biblia

³ Wala ako mokaon bisan sa lamiang mga pagkaon o motilaw ug bino o magdihog ug lana sa akong lawas sulod sa tulo ka semana.

Ang Bag-ong Maayong Balita Biblia

³ Wala ako mokaon bisan sa lamiang mga pagkaon o motilaw ug bino o magdihog ug lana sa akong lawas sulod sa tulo ka semana.

Daniel 10:3 Cross References

2 Samuel 19:24

Miadto usab didto si Mefiboset nga apo ni Saulo sa pagtagbo kang David. Gikan siya sa Jerusalem. Wala siya makapanghimasa sa iyang tiil, wala makapamalbas, ug wala usab makailis sa iyang bisti sukad sa pagbiya ni David sa Jerusalem hangtod nga nahibalik kini nga luwas sa kakuyaw. Sa pag-abot niya didto, gipangutana siya ni David, “Mefiboset, nganong wala ka man mouban kanako?”

Job 33:20

nga makapawala sa gana sa pagkaon, bisan pag lamian kaayo ang pagkaon.

Daniel 10:12

Unya miingon siya, “Daniel, ayaw kahadlok. Kay sa unang adlaw pa lang nga nagpaubos ka sa imong Dios, ug nagtinguha nga imong masabtan ang mga panan-awon, gidungog na ang imong pag-ampo. Mianhi ako dinhi agig tubag sa imong pag-ampo.

Daniel 11:8

Dad-on niya sa Ehipto ang mga rebulto sa ilang mga dios ug ang ilang mahalon nga mga kabtangan nga hinimo sa bulawan ug plata. Sulod sa pila ka tuig, dili siya makiggubat sa hari sa Siria.

Daniel 6:18

Unya mipauli ang hari sa palasyo. Wala siya mokaon niadtong gabhiona ug wala usab siya maglingaw-lingaw. Wala usab siya makatulog.

Amos 5:11

Gidaog-daog ninyo ang mga kabos ug inyong gipugos sa paghatag kaninyo sa ilang abot. Busa magtukod kamog mga mansyon, apan dili kamo makapuyo niini. Magtanom kamog ubas, apan dili kamo makainom sa bino nga gikan niini.

Nahum 2:9

Kawata ang plata! Kawata ang bulawan! Walay katapusan ang tinubdan sa tanang niyang bahandi!

Mateo 6:17

Apan kon kamo magpuasa, panghilam-os kamo ug panudlay,

Lucas 7:46

Wala mo butangi ug lana ang akong ulo agi ug pagdawat kanako, apan kini nga babaye, ang mahalon pa gayod nga pahumot ang iyang gibubo sa akong tiil.

1 Mga Taga-Corinto 9:27

Busa kon adunay dili maayo nga pangandoyon ang akong lawas, gipaningkamotan ko gayod nga pugngan kini kay basin kon human ko matudloi ang uban, ako pa unya ang dili makadawat ug ganti gikan sa Dios.