3 Juan 1:5 - Ang Pulong sa Dios

⁵ Hinigugma ko nga Gayo, tinuod gayod nga kasaligan ka, kay giatiman mo ang atong mga igsoon nga nahiagi diha bisan pa ug dili mo sila kaila.

Ang Biblia 2011

⁵ Hinigugma, nagbuhat ikaw nga matinumanon sa bisan unsang pag-alagad ngadto sa mga igsoon ug sa mga dumuduong.

Maayong Balita Biblia

⁵ Minahal kong higala, nagmatinumanon ka sa imong pag-alagad sa mga kaigsoonan bisan pa kon sila dili nimo kaila.

Ang Bag-ong Maayong Balita Biblia

⁵ Minahal kong higala, nagmatinumanon ka sa imong pag-alagad sa mga kaigsoonan bisan pa kon sila dili nimo kaila.

3 Juan 1:5 Cross References

Mateo 24:45

“Ang kasaligan ug maalamon nga sulugoon mao ang gipiyalan sa agalon nga magdumala sa kauban niyang mga sulugoon. Siya ang maghatag kanila sa ilang pagkaon sa husto nga oras.

Mateo 25:16

Ang sulugoon nga nakadawat ug 5,000 nagnegosyo dayon ug nakaginansya siya ug 5,000.

Lucas 12:42

Gitubag siya ni Jesus, “Dili ba nga kon kinsa ang masaligan ug maalamon nga sulugoon mao man ang pilion sa agalon nga maoy magdumala sa kauban niyang mga sulugoon? Siya ang maghatag kanila sa ilang pagkaon sa hustong oras.

Mga Buhat 1:15

Usa niana ka adlaw, samtang nagtigom ang mga 120 ka mga magtutuo, mitindog si Pedro ug miingon,

Roma 12:13

Tabangan nato ang mga anak sa Dios sa ilang mga kinahanglanon ug dawaton nato sa atong panimalay ang mga dumuduong.

Mga Taga-Galacia 6:10

Busa kon adunay kahigayonan, dili nato palabyon ang pagbuhat ug maayo ngadto sa tanang mga tawo, ug labi na gayod sa atong mga igsoon sa pagtuo.

Mga Taga-Colosas 3:17

Ug bisan unsa ang inyong himuon o isulti, buhata kini aron ipakita nga si Jesus ang inyong Ginoo, ug magpasalamat kamo sa Dios nga amahan pinaagi kaniya.

Mga Hebreo 13:2

Ayaw ninyo kalimti ang pag-abiabi sa mga dumuduong. Adunay mga tawo kaniadto nga nagbuhat niana, ug wala sila masayod nga kadtong ilang mga bisita mga anghel diay.

3 Juan 1:10

Busa inig-abot ko diha isulti ko kaninyo ang tanan niyang gibuhat. Labihan kadaotan ang iyang mga pagbutang-butang kanamo. Ug dili kay kana lang, ang atong mga igsoon kang Cristo nga nag-agi diha dili usab niya dawaton. Gipugngan pa niya ang gustong modawat kanila ug gipapahawa sa iglesia.

3 Juan 1:3

Nalipay gayod ako sa pag-abot dinhi sa pipila nato ka mga igsoon nga nagsulti mahitungod sa imong pagkamatinumanon sa kamatuoran, sama sa nasayran ko nga ikaw nagkinabuhi sumala niini.