Daniel 1:5 - Ang Pulong sa Dios

⁵ Nagsugo pa gayod ang hari nga hatagan sila matag adlaw sa samang pagkaon ug ilimnon nga ginakaon ug ginainom sa hari. Human sa tulo ka tuig nga pagbansay, mangalagad na sila kaniya.

Ang Biblia 2011

⁵ Ang hari nagpalain alang kanila ug inadlawng bahin sa mga lamian nga pagkaon nga gikaon sa hari, ug sa bino nga iyang giinom. Kinahanglan nga magtuon sila sulod sa tulo ka tuig ug sa kataposan niana nga panahon kinahanglan nga mangatubang sila sa hari.

Maayong Balita Biblia

⁵ Ang hari nagsugo nga adlaw-adlaw hatagan sila sa harianong pagkaon ug bino. Molungtad ug tulo ka tuig ang ilang pagtuon ug sa pagkatapos nianang panahona, kinahanglang moatubang sila sa hari.

Ang Bag-ong Maayong Balita Biblia

⁵ Ang hari nagsugo nga adlaw-adlaw hatagan sila sa harianong pagkaon ug bino. Molungtad ug tulo ka tuig ang ilang pagtuon ug sa pagkatapos nianang panahona, kinahanglang moatubang sila sa hari.

Daniel 1:5 Cross References

Genesis 41:46

Nag-edad si Jose ug 30 ka tuig sa dihang nagsugod siya sa pag-alagad sa hari sa Ehipto. Ug mibiya si Jose sa palasyo ug milibot sa tibuok Ehipto.

1 Mga Hari 10:8

Pagkabulahan sa imong katawhan! Pagkabulahan sa mga opisyal nga nag-alagad kanimo kay kanunay silang makadungog sa imong kaalam.

2 Mga Hari 25:30

Ug kada adlaw gihatagan siya sa hari sa iyang mga kinahanglanon samtang buhi pa siya.

2 Cronicas 9:7

Pagkabulahan sa imong katawhan! Pagkabulahan sa mga opisyal nga nag-alagad kanimo kay kanunay silang makadungog sa imong kaalam.

Mga Panultihon 23:3

Ayaw kaibog sa lamiang pagkaon nga iyang gidalit, kay basig gipanid-an niya ang imong pamatasan.

Jeremias 15:19

Busa miingon ang  Ginoo kanako, “Kon maghinulsol ka, pabalikon ka nako kanako aron padayon ka nga makaalagad kanako. Kon mga pulong nga mapuslanon ang imong isulti ug dili mga pulong nga walay pulos, himuon ka nako nga akong tigpamaba. Kinahanglan nga sila ang modangop kanimo, ug dili kay ikaw ang modangop kanila.

Daniel 1:19

Nakigsulti ang hari kanila, ug nakita sa hari nga sa tanang mga batan-on walay sama kang Daniel, Hanania, Mishael, ug Azaria. Busa sila ang gipili nga mag-alagad kaniya.

Daniel 1:8

Apan hugot nga nagdesisyon si Daniel nga dili niya hugawan ang iyang kaugalingon pinaagi sa pagkaon o ilimnon sa hari. Busa mihangyo siya kang Ashpenaz nga dili lang siya pakan-on o paimnon sa gipahatag kaniya sa hari.

Mateo 6:11

Hatagi kami sa among gikinahanglan nga pagkaon karong adlawa.

Lucas 1:19

Mitubag ang anghel, “Ako si Gabriel nga alagad sa Dios nga anaa gayod sa iyang atubangan. Gisugo niya ako aron sa pagsulti kanimo niining maayong balita.

Lucas 11:3

Hatagi kami sa among gikinahanglan nga pagkaon matag adlaw.

Lucas 21:36

Busa kanunay kamong mangandam ug mag-ampo nga kon mahitabo na kining tanan, adunay kalig-on kamo aron makalingkawas kamo niining panghitabo, ug makaatubang kamo nga dili maulaw sa Anak sa Tawo.”

1 Samuel 16:22

Unya nagpadala ug mensahe si Saulo kang Jesse nga nag-ingon, “Tugoti si David nga magpabilin sa pag-alagad kanako, kay nagustohan ko siya.”