2 Samuel 9:11 - Ang Pulong sa Dios

¹¹ Miingon si Ziba sa hari, “Mahal nga Hari, tumanon ko ang bisan unsa nga imong isugo kanako nga imong sulugoon.” Sukad niadto, kanunay nang ikauban ni David si Mefiboset sa pagpangaon ingon nga usa sa iyang mga anak.

Ang Biblia 2011

¹¹ Unya si Ziba miingon sa hari, “Sumala sa tanan nga gisugo sa akong agalong hari ngadto sa iyang sulugoon, mao usab ang buhaton sa imong sulugoon.” Busa si Mefiboset, nagkaon kanunay diha sa lamisa ni David sama sa usa sa mga anak sa hari.

Maayong Balita Biblia

¹¹ Unya si Ziba miingon sa hari, “Buhaton ko ang tanan nga gisugo kanako sa akong agalon nga hari.” Busa si Mepiboset nagkan-anan uban sa hari sama sa usa ka anak sa hari.

Ang Bag-ong Maayong Balita Biblia

¹¹ Unya si Ziba miingon sa hari, “Buhaton ko ang tanan nga gisugo kanako sa akong agalon nga hari.” Busa si Mepiboset nagkan-anan uban sa hari sama sa usa ka anak sa hari.

2 Samuel 9:11 Cross References

2 Samuel 15:15

Miingon ang mga opisyal, “Mahal nga Hari, andam kami sa paghimo sa bisan unsa nga imong isulti.”

2 Samuel 19:17

Aduna siyay kauban nga 1,000 ka mga Benjaminhon, apil na niini si Ziba nga alagad sa pamilya ni Saulo, ug ang iyang 15 ka mga anak nga lalaki ug 20 ka sulugoon. Midali-dali gayod sila sa pagtagbo kang David didto sa Suba sa Jordan.

2 Samuel 19:24

Miadto usab didto si Mefiboset nga apo ni Saulo sa pagtagbo kang David. Gikan siya sa Jerusalem. Wala siya makapanghimasa sa iyang tiil, wala makapamalbas, ug wala usab makailis sa iyang bisti sukad sa pagbiya ni David sa Jerusalem hangtod nga nahibalik kini nga luwas sa kakuyaw. Sa pag-abot niya didto, gipangutana siya ni David, “Mefiboset, nganong wala ka man mouban kanako?”

2 Samuel 19:26

Mitubag siya, “Mahal nga Hari, nahibalo ka nga bakol ako. Giingnan ko ang akong sulugoon nga si Ziba nga andamon ang akong asno aron makasakay ako ug makauban kanimo. Apan gilimbongan niya ako,

2 Samuel 9:10

Ikaw, ang imong mga anak, ug ang imong mga sulugoon ang mag-uma sa yuta alang kaniya, ug dad-on mo kaniya ang mga abot, aron adunay pagkaon ang iyang panimalay. Apan si Mefiboset kanunay nga mokaon uban kanako.” (Si Ziba adunay 15 ka mga anak nga lalaki ug 20 ka mga sulugoon.)

2 Samuel 9:12

Adunay anak si Mefiboset nga lalaki nga ang ngalan si Mica. Ang tanang miyembro sa panimalay ni Ziba nahimong sulugoon ni Mefiboset.

2 Samuel 9:13

Si Mefiboset nga bakol didto na nagpuyo sa Jerusalem tungod kay kanunay nang ikauban ni Haring David sa pagpangaon.