2 Samuel 7:2 - Ang Pulong sa Dios

² Usa ka adlaw, miingon si David kang Propeta Natan, “Tan-awa ra gud, ania ako magpuyo sa palasyo nga hinimo sa kahoyng sedro, apan ang Sudlanan sa Dios anaa lang sa tolda.”

Ang Biblia 2011

² ang hari miingon kang Natan nga propeta, “Tan-awa karon, ako nagpuyo sa usa ka balay nga binuhat sa cedro, apan ang sudlanan sa kasabotan sa Dios nagpuyo sa usa ka tolda.”

Maayong Balita Biblia

² giingnan niya si Natan, ang propeta, “Nakita mo karon nga nagpuyo ako sa palasyo nga sidro apan anaa ta ibutang ang Sudlanan sa Kasabotan sa Dios sa usa ka tolda!”

Ang Bag-ong Maayong Balita Biblia

² giingnan niya si Natan, ang propeta, “Nakita mo karon nga nagpuyo ako sa palasyo nga sidro apan anaa ta ibutang ang Sudlanan sa Kasabotan sa Dios sa usa ka tolda!”

2 Samuel 7:2 Cross References

2 Samuel 11:11

Miingon si Uria kang David, “Ang Sudlanan sa Kasabotan ug ang mga sundalo sa Israel ug Juda atua sa mga kampo sa kapatagan, ug atua usab ang among komander nga si Joab ug ang iyang mga opisyal. Makaako ba ako sa pagpauli aron mokaon, moinom, ug makigdulog sa akong asawa? Ipanumpa ko kanimo nga dili ko gayod kana mahimo.”

2 Samuel 12:1

Unya gipaadto sa Ginoo si Propeta Natan ngadto kang David. Pag-abot niya didto, miingon siya kang David, “Adunay duha ka tawo nga nagpuyo sa usa ka lungsod. Ang usa adunahan ug ang usa kabos.

2 Samuel 5:11

Unya si Hiram nga hari sa Tiro nagpadalag mga mensahero ngadto kang David uban sa mga panday ug mga mason, apil ang mga kahoyng sedro, aron tukoran si David ug palasyo.

2 Samuel 6:17

Gibutang nila ang Sudlanan sa Ginoo sulod sa tolda nga gipatindog ni David alang niini. Unya naghalad si David sa Ginoo ug mga halad nga sinunog ug mga halad alang sa maayong relasyon.

2 Samuel 7:17

Gisugilon ni Natan kang David ang tanang gipadayag sa Dios kaniya.

1 Mga Hari 1:22

Samtang nakigsulti si Batseba sa hari, miabot si Propeta Natan.

1 Mga Hari 1:8

Apan wala mouyon kaniya si Sadok nga pari, si Benaya nga anak ni Jehoyada, si Propeta Natan, si Shimei, si Rei, ug ang mga badigard ni David.

1 Mga Hari 4:5

Ang pangulo sa mga gobernador sa mga distrito sa Israel mao si Azaria nga anak ni Natan. Ang personal nga magtatambag sa hari mao si Zabud nga pari, nga anak usab ni Natan.

1 Mga Hari 8:17

“Gusto gayod ang akong amahan nga si David nga magpatukod sa Templo alang sa kadungganan sa Ginoo, nga Dios sa Israel.

1 Cronicas 14:1

Unya si Hiram nga hari sa Tiro nagpadalag mga mensahero ngadto kang David uban sa mga panday ug mga mason, apil ang mga kahoyng sedro, aron tukoran si David ug palasyo.

1 Cronicas 16:1

Gibutang nila ang Sudlanan sa Dios sulod sa tolda nga gipatindog ni David alang niini. Unya naghalad sila sa Ginoo ug mga halad nga sinunog ug mga halad alang sa maayong relasyon ngadto sa Dios.

1 Cronicas 22:7

Miingon si David kang Solomon, “Anak, buot ko gayod untang magpatukod ug balay alang sa kadungganan sa Ginoo nga akong Dios.

1 Cronicas 29:29

Ang sugilanon mahitungod sa paghari ni Haring David, gikan sa sinugdan hangtod sa kataposan, nasulat sa mga libro sa mga propeta nga sila si Samuel, Natan, ug Gad.

2 Cronicas 1:4

Niadtong panahona nabalhin na ni David ang Sudlanan sa Dios gikan sa Kiriat-Jearim ngadto sa tolda nga iyang giandam alang niini didto sa Jerusalem.

2 Cronicas 29:25

Unya gibutang ni Ezequias ang mga Levita sa Templo sa Ginoo nga nagdala ug mga simbal, harpa, ug mga lira. Kini sumala sa mando sa Ginoo kang Haring David pinaagi kang Gad nga propeta ni David ug kang Propeta Natan.

2 Cronicas 9:29

Ang uban pang sugilanon bahin sa paghari ni Solomon, gikan sa sinugdan hangtod sa kataposan, nasulat sa Libro ni Propeta Natan, sa Mga Panagna ni Ahia nga taga-Silo, ug sa Mga Panan-awon ni Propeta Iddo, nga nagsugilon usab bahin sa paghari ni Jeroboam nga anak ni Nebat.

Salmo 132:2

Hinumdomi Ginoo, nga Makagagahom nga Dios ni Jacob, ang iyang saad kanimo. Misaad siya nga:

Salmo 132:5

hangtod nga dili ako makakita ug dapit nga kapuy-an sa Ginoo, ang Makagagahom nga Dios ni Jacob.”

Exodo 40:21

Unya gisulod niya ang Sudlanan sa Tolda nga Pagsimbahan, ug gitaod niya ang kurtina aron masalipdan ang Sudlanan sa Kasugoan. Gihimo niya kining tanan sumala sa gisugo kaniya sa Ginoo.

Hageo 1:4

Panahon ba kini nga magpuyo kamo sa nindot kaayo ninyong kabalayan, apan kini nga balay nagpabiling guba?

Juan 2:17

Niining iyang gihimo, nahinumdoman sa iyang mga tinun-an ang nasulat nga nag-ingon, “Ang akong pagmahal sa imong balay maoy maghatod kanako sa kamatayon.”

Mga Buhat 7:46

Nahimuot ang Dios kang David, ug gipangayo ni David kaniya nga tugotan siya nga magpatukod ug balay alang sa Dios aron makasimba didto ang kaliwatan ni Jacob.