2 Samuel 4:4 - Ang Pulong sa Dios

⁴ (Ang anak ni Saulo nga si Jonatan adunay anak nga bakol. Ang iyang ngalan si Mefiboset. Nag-edad si Mefiboset ug lima ka tuig sa dihang namatay si Saulo ug si Jonatan didto sa Jezreel. Sa dihang nabalitaan sa yaya ni Mefiboset nga namatay si Saulo ug si Jonatan, gisakwat niya ang bata ug giikyas. Apan tungod sa pagdali-dali sa yaya nga makaikyas, nabuhian niya ang bata nga maoy hinungdan nga nabakol kini.)

Ang Biblia 2011

⁴ Si Jonatan nga anak ni Saul, adunay usa ka anak nga lalaki nga piang ang tiil. Lima ka tuig ang iyang panuigon sa dihang midangat ang mga balita mahitungod kang Saul ug kang Jonathan gikan sa Jesreel, ug gikuha siya sa iyang tig-atiman ug mikagiw, ug sa diha nga nagdalidali siya pagkagiw, ang bata nahulog ug napiang. Ug ang iyang ngalan mao si Mefiboset.

Maayong Balita Biblia

⁴ Si Jonatan nga anak ni Saul, may anak nga bakol. Lima ka tuig ang iyang edad sa pag-abot sa balita gikan sa Jezreel nga namatay si Saul ug si Jonatan. Gikugos siya sa iyang yaya ug mikagiw sila. Ug tungod kay nagdalidali man ang yaya, nabuhian niya ang bata ug nabakol kini. Mepiboset ang ngalan sa bata.

Ang Bag-ong Maayong Balita Biblia

⁴ Si Jonatan nga anak ni Saul, may anak nga bakol. Lima ka tuig ang iyang edad sa pag-abot sa balita gikan sa Jezreel nga namatay si Saul ug si Jonatan. Gikugos siya sa iyang yaya ug mikagiw sila. Ug tungod kay nagdalidali man ang yaya, nabuhian niya ang bata ug nabakol kini. Mepiboset ang ngalan sa bata.

2 Samuel 4:4 Cross References

2 Samuel 21:7

Wala itugyan ni David kanila si Mefiboset nga anak ni Jonatan ug apo ni Saulo, tungod sa ilang gipanumpaan ni Jonatan atubangan sa Ginoo.

2 Samuel 9:13

Si Mefiboset nga bakol didto na nagpuyo sa Jerusalem tungod kay kanunay nang ikauban ni Haring David sa pagpangaon.

2 Samuel 9:3

Nangutana ang hari, “Aduna pa bay nahibilin sa pamilya ni Saulo nga akong mapakitaan sa kaayo sa Dios?” Mitubag siya sa hari, “Aduna pa, ang bakol nga anak nga lalaki ni Jonatan.”

2 Samuel 9:6

Ang ngalan sa anak ni Jonatan mao si Mefiboset ug apo siya ni Saulo. Pag-abot niya didto kang David miyukbo siya sa pagtahod kaniya. Miingon si David, “Ikaw diay si Mefiboset!” Mitubag siya, “Oo, sir.”

1 Mga Hari 11:17

Apan si Hadad nga bata pa niadtong panahona nakaikyas ngadto sa Ehipto uban sa pipila ka mga opisyal nga Edomihanon nga nag-alagad sa iyang amahan.

1 Cronicas 8:34

Ang anak ni Jonatan mao si Merib Baal nga amahan ni Micas.

1 Cronicas 9:40

Ang anak ni Jonatan mao si Merib Baal nga amahan ni Micas.

1 Samuel 29:1

Unya gitigom sa mga Filistihanon ang tanan nilang sundalo didto sa Afek, ug ang mga Israelinhon nagkampo dapit sa tuboran sa Jezreel.

1 Samuel 29:11

Busa sayong mibangon si David ug ang iyang mga tawo, ug mibalik sila sa yuta sa mga Filistihanon, ug ang mga Filistihanon nangadto sa Jezreel.