2 Samuel 5:24 - Ang Pulong sa Dios

²⁴ Inigkadungog ninyo sa kasaba nga daw pagmartsa sa mga sundalo ibabaw sa mga kahoy nga balsam, sulong dayon kamo kay mao kana ang timailhan nga gauna na ako kaninyo sa pagsulong sa mga Filistihanon.”

Ang Biblia 2011

²⁴ Ug sa diha nga ikaw makadungog ug dinahunog sa paglakaw didto sa ibabaw sa mga kahoy nga balsamo, pangandam sa imong kaugalingon, kay niana ang Ginoo nag-una kanimo aron sa pagbuntog sa kasundalohan sa mga Filistihanon.”

Maayong Balita Biblia

²⁴ Ug inigkabati nimo sa mga kinanaas didto sa tumoy sa mga kahoyng balsamo, asdang kamo kay timaan kini nga nag-una kaninyo ang Ginoo aron pagbuntog sa kasundalohan sa mga Filistihanon.”

Ang Bag-ong Maayong Balita Biblia

²⁴ Ug inigkabati nimo sa mga kinanaas didto sa tumoy sa mga kahoyng balsamo, asdang kamo kay timaan kini nga nag-una kaninyo ang Ginoo aron pagbuntog sa kasundalohan sa mga Filistihanon.”

2 Samuel 5:24 Cross References

2 Samuel 5:23

Busa nangutana pag-usab si David sa Ginoo, ug mitubag ang Ginoo, “Ayaw kamog diretso ug sulong kanila. Libot kamo ug didto ninyo sila atakiha atbang sa mga kahoy nga balsam.

2 Mga Hari 7:6

Kay gipadungog sa Ginoo ang mga sundalo sa Aram ug kasaba gikan sa mga karwahi, mga kabayo, ug sa daghang mga sundalo, busa gipakaingon nilag gisuholan sa hari sa Israel ang hari sa mga Hitihanon ug ang hari sa mga Ehiptohanon sa pagsulong kanila.

1 Cronicas 14:15

Inigkadungog ninyo nga murag adunay mga sundalo nga gamartsa sa ibabaw sa mga kahoy nga balsam, sulong dayon kamo kay mao kana ang timailhan nga gauna na ako kaninyo sa pagsulong sa mga Filistihanon.”

Mga Maghuhukom 4:14

Miingon si Debora kang Barak, “Lakaw na! Mao na kini ang adlaw nga itugyan sa Ginoo kanimo si Sisera. Mag-una ang Ginoo kanimo.” Busa milugsong si Barak gikan sa Bukid sa Tabor ug misunod kaniya ang 10,000 ka mga sundalo.

Mga Maghuhukom 7:15

Sa dihang nadungog ni Gideon ang mahitungod sa damgo ug ang kahulogan niini, miyukbo siya sa pagdayeg sa Ginoo. Unya mibalik siya sa kampo sa mga Israelinhon ug giingnan niya ang iyang mga kauban, “Tana! Kay gitugyan na sa Ginoo kanato ang mga Midianhon.”