2 Samuel 6:14 - Ang Pulong sa Dios

¹⁴ Labihan ang sayaw ni David sa presensya sa Ginoo, nga nagsul-ob lang ug efod nga lino.

Ang Biblia 2011

¹⁴ Ug si David misayaw sa atubangan sa Ginoo sa tibuok niyang kusog ug si David gibaksan ug usa ka lino nga ephod.

Maayong Balita Biblia

¹⁴ Ug misayaw si David taman sa ginhawa atubangan sa Ginoo. Si David nagtapis lang ug panapton nga lino.

Ang Bag-ong Maayong Balita Biblia

¹⁴ Ug misayaw si David taman sa ginhawa atubangan sa Ginoo. Si David nagtapis lang ug panapton nga lino.

2 Samuel 6:14 Cross References

2 Samuel 6:15

Samtang ginadala ni David ug sa mga Israelinhon ang Sudlanan sa Ginoo, naghugyaw sila ug nagpatingog sa mga budyong.

2 Samuel 6:20

Sa dihang mipauli si David sa pagbendisyon sa iyang panimalay, gitagbo siya ni Mical nga anak ni Saulo ug gisukmatan, “Pagkahalangdon sa hari sa Israel karong adlawa! Mura siyag buang nga walay kaulaw nga nagsayaw-sayaw nga halos hubo atubangan sa mga babayeng sulugoon sa iyang mga opisyal. Bastos lang nga tawo ang naghimo niana.”

1 Cronicas 15:27

Nagbisti si David ug panapton nga lino apil ang tanang Levita nga nagdala sa Sudlanan sa Kasabotan, ang mga mag-aawit, ug si Kenania nga mao ang gitugyanan sa pagpangulo sa panag-awit. Nagsul-ob usab si David ug efod nga lino.

Salmo 149:3

Dayega siya pinaagi sa pagsayaw; ug pagtukar ug tamborin ug mga harpa sa pagdayeg kaniya.

Salmo 150:4

Dayega ninyo siya pinaagi sa mga tamborin ug sa pagsayaw. Dayega ninyo siya pinaagi sa mga instrumento nga adunay mga kuwerdas ug sa mga plawta.

Salmo 30:11

Gipulihan mo ug malipayong pagsayaw ang akong kasubo. Gipahubo mo kanako ang bisting sako nga nagpaila sa akong pagsubo, ug gihatagan mo akog kalipay.

Salmo 87:7

Silang tanan mosayaw ug moawit, “Gikan sa Zion ang tanan natong panalangin!”

Exodo 15:20

Unya si Miriam nga propeta ug igsoon ni Aaron mikuhag tamborin ug gipangunahan ang mga babaye sa pagtamborin ug sa pagsayaw.

Exodo 15:21

Ug mao kini ang iyang awit kanila: “Pag-awit kamo sa Ginoo tungod kay nagmadaogon gayod siya. Gitambog niya sa dagat ang mga kabayo ug ang mga nagsakay niini.”

Exodo 19:6

ug kamo mahimong usa ka gingharian sa mga pari ug usa ka nasod nga gilain alang kanako. Mao kini ang isulti ngadto sa mga Israelinhon.”

Ecclesiastes 9:10

Pagkugi sa tanan mong buluhaton, kay didto sa dapit sa mga patay nga imong padulngan wala nay trabaho, panghuna-huna, kaalam o kahibalo.

Ezequiel 46:10

Modungan ang pangulo kanila sa pagsulod ug paggawas.

Lucas 15:25

“Nahitabo kini samtang atua pa sa uma ang magulang nga anak. Sa iyang pagpauli, ug sa dihang nagkaduol na siya sa ilang balay, nadungog niya ang sonata ug panagsayaw.

Deuteronomio 6:5

Higugmaa ang Ginoo nga inyong Dios sa tibuok ninyong kasing-kasing, sa tibuok ninyong kalag, ug sa tibuok ninyong kusog.

Mga Taga-Colosas 3:23

Bisan unsay inyong himuon, himoa ninyo sa kinasing-kasing, ingon nga kamo nag-alagad sa Ginoo ug dili sa tawo.

Mga Maghuhukom 11:34

Mipauli si Jefta sa iyang pinuy-anan sa Mizpa, ug gitagbo siya sa iyang anak nga babaye nga nagsayaw samtang nagtukar ug tamborin. Bugtong siyang anak ni Jefta.

Mga Maghuhukom 21:21

Kon makita ninyo ang mga dalaga nga taga-Silo nga moagi aron manayaw sa pista, panggawas dayon kamo ug pamirag dalaga nga inyong pangasaw-on. Unya, pamauli na kamo sa inyong dapit.

1 Samuel 2:18

Unya, ang bata nga si Samuel nagpadayon sa pag-alagad sa Ginoo. Nagsul-ob siya sa efod nga hinimo sa lino.

1 Samuel 2:28

Sa tanang tribo sa Israel, ang pamilya ni Aaron ang akong gipili nga mahimong akong mga pari aron sa pag-alagad diha sa akong halaran, sa pagsunog sa insenso, ug sa pagsul-ob sa efod diha sa akong presensya. Gihatag ko usab kanila ang tanang mga halad pinaagi sa kalayo nga ginahalad sa mga Israelinhon.

1 Samuel 22:18

Busa gimandoan sa hari si Doeg sa pagpatay sa mga pari, ug gipamatay sila ni Doeg. Niadtong adlawa 85 ka mga pari ang gipamatay ni Doeg nga taga-Edom.