2 Samuel 8:6 - Ang Pulong sa Dios

⁶ Unya nagpabutang si David ug mga kampo sa Damasco, ang dapit sa mga Aramehanon. Ug nahimo niya sila nga mga sakop ug nagbayad silag buhis kaniya. Gipadaog sa Ginoo si David sa iyang mga pagpakig-gira bisan asa siya moadto.

Ang Biblia 2011

⁶ Unya si David nagbutang ug mga sundalo nga bantay sa kuta didto sa Aram sa Damasco, ug ang mga Sirianhon nahimong mga sulugoon ni David ug naghatag ug buhis. Ang Ginoo mihatag ug kadaogan kang David bisan diin siya miadto.

Maayong Balita Biblia

⁶ Unya gibutangan ni David ug mga kampo didto sa Aram sa Damasco ug ang mga taga-Siria nahimong alagad ni David ug nagbayad silag buhis kaniya. Ug sa bisan diing dapita makiggubat si David, gipadaog siya sa Ginoo.

Ang Bag-ong Maayong Balita Biblia

⁶ Unya gibutangan ni David ug mga kampo didto sa Aram sa Damasco ug ang mga taga-Siria nahimong alagad ni David ug nagbayad silag buhis kaniya. Ug sa bisan diing dapita makiggubat si David, gipadaog siya sa Ginoo.

2 Samuel 8:6 Cross References

2 Samuel 10:19

Sa dihang nakita sa mga hari nga kauban sa mga Aramehanon, nga sakop ni Hadadezer, nga napildi na sila sa mga Israelinhon, nagpasakop sila sa mga Israelinhon ug mialagad kanila. Busa sukad niadto nahadlok na ang mga Aramehanon nga motabang sa mga Amonihanon.

2 Samuel 23:14

ug nailog nila ang Betlehem. Samtang didto si David sa kuta,

2 Samuel 3:18

Mao na kini ang inyong higayon, kay nagsaad ang Ginoo nga pinaagi sa iyang alagad nga si David luwason niya ang iyang katawhan nga mga Israelinhon gikan sa mga Filistihanon ug sa tanan nilang mga kaaway.”

2 Samuel 5:10

Misamot ang pagkagamhanan ni David, tungod kay gitabangan siya sa Ginoong Dios nga Makagagahom.

2 Samuel 7:9

Giubanan ka nako bisan asa ka moadto, ug gipildi ko ang tanan mong mga kaaway. Karon, himuon ka nako nga bantogan sama sa bantogan nga mga tawo sa kalibotan.

2 Samuel 8:14

Unya nagpabutang siyag mga kampo sa tibuok Edom, ug nahimo niyang sakop ang tanang mga Edomihanon. Gipadaog sa Ginoo si David sa iyang mga pagpakig-gira bisan asa siya moadto.

2 Samuel 8:2

Napildi usab ni David ang mga Moabihanon. Gipahigda niya sila sa yuta nga naglaray ug gisukod ug pisi. Ang masakop sa kada duha ka sukod sa pisi gipamatay ug ang masakop sa ikatulo ka sukod gitugotan nga mabuhi. Ang mga Moabihanon nga wala gipamatay nahimong mga ulipon ni David ug nagbayad silag buhis kaniya.

2 Samuel 8:7

Gikuha ni David ang bulawan nga mga taming sa mga opisyal ni Hadadezer, ug gidala kini sa Jerusalem.

1 Mga Hari 4:21

Gidumalahan ni Solomon ang tanang mga gingharian gikan sa Suba sa Eufrates paingon sa yuta sa mga Filistihanon hangtod sa utlanan sa Ehipto. Nagbayad sila ug buhis kang Solomon ug nag-alagad kaniya sa tibuok niyang kinabuhi.

2 Mga Hari 1:1

Human namatay si Ahab, nagrebelde ang Moab sa Israel.

2 Mga Hari 14:28

Ang uban pang sugilanon mahitungod sa paghari ni Jeroboam II, ug ang iyang bantogan nga mga binuhatan ug ang uban pa niyang gihimo, apil na ang pagbawi sa Damasco ug Hamat nga kanhi sakop sa Juda, nasulat sa libro sa mga sugilanon bahin sa mga hari sa Israel.

2 Mga Hari 18:7

Giubanan siya sa Ginoo, ug nagmalampuson siya sa tanan niyang gihimo. Nagrebelde siya batok sa hari sa Asiria ug wala moalagad kaniya.

2 Mga Hari 3:4

Si Mesha nga hari sa Moab tig-alima ug mga karnero, ug kada tuig maghatagan siya ngadto sa hari sa Israel ug 100,000 ka batan-ong mga karnero nga lalaki, ug balhibo sa 100,000 ka gulang nga mga karnero nga lalaki.

1 Cronicas 18:13

Unya nagpabutang si David ug mga kampo didto sa Edom, ug nahimo niyang sakop ang tanang mga Edomihanon. Gipadaog sa Ginoo si David bisan asa siya moadto sa pagpakig-gira.

2 Cronicas 17:2

Gibutangan niyag mga sundalo ang tanang pinarilan nga mga lungsod sa Juda, ug gibutangan niyag mga kampo sa mga sundalo ang Juda ug ang mga lungsod sa Efraim nga nailog sa iyang amahan nga si Asa.

Salmo 140:7

Ginoong Dios, ikaw ang akong gamhanang manluluwas; gipanalipdan mo ako sa panahon sa gira.

Salmo 60:10

Dili ba ikaw, O Dios, nga nagsalikway kanamo ug wala na mouban sa among mga sundalo?

Mga Panultihon 21:31

Bisan hanas na ang mga kabayo sa gira, ang  Ginoo ray makapadaog.

1 Samuel 13:3

Gisulong ni Jonatan ang kampo sa mga Filistihanon didto sa Geba, ug nadunggan kini sa ubang mga Filistihanon. Busa nagsugo si Saulo nga patingogon ang mga budyong sa tibuok yuta sa Israel aron sa pagpaandam sa mga Hebreo alang sa gira.

1 Samuel 14:1

Usa ka adlaw, miingon si Jonatan sa batan-ong lalaki nga tigdala sa iyang armas, “Dali, moadto kita sa bantayanan sa mga Filistihanon.” Apan wala siya mananghid sa iyang amahan.

1 Samuel 14:15

Nahadlok pag-ayo ang mga Filistihanon, kadtong anaa sa kampo, sa uma, sa bantayanan, ug apil na ang mga nanulong. Unya milinog ug kalit, ug misamot pa gayod ang ilang kahadlok.

1 Samuel 14:6

Miingon si Jonatan ngadto sa tigdala sa iyang armas, “Dali, adtoon na nato ang bantayanan sa mga tawong wala nakaila sa Dios. Basig tabangan kita sa Ginoo, kay walay makababag kaniya sa pagpadaog kanato, bisan daghan man kita o gamay lang.”