2 Samuel 7:8 - Ang Pulong sa Dios

⁸ “Sultihi usab si David nga ako, ang Ginoo nga Makagagahom, nag-ingon, ‘Magbalantay ka kaniadto sa mga karnero, apan gipili ka nako nga magdumala sa akong katawhan nga mga Israelinhon.

Ang Biblia 2011

⁸ Busa karon mao kini ang imong isulti ngadto sa akong alagad nga si David, ‘Kini mao ang gisulti sa Ginoo sa mga panon: Gikuha ko ikaw gikan sa sibsibanan, gikan sa pagsunod sa mga karnero, aron ikaw mahimong pangulo sa akong katawhan nga Israel.

Maayong Balita Biblia

⁸ Busa karon sultihi ang akong sulugoon nga si David, ‘Kini ang giingon sa Ginoo nga Labing Gamhanan: Gikuha ko ikaw gikan sa pasibsibanan, gikan sa imong pagkamagbalantay sa karnero aron paghimo kanimong hari sa akong katawhan, ang mga Israelita.

Ang Bag-ong Maayong Balita Biblia

⁸ Busa karon sultihi ang akong sulugoon nga si David, ‘Kini ang giingon sa Ginoo nga Labing Gamhanan: Gikuha ko ikaw gikan sa pasibsibanan, gikan sa imong pagkamagbalantay sa karnero aron paghimo kanimong hari sa akong katawhan, ang mga Israelita.

2 Samuel 7:8 Cross References

2 Samuel 12:7

Unya miingon si Natan kang David, “Ikaw kadtong maong tawo! Mao kini ang giingon sa Ginoo, nga Dios sa Israel: ‘Gipili ka nako nga hari sa Israel ug giluwas ka nako gikan kang Saulo.

2 Samuel 14:13

Miingon ang babaye, “Wala ka kaha makasala sa katawhan sa Dios niining imong gisulti kanako? Sa imong gisulti, gihukman mo nga sad-an ang imong kaugalingon kay wala nimo pabalika ang imong anak nga giabog.

2 Samuel 23:1

Si David nga anak ni Jesse gihimong bantogan sa Labing Halangdong Dios. Gipili siya sa Dios ni Jacob nga mahimong hari, ug siya ang nagsulat sa maanindot nga mga awit sa taga-Israel. Mao kini ang kataposan niyang mga pulong:

2 Samuel 24:17

Sa dihang nakita ni David ang anghel nga mipatay sa mga tawo, miingon siya sa Ginoo, “Ako ang nakasala. Kining mga tawhana inosente sama sa mga karnero. Wala silay nahimong sala. Ako na lang ug ang akong pamilya ang siloti.”

2 Samuel 5:2

Sukad pa kaniadto, bisan sa dihang si Saulo pa ang among hari, ikaw na ang nangulo sa mga Israelinhon sa pagpakig-gira. Ug nag-ingon ang Ginoo kanimo, ‘Atimanon mo ang akong katawhan nga mga Israelinhon sama sa pag-atiman sa usa ka magbalantay sa iyang mga karnero. Ikaw ang mahimo nilang pangulo.’ ”

2 Samuel 6:21

Miingon si David kang Mical, “Gihimo ko kadto sa presensya sa Ginoo nga nagpili kanako labaw sa imong amahan o ni bisan kinsa sa iyang panimalay. Gipili niya ako nga modumala sa iyang katawhan nga mga Israelinhon. Busa magpadayon ako sa paglipay sa presensya sa Ginoo,

1 Mga Hari 3:6

Mitubag si Solomon, “Gipakitaan mo ug dakong kaayo ang akong amahan nga si David, nga imong alagad, tungod kay nagmatinumanon ug nagmatinud-anon siya kanimo, ug nagkinabuhi nga matarong ug maligdong. Ug unya padayon mong gipakita kaniya ang imong kaayo pinaagi sa paghatag kaniya ug usa ka anak nga mao ang mipuli kaniya ingon nga hari karon.

1 Mga Hari 8:16

‘Sukad sa panahon nga gipagawas ko ang akong katawhan nga mga Israelinhon gikan sa Ehipto, wala ako magpili ug siyudad sa bisan unsa nga tribo sa Israel aron patukoran ug Templo alang sa akong kadungganan. Apan gipili ko si David nga maoy magdumala sa akong katawhan nga mga Israelinhon.’

1 Cronicas 17:7

“Sultihi usab si David nga ako, ang Ginoo nga Makagagahom, nag-ingon, ‘Magbalantay ka kaniadto sa mga karnero, apan gipili ka nako nga magdumala sa akong katawhan nga mga Israelinhon.

1 Cronicas 21:17

Miingon si David sa Dios, “Ako ang nagsugo nga ihapon ang katawhan. Ako ang nakasala ug naghimo niining hilabihan kadaotang buhat. Kining mga tawo sama sa inosenteng mga karnero. Wala silay nahimong sala. O Ginoo nga akong Dios, ako na lang ug ang akong pamilya ang siloti. Ayaw na paantosa ang imong katawhan niini nga katalagman.”

Amos 7:15

Apan gikuha ako sa Ginoo gikan sa pagkamagbalantay sa karnero ug giingnan nga isugilon ang iyang mensahe kaninyo nga mga Israelinhon nga iyang katawhan.

Mga Buhat 7:46

Nahimuot ang Dios kang David, ug gipangayo ni David kaniya nga tugotan siya nga magpatukod ug balay alang sa Dios aron makasimba didto ang kaliwatan ni Jacob.

1 Samuel 10:1

Unya nagkuha si Samuel ug usa ka tibod sa lana ug gibubo ang sulod niini sa ulo ni Saulo. Gihagkan niya si Saulo ug miingon, “Ang Ginoo mismo ang nagpili kanimo nga mangulo sa katawhan nga iyang gipanag-iyahan.

1 Samuel 2:8

Gihaw-as sa Ginoo ang mga kabos sa ilang kawalad-on ug gipalingkod sila sa Ginoo uban sa mga halangdon ug gihatagag kadungganan. Siya ang tag-iya sa patukoranan diin gipahimutang ang kalibotan.

1 Samuel 9:16

“Ugma, sa sama niining orasa, paanhaon ko kanimo ang usa ka tawo nga gikan sa dapit sa Benjamin. Dihogi ug lana ang iyang ulo sa pagpaila nga siya ang pangulo sa akong katawhan nga mga Israelinhon. Luwason niya ang akong katawhan gikan sa mga Filistihanon, kay nakita ko ang mga pag-antos sa akong katawhan, ug nadungog ko ang ilang pagpangayo ug tabang.”