Daniel 1:1 - Ang Pulong sa Dios

¹ Sa ikatulo nga tuig sa paghari ni Jehoyakim sa Juda, gisulong ni Nebucadnezar nga hari sa Babilonia ug sa iyang mga sundalo ang Jerusalem.

Ang Biblia 2011

¹ Sa ikatulo nga tuig sa pagmando ni Jehoiakim nga hari sa Juda, si Nabucodonosor nga hari sa Babilonia miadto sa Jerusalem ug mipalibot niini.

Maayong Balita Biblia

¹ Sa ikatulong tuig sa paghari ni Joakim sa Juda, misulong sa Jerusalem si Nabucodonosor, ang hari sa Babilonia ug giataki niya kini.

Ang Bag-ong Maayong Balita Biblia

¹ Sa ikatulong tuig sa paghari ni Joakim sa Juda, misulong sa Jerusalem si Nabucodonosor, ang hari sa Babilonia ug giataki niya kini.

Daniel 1:1 Cross References

2 Mga Hari 23:36

Nag-edad si Jehoyakim ug 25 ka tuig sa dihang nahimo siyang hari. Sa Jerusalem siya nagpuyo, ug naghari siya sulod sa 11 ka tuig. Ang iyang inahan mao si Zebida nga anak ni Pedaya nga taga-Ruma.

2 Mga Hari 24:13

Sumala sa gipasidaan sa Ginoo, gipanguha ni Nebucadnezar ang tanang bahandi sa Templo sa Ginoo ug sa palasyo, ug ang tanang bulawan nga kagamitan nga gipahimo ni Solomon nga hari sa Israel alang sa Templo sa Ginoo.

Isaias 39:7

Ug ang uban sa imong umaabot nga mga kaliwat bihagon, ug mahimo silang mga alagad sa palasyo sa hari sa Babilonia.”

Jeremias 25:1

Kini nga mensahe bahin sa katawhan sa Juda gihatag sa Ginoo kang Jeremias sa ikaupat nga tuig sa paghari sa Juda ni Jehoyakim nga anak ni Josia. Mao usab kini ang unang tuig sa paghari ni Nebucadnezar sa Babilonia.

Jeremias 35:1

Sa dihang ang anak ni Josia nga si Jehoyakim pa ang hari sa Juda, miingon ang  Ginoo kang Jeremias,

Jeremias 35:11

Apan sa dihang gisulong ni Nebucadnezar nga hari sa Babilonia kini nga nasod, nahadlok kami sa mga sundalo sa Babilonia ug sa Aram, busa nagdesisyon kami nga moanhi sa Jerusalem ug mao kana ang hinungdan nga ania kami dinhi magpuyo.”

Jeremias 36:1

Sa ikaupat nga tuig sa paghari sa Juda ni Jehoyakim nga anak ni Josia, miingon ang  Ginoo kang Jeremias,

Jeremias 45:1

Sa ikaupat nga tuig sa paghari sa Juda ni Jehoyakim nga anak ni Josia, gisulat ni Baruc ang gidikta kaniya ni Propeta Jeremias.

Jeremias 50:1

Mao kini ang gisulti sa Ginoo kang Jeremias bahin sa Babilonia ug sa katawhan niini:

Jeremias 52:12

Sa ikanapulo nga adlaw sa ikalima nga bulan, niadtong ika-19 nga tuig sa paghari ni Nebucadnezar sa Babilonia, miadto sa Jerusalem si Nebuzaradan nga komander sa mga tigbalantay sa hari sa Babilonia.

Jeremias 52:28

Mao kini ang gidaghanon sa mga Israelinhon nga gibihag ni Haring Nebucadnezar: Sa ikapito nga tuig sa iyang paghari, 3,023 ka mga tawo.

Daniel 5:13

Busa gipatawag sa hari si Daniel. Ug miingon ang hari kaniya, “Ikaw diay si Daniel nga usa sa mga binihag nga Judio nga gidala dinhi sa akong amahan gikan sa Juda?