2 Samuel 5:9 - Ang Pulong sa Dios

⁹ Human nailog ni David ang kuta, didto siya mipuyo. Ug gitawag niya kini nga Lungsod ni David. Gipadugangan niya ug paril ang palibot niini gikan sa mubong bahin sa lungsod.

Ang Biblia 2011

⁹ Ug si David mipuyo didto sa kuta, ug gitawag kini nga siyudad ni David. Ug gitukod ni David ang siyudad libot niini sukad sa Milo pasulod.

Maayong Balita Biblia

⁹ Ug sukad niadto didto na mipuyo si David ug iya kining ginganlan Siyudad ni David. Ug iya kining gilibot ug paril sukad sa Milo.

Ang Bag-ong Maayong Balita Biblia

⁹ Ug sukad niadto didto na mipuyo si David ug iya kining ginganlan Siyudad ni David. Ug iya kining gilibot ug paril sukad sa Milo.

2 Samuel 5:9 Cross References

2 Samuel 5:7

Apan nailog gihapon nila ni David ang kuta sa Zion, nga gitawag usab nga Lungsod ni David.

2 Samuel 5:8

Nianang adlawa, sa wala pa masulod ni David ang Jerusalem, miingon siya sa iyang mga tawo, “Didto kamo agi sa imbornal sa tubig aron makasulod kamo sa Jerusalem ug mapildi ninyo kanang mga bakol ug mga buta nga Jebusihanon. Kaaway ko gayod sila!” Mao kana nga adunay panultihon nga nag-ingon, “Dili makasulod ang mga buta ug mga bakol sa balay.”

2 Samuel 6:10

Busa nakahukom siya nga dili na lang niya dad-on ang Sudlanan sa Ginoo ngadto sa iyang lungsod. Gibilin hinuon niya kini sa balay ni Obed Edom nga taga-Gat.

1 Mga Hari 11:27

Mao kini ang sugilanon kon nganong nagrebelde siya sa hari: Gipatambakan niadtong panahona ni Solomon ang mubong bahin sa lungsod sa iyang amahan nga si David, ug gipaayo ang mga paril niini.

1 Mga Hari 2:10

Unya namatay si David ug gilubong sa Jerusalem.

1 Mga Hari 9:15

Mao kini ang sugilanon mahitungod sa pagtigom ni Haring Solomon ug mga tawo nga iyang gipugos sa pagtrabaho sa pagpatukod sa Templo sa Ginoo ug sa iyang palasyo, sa pagpatambak sa mubong bahin sa lungsod, sa pagpalig-on sa paril sa Jerusalem, ug sa pagpatukod pag-usab sa mga lungsod sa Hazor, Megido, ug Gezer.

1 Mga Hari 9:24

Sa dihang nahuman na ang palasyo nga gipahimo ni Solomon alang sa iyang asawa nga anak sa hari sa Ehipto, gipabalhin niya didto ang iyang asawa gikan sa Lungsod ni David. Pagkahuman gipatambakan niya ang mubong bahin sa lungsod.

2 Mga Hari 12:20

Sa kaulahian nagplano ug daotan batok kaniya ang iyang mga opisyal, ug gipatay nila siya sa Bet Millo, sa dalan paingon sa Silla.

2 Mga Hari 12:21

Ang mga opisyal nga mipatay kaniya mao sila si Jozacar nga anak ni Shimeat ug si Jehozabad nga anak ni Shomer. Gilubong siya sa lubnganan sa iyang mga katigulangan sa Lungsod ni David. Ug si Amazia nga iyang anak mao ang mipuli kaniya ingon nga hari.

1 Cronicas 11:8

Gipalapdan niya ang paril sa palibot gikan sa mubong bahin sa lungsod. Si Joab ang nagdumala sa pag-ayo sa uban nga bahin sa lungsod.

2 Cronicas 32:5

Unya gipalig-on pa pag-ayo ni Ezequias ang iyang mga depensa pinaagi sa pagpaayo sa mga paril ug sa pagpatukod ug mga tore. Gipadoblehan pa gayod niya ug paril ang siyudad, ug gilig-on ang mubong bahin sa Lungsod ni David. Nagpahimo usab siyag daghang mga hinagiban ug mga taming.

Nehemias 3:15

Ang nag-ayo sa ganghaan nga gitawag ug Tuboran mao ang anak ni Col Hoze nga si Shalum, nga pangulo sa distrito sa Mizpa. Giatopan niya kini, ug gitaorag mga sira ug mga trangka. Giayo usab niya ang paril sa Kaligoanan sa Siloam, duol sa hardin sa hari, hangtod sa hagdanan pakanaog gikan sa Lungsod ni David.

Salmo 122:3

Ang Jerusalem usa ka siyudad nga maayong pagkatukod ug lig-on.

Isaias 29:1

Miingon ang Ginoo, “Alaot ang Jerusalem, ang siyudad nga gipuy-an ni David! Sige, pasauloga kini nga siyudad sa iyang mga pista matag tuig.

Mga Maghuhukom 9:20

Apan, kon dili hinaut nga mogawas ang kalayo gikan kang Abimelec ug lamyon ang mga taga-Sekem ug Bet Millo, ug mogawas ang kalayo gikan sa Sekem ug Bet Millo ug lamyon si Abimelec.”

Mga Maghuhukom 9:6

Miadto ang mga taga-Sekem ug taga-Bet Millo sa kahoy nga tugas sa Sekem ug didto gihimo nilang hari si Abimelec.