Daniel 1:8 - Ang Pulong sa Dios

⁸ Apan hugot nga nagdesisyon si Daniel nga dili niya hugawan ang iyang kaugalingon pinaagi sa pagkaon o ilimnon sa hari. Busa mihangyo siya kang Ashpenaz nga dili lang siya pakan-on o paimnon sa gipahatag kaniya sa hari.

Ang Biblia 2011

⁸ Apan si Daniel mihukom nga dili niya hugawan ang iyang kaugalingon sa mga lamiang pagkaon sa hari, o sa bino nga giinom sa hari, busa iyang gihangyo ang pangulo sa mga yunoko nga tugotan siya sa dili paghugaw sa iyang kaugalingon.

Maayong Balita Biblia

⁸ Apan si Daniel dili buot nga hugawan niya ang iyang kaugalingon pinaagi sa pagkaon ug pag-inom sa gidulot kaniya gikan sa hari busa gihangyo niya si Aspenas nga tugotan siya sa dili pagkaon o pag-inom sa idulot kaniya.

Ang Bag-ong Maayong Balita Biblia

⁸ Apan si Daniel dili buot nga hugawan niya ang iyang kaugalingon pinaagi sa pagkaon ug pag-inom sa gidulot kaniya gikan sa hari busa gihangyo niya si Aspenas nga tugotan siya sa dili pagkaon o pag-inom sa idulot kaniya.

Daniel 1:8 Cross References

1 Mga Hari 5:5

Busa naghuna-huna ako nga magpatukod na ug Templo alang sa kadungganan sa Ginoo nga akong Dios, sumala sa giingon sa Ginoo sa akong amahan nga si David. Mao kini ang iyang giingon kang David: ‘Ang imong anak nga akong papulihon kanimo ingon nga hari mao ang magpatukod ug Templo alang kanako.’

Salmo 106:28

Nakighiusa sila sa pagsimba kang Baal sa Peor ug mikaon sila sa mga halad alang sa mga patay.

Salmo 119:106

Tumanon ko gayod ang akong gipanumpaan nga motuman sa imong matarong nga mga sugo.

Salmo 119:115

Pahilayo kamo kanako, kamong mga naghimo ug daotan, aron matuman ko ang mga sugo sa akong Dios.

Salmo 141:4

Ilikay ako sa paghimo ug daotan ug sa pagpakig-uban sa mga tawo nga naghimo ug daotan. Ilikay ako sa pagpakig-ambit sa ilang mga kombira.

Mga Panultihon 23:3

Ayaw kaibog sa lamiang pagkaon nga iyang gidalit, kay basig gipanid-an niya ang imong pamatasan.

Daniel 1:5

Nagsugo pa gayod ang hari nga hatagan sila matag adlaw sa samang pagkaon ug ilimnon nga ginakaon ug ginainom sa hari. Human sa tulo ka tuig nga pagbansay, mangalagad na sila kaniya.

Daniel 5:4

Samtang nag-inom sila, gidayeg nila ang mga dios nga hinimo sa bulawan, plata, bronsi, puthaw, kahoy ug bato.

Mga Buhat 11:23

Pag-abot niya didto nalipay siya tungod kay nakita niya ang mga panalangin sa Dios sa mga tawo didto. Ug gidasig niya sila nga magmatinumanon ug magmalig-on sa ilang pagtuo sa Ginoo.

Mga Buhat 15:20

Hinuon, sulatan nato sila nga dili mokaon sa mga pagkaon nga gihalad ngadto sa mga dios-dios tungod kay hugaw kini. Dili sila makighilawas gawas sa kaminyoon. Dili usab sila mokaon sa dugo ug sa karne sa mga hayop nga sa pagkamatay wala makagawas ang dugo.

1 Mga Taga-Corinto 7:37

Apan kon desidido ang usa ka lalaki nga dili magminyo sa iyang trato, ug alang kaniya wala kinahanglana ang pagminyo kay mapugngan ra niya ang iyang kaugalingon, maayo ang iyang gibuhat.

2 Mga Taga-Corinto 9:7

Ang matag-usa kinahanglan mohatag sa kinasing-kasing gayod; dili nga mapugos lang o bug-at sa buot, kay gihigugma sa Dios ang mga naghatag nga malipayon.

Deuteronomio 32:38

Asa na ang ilang mga dios nga mikaon sa tambok ug miinom sa bino sa ilang mga halad? Patabanga sila kaninyo, ug himoa ninyo silang inyong panalipod!”