2 Samuel 7:13 - Ang Pulong sa Dios

¹³ Siya ang magpatukod ug balay alang sa akong kadungganan, ug sigurohon ko nga ang iyang mga kaliwat mao ang maghari hangtod sa kahangtoran.

Ang Biblia 2011

¹³ Magtukod siya ug usa ka balay alang sa akong ngalan, ug lig-onon nako ang trono sa iyang gingharian hangtod sa kahangtoran.

Maayong Balita Biblia

¹³ Siya ang magtukod ug usa ka templo alang sa akong ngalan ug palungtaron ko ang trono sa iyang gingharian hangtod sa kahangtoran.

Ang Bag-ong Maayong Balita Biblia

¹³ Siya ang magtukod ug usa ka templo alang sa akong ngalan ug palungtaron ko ang trono sa iyang gingharian hangtod sa kahangtoran.

2 Samuel 7:13 Cross References

Genesis 49:10

Magmando ka sa dayon, Juda. Maggikan sa imong kaliwatan ang mga tigdumala. Busa mohatag ang mga nasod ug buhis ug motuman sila kanimo.

2 Samuel 22:51

Gihatagan mo ug dagkong mga kadaogan ang imong pinili nga hari. Gihigugma mo si David ug ang iyang mga kaliwat sa walay kataposan.”

2 Samuel 7:16

Magpadayon ang imong gingharian sa walay kataposan, ug ang imong mga kaliwat maghari hangtod sa kahangtoran.’ ”

2 Samuel 7:27

“Ginoo nga Makagagahom, Dios sa Israel, aduna akoy kaisog sa pag-ampo niini kanimo tungod kay gipadayag mo kanako nga imong alagad nga sa kanunay adunay maghari nga usa sa akong mga kaliwat.

1 Mga Hari 2:24

Ang Ginoo mao ang nagpili ug nagbutang kanako sa trono sa akong amahan nga si David. Gituman niya ang iyang saad nga ihatag niya ang gingharian kanako ug sa akong mga kaliwat. Busa ipanumpa ko sa buhi nga Ginoo nga mamatay si Adonia karon gayong adlawa.”

1 Mga Hari 2:4

Kon buhaton mo kini, tumanon sa Ginoo ang iyang gisaad kanako, nga kon ang akong mga kaliwat magkinabuhi nga matarong ug mosunod kaniya nga matinumanon ug matinud-anon sa tibuok nilang kinabuhi, kanunay gayod nga adunay usa kanila nga maghari sa Israel.

1 Mga Hari 2:45

Apan ako panalanginan sa Ginoo, ug ang gingharian sa akong amahan nga si David magpabilin nga lig-on hangtod sa kahangtoran.”

1 Mga Hari 5:5

Busa naghuna-huna ako nga magpatukod na ug Templo alang sa kadungganan sa Ginoo nga akong Dios, sumala sa giingon sa Ginoo sa akong amahan nga si David. Mao kini ang iyang giingon kang David: ‘Ang imong anak nga akong papulihon kanimo ingon nga hari mao ang magpatukod ug Templo alang kanako.’

1 Mga Hari 6:12

“Kon tumanon mo ang akong mga balaod ug mga sugo, tumanon ko usab pinaagi kanimo ang akong gisaad kang David nga imong amahan. Mopuyo ako taliwala sa mga Israelinhon niining Templo nga imong gipatukod ug dili ko sila biyaan.”

1 Mga Hari 8:13

Karon nakapatukod na akog labihan katahom nga Templo alang kanimo, nga imong mapuy-an hangtod sa kahangtoran.”

1 Mga Hari 8:15

Miingon siya: “Dalaygon ang Ginoo, nga Dios sa Israel. Gituman niya ang iyang gisaad sa akong amahan nga si David. Miingon siya kaniadto,

1 Mga Hari 8:19

Apan dili ikaw ang magpatukod niini kondili ang imong kaugalingong anak. Siya ang magpatukod sa Templo aron pasidunggan ako.’

2 Mga Hari 21:4

Nagpahimo pa gayod siya ug mga halaran diha mismo sa Templo sa Ginoo sa Jerusalem nga sumala sa Ginoo mao ang lugar diin pasidunggan siya.

2 Mga Hari 21:7

Gibutang niya ang iyang gipahimo nga poste nga simbolo sa diosa nga si Ashera didto sa Templo, diin ang Ginoo miingon kang David ug sa iyang anak nga si Solomon, “Pasidunggan ako sa walay kataposan dinhi niini nga Templo ug sa Jerusalem, ang lugar nga akong gipili gikan sa tanang tribo sa Israel.

2 Mga Hari 8:19

Apan tungod kang David, wala laglaga sa Ginoo ang Juda, kay nagsaad ang Ginoo kang David nga hangtod sa kahangtoran dili siya mawad-ag kaliwat nga maghari.

1 Cronicas 28:10

Busa huna-hunaa kini pag-ayo. Gipili ka sa Ginoo nga maoy mopatukod sa balaang puloy-anan diin siya simbahon. Pagmalig-on, ug buhata kini nga buluhaton.”

2 Cronicas 33:4

Nagpahimo pa siyag mga halaran sa Templo sa Ginoo sa Jerusalem, nga sumala sa Ginoo mao ang dapit diin pasidunggan siya hangtod sa kahangtoran.

2 Cronicas 6:16

“Ug karon, Ginoo, Dios sa Israel, tumana usab ang imong gisaad sa imong alagad nga si David, nga akong amahan, sa dihang miingon ka kaniya, ‘Dili ka mawad-an ug kaliwat nga mopuli kanimo ingon nga hari sa Israel kon magmatinumanon ang imong mga kaliwat sa pagsunod sa akong kasugoan sama sa imong gihimo.’

Job 36:7

Dili niya pasagdan ang mga matarong. Pasidunggan niya sila uban sa mga hari hangtod sa kahangtoran.

Salmo 72:17

Hinaut pa nga dili malimtan ang ngalan sa hari hangtod sa kahangtoran samtang aduna pay adlaw. Hinaut pa nga pinaagi kaniya panalanginan ang tanang kanasoran, ug ang kanasoran moisip kaniya nga bulahan.

Salmo 89:21

Ang akong gahom mag-uban ug maglig-on kaniya.

Salmo 89:29

Ang matag hari sa Israel maggikan sa iyang mga kaliwat hangtod sa kahangtoran; ang iyang gingharian mahimong sama kamalungtaron sa langit.

Salmo 89:4

‘Ang matag hari sa Israel maggikan sa imong mga kaliwat hangtod sa kahangtoran; ang imong gingharian magpadayon sa walay kataposan.’ ”

Isaias 49:8

Mao kini ang giingon sa Ginoo, “Sa hustong panahon nga luwason ka nako, tubagon ug tabangan ka nako. Panalipdan ka nako ug pinaagi kanimo maghimo akog kasabotan tali sa mga tawo. Tukoron mo pag-usab ang yuta sa Israel nga naguba, ug ihatag mo kini pagbalik sa akong katawhan.

Isaias 9:6

Matawo ang usa ka batang lalaki ug maghari siya kanamo. Pagatawgon siya nga, “Maalamong Magtatambag, Makagagahom nga Dios, Amahan hangtod sa kahangtoran, ug Prinsipe sa Kalinaw!”

Isaias 9:7

Walay kataposan ang kauswagan ug kalinaw diha sa iyang pagdumala. Maghari siya isip manununod sa gingharian ni David. Palig-onon niya kini ug patunhayon ang hustisya ug katarong sa walay kataposan. Sigurohon gayod sa Ginoo nga Makagagahom nga matuman kini.

Jeremias 33:17

Nagpadayon sa pag-ingon ang  Ginoo, “Kanunayng adunay kaliwat si David nga maghari sa katawhan sa Israel.

Ezequiel 37:25

Magpuyo sila sa yuta nga akong gihatag sa akong alagad nga si Jacob, ang yuta diin nagpuyo ang ilang mga katigulangan. Didto sila ug ang ilang mga kaliwat magpuyo hangtod sa hangtod, ug maghari kanila ang hari nga kaliwat sa akong alagad nga si David sa walay kataposan.

Daniel 2:44

“Sa panahon niining mga hari, ang Dios sa langit mopatukod ug usa ka gingharian nga dili gayod mapukan bisan kanus-a. Dili gayod kini mapildi o madumalahan sa uban. Laglagon hinuon niini ang tanang mga gingharian ug magpabilin kini sa walay kataposan.

Zacarias 6:12

Ug ingna siya nga ako, ang  Ginoo nga Makagagahom, nag-ingon, ‘Ang tawo nga gitawag ug Sanga mouswag sa iyang kahimtang karon ug siya ang motukod sa akong templo. Pasidunggan siya isip hari ug mangulo siya. Ug ang pari motindog sa kilid sa iyang trono ug magkauyon silang duha.’

Mateo 16:18

Ug tungod niini tawgon ka nako nga Pedro (nga ang buot ipasabot kay ‘bato’), ug dinhi niining bato tukoron ko ang akong iglesia ug bisan ang gahom sa kamatayon dili makapildi niini.

Mga Hebreo 3:3

Apan giisip sa Dios si Jesus nga mas labaw kang Moises, kay kon sa balay pa, mas pasidunggan ang naghimo sa balay kaysa balay.

1 Pedro 2:5

kamo ingon nga mga buhing bato gipatindog usab sa Dios isip usa ka espirituhanong balay. Ug isip mga pari nga pinili sa Dios, gahalad kamo kaniya sa espirituhanong mga halad nga makapahimuot kaniya tungod kay gihalad kini pinaagi kang Jesu-Cristo.