2 Samuel 3:39 - Ang Pulong sa Dios

³⁹ Ug karon, bisan ug ako ang pinili nga hari, wala akoy katakos sa pagsanta kang Joab ug kang Abishai, nga mga anak ni Zeruya. Malisod alang kanako ang pagsanta kanila. Hinaut nga balosan sa Ginoo kining daotang mga tawo sa daotan nga ilang ginahimo.”

Ang Biblia 2011

³⁹ Ug ako niining adlawa luya, bisan ug dinihogan nga hari. Kining mga tawhana, ang mga anak ni Zeruia lisod kaayo alang kanako. Ang Ginoo magbalos sa tigbuhat ug daotan sumala sa iyang pagkadaotan!”

Maayong Balita Biblia

³⁹ Ug luya ako karong adlawa bisag hari ako nga pinili sa Dios. Bangis ra kaayo alang kanako kining mga anak ni Seruia. Panimaslan unta sila sa Ginoo sumala sa gidak-on sa ilang sala!”

Ang Bag-ong Maayong Balita Biblia

³⁹ Ug luya ako karong adlawa bisag hari ako nga pinili sa Dios. Bangis ra kaayo alang kanako kining mga anak ni Seruia. Panimaslan unta sila sa Ginoo sumala sa gidak-on sa ilang sala!”

2 Samuel 3:39 Cross References

2 Samuel 16:10

Apan miingon ang hari, “Kamong mga anak ni Zeruya, unsay inyong labot? Kon gisugo siya sa Ginoo nga panghimaraoton ako, kinsa ako nga mopugong kaniya?”

2 Samuel 19:13

Ug isulti usab ninyo kini ngadto kang Amasa, ‘Tungod kay kadugo ka nako, himuon ka nako nga komander sa akong mga sundalo puli kang Joab. Kon dili ko kini himuon, hinaut nga silotan ako sa Dios sa labihan gayod.’ ”

2 Samuel 19:22

Apan miingon si David, “Kamong mga anak ni Zeruya, unsay inyong labot? Mura kamog akong mga kaaway! Ayaw ninyog supaka ang akong hukom. Ako na karon ang hari sa Israel, ug walay tawo nga patyon karong adlawa.”

2 Samuel 3:38

Unya miingon si David sa iyang mga tawo, “Wala ba kamo makaamgo nga namatay ang usa ka gamhanan nga pangulo sa Israel karong adlawa?

1 Mga Hari 2:9

Apan karon, ayaw itugot nga dili siya masilotan. Maalamon ka, ug nahibalo ka kon unsa ang angay mong buhaton. Bisan tigulang na siya, ipapatay siya.”

1 Cronicas 22:5

Miingon si David, “Batan-on pa ang akong anak nga si Solomon ug wala pa siyay kasinatian. Kinahanglan nga ang balay nga tukoron alang sa Ginoo matahom gayod ug mabantog sa tibuok kalibotan. Pangandaman ko gayod kini.” Busa giandam ni David ang mga materyales samtang buhi pa siya.

1 Cronicas 29:1

Unya miingon si Haring David sa tibuok katilingban sa Israel, “Ang akong anak nga si Solomon nga gipili sa Dios batan-on pa ug walay kasinatian. Dako ang buluhaton, kay ang tukoron nga gambalay dili alang sa tawo kondili alang sa Ginoong Dios.

2 Cronicas 13:7

Nagtigom diha kanimo ang mga tawong walay hinungdan, ug nakigbatok kang Rehoboam nga anak ni Solomon niadtong batan-on pa kini ug wala pa kaayoy eksperyensya ug walay ikasarang sa pagsukol kaninyo.

Salmo 101:8

Matag adlaw laglagon ko ang tanang mga tawong daotan dinhi sa atong dapit, aron mahanaw sila sa siyudad sa Ginoo.

Salmo 28:4

Balosi sila sumala sa ilang mga binuhatan. Siloti sila sa ilang daotang gipanghimo.

Salmo 62:12

ug ang gugma. Sigurado gayod nga gantihan sa Ginoo ang mga tawo sumala sa ilang binuhatan.

Salmo 75:10

Kuhaan niya ug katakos ang mga daotan, apan dugangan niya ang katakos sa mga matarong.

Exodo 21:12

“Si bisan kinsa nga mangulata ug tawo hinungdan nga mamatay kini, kinahanglang patyon usab.

Mga Panultihon 20:8

Kon mohukom ang hari, sutaon gayod niya pag-ayo kon kinsay naghimog daotan.

Mga Panultihon 25:5

Kinahanglan palayason ang daotang mga katawhan sa hari aron motunhay ang pagkamatarong sa iyang gingharian.

Isaias 3:11

Apan alaot ang mga daotan, kay moabot kanila ang kalisod. Mabaslan sila sa ilang gipanghimo.

Isaias 7:4

Mao kini ang isulti mo kaniya, Pagbantay! Kalma lang ug ayaw kahadlok. Ayaw kalisang tungod sa labihan nga kasuko ni Rezin nga hari sa Aram ug ni Haring Peka nga anak ni Remalia. Kini sila sama lang sa duha ka tuod sa kahoy nga gaaso apan walay kalayo.

Jeremias 38:5

Mitubag si Haring Zedekia, “Kamo na ang bahala kaniya. Dili ako makapugong kaninyo.”

Daniel 6:16

Busa gipadakop sa hari si Daniel ug gipatambog ngadto sa bangag nga adunay mga liyon. Miingon ang hari kang Daniel, “Hinaut pa nga luwason ka sa imong Dios nga padayon mong gialagaran.”

Numeros 32:23

“Apan kon dili ninyo kini tumanon, makasala kamo sa Ginoo, ug sigurado gayod nga magbayad kamo sa inyong sala.

Roma 13:4

Gibutang sila sa Dios sa ilang katungdanan alang sa atong kaayohan. Apan kon nakabuhat ka ug daotan, angay kang mahadlok kanila, tungod kay aduna silay gahom sa pagsilot kanimo; kay gibutang sila sa Dios sa ilang katungdanan aron silotan ang mga naghimo ug daotan.

2 Timoteo 4:14

Labihan kadaotan ang mga gibuhat kanako ni Alejandro nga platero. Ang Ginoo na lang ang mobalos sa iyang mga gibuhat.

Mga Maghuhukom 9:57

Gipabayad usab sa Dios ang mga taga-Sekem sa ilang pagkadaotan. Busa natuman ang tunglo ni Jotam nga anak ni Gideon.