2 Samuel 3:20 - Ang Pulong sa Dios

²⁰ Pag-abot ni Abner sa Hebron kauban sa iyang 20 ka mga tawo, nagpakombira si David alang kanila.

Ang Biblia 2011

²⁰ Sa diha nga si Abner miadto kang David didto sa Hebron uban ang 20 ka tawo, si David naghikay alang kang Abner ug sa mga tawo nga uban kaniya.

Maayong Balita Biblia

²⁰ Sa pag-adto ni Abner kang David didto sa Hebron kuyog sa 20 ka sakop niya, nagbangkite si David alang kang Abner ug sa iyang mga tawo.

Ang Bag-ong Maayong Balita Biblia

²⁰ Sa pag-adto ni Abner kang David didto sa Hebron kuyog sa 20 ka sakop niya, nagbangkite si David alang kang Abner ug sa iyang mga tawo.

2 Samuel 3:20 Cross References

Genesis 26:30

Busa nagpakombira si Isaac alang kanila ug nangaon sila ug nag-inom.

Genesis 31:54

Naghalad si Jacob didto sa bukid, ug unya gitawag niya ang iyang mga paryente ug nangaon sila. Nagpabilin sila didto sa bukid nianang gabhiona.

2 Samuel 3:19

Nakigsulti usab si Abner sa tribo ni Benjamin. Unya miadto siya sa Hebron aron sa pagsugilon kang David nga uyon ang katawhan sa Israel ug Benjamin nga mahimo siyang ilang hari.

2 Samuel 3:21

Miingon si Abner kang David, “Mahal nga Hari, tugoti ako nga molakaw karon aron sa pag-aghat sa tanang katawhan sa Israel nga suportahan ka ingon nga hari. Pahimuon ko sila ug kasabotan uban kanimo nga dawaton ka nila nga ilang hari. Unya maghari ka sa bisan asa mo gusto.” Busa gipalakaw ni David si Abner ug mibiya kini nga malinawon.

Ester 1:3

Sa ikatulo nga tuig sa iyang paghari, nagpakombira siya alang sa iyang mga opisyal ug uban pang mga alagad. Mitambong usab ang mga opisyal sa kasundalohan sa Persia ug Media, apil ang mga halangdon nga tawo ug mga opisyal sa mga probinsya.

1 Samuel 25:36

Sa pag-abot ni Abigail sa ilang balay, naabtan niyang nagpakombira si Nabal nga daw usa ka hari. Malipayon kaayo siya ug labihan kahubog. Busa wala lang una siya sultihi ni Abigail mahitungod sa iyang pagpakigkita kang David hangtod nianang pagkabuntag.