2 Samuel 3:18 - Ang Pulong sa Dios

¹⁸ Mao na kini ang inyong higayon, kay nagsaad ang Ginoo nga pinaagi sa iyang alagad nga si David luwason niya ang iyang katawhan nga mga Israelinhon gikan sa mga Filistihanon ug sa tanan nilang mga kaaway.”

Ang Biblia 2011

¹⁸ Busa karon buhata kini; kay ang Ginoo nagsaad kang David nga nag-ingon, ‘Pinaagi sa kamot sa akong sulugoon nga si David luwason nako ang akong katawhan nga Israel gikan sa kamot sa mga Filistihanon ug gikan sa kamot sa tanan nilang mga kaaway.’ ”

Maayong Balita Biblia

¹⁸ Mao na kini ang higayon nga matuman ang inyong tinguha kay nakasaad man ang Ginoo kang David sa pag-ingon, ‘Luwason ko ang akong mga tawo sa Israel pinaagi sa akong sulugoon nga si David. Luwason ko sila gikan sa mga Filistihanon ug sa tanan nilang kaaway.’”

Ang Bag-ong Maayong Balita Biblia

¹⁸ Mao na kini ang higayon nga matuman ang inyong tinguha kay nakasaad man ang Ginoo kang David sa pag-ingon, ‘Luwason ko ang akong mga tawo sa Israel pinaagi sa akong sulugoon nga si David. Luwason ko sila gikan sa mga Filistihanon ug sa tanan nilang kaaway.’”

2 Samuel 3:18 Cross References

2 Samuel 3:9

Kon mao kana, maayo pa nga tabangan ko na lang si David nga matuman ang gisaad sa Ginoo kaniya, ug hinaut nga silotan ako pag-ayo sa Dios kon dili ko kini tumanon.

2 Samuel 8:6

Unya nagpabutang si David ug mga kampo sa Damasco, ang dapit sa mga Aramehanon. Ug nahimo niya sila nga mga sakop ug nagbayad silag buhis kaniya. Gipadaog sa Ginoo si David sa iyang mga pagpakig-gira bisan asa siya moadto.

1 Samuel 13:14

Apan dili na kana mahitabo, kay aduna nay gipili ang Ginoo nga usa ka tawo nga tawo nga nag-agpas sa kasing-kasing sa Ginoo. Ug gihimo sa Ginoo kini nga tawo nga pangulo sa iyang katawhan, tungod kay wala ka motuman sa iyang sugo.”

1 Samuel 15:28

Unya miingon si Samuel kaniya, “Kuhaon sa Ginoo gikan kanimo karong adlawa ang gingharian sa Israel ug ihatag sa sama nimong Israelinhon nga mas maayo kay kanimo.

1 Samuel 16:1

Usa niadto ka higayon, miingon ang Ginoo kang Samuel, “Hangtod kanus-a ka magsubo alang kang Saulo? Gisalikway ko na siya isip hari sa Israel. Karon, pun-a ug lana ang imong sudlanan nga sungay sa mananap, kay paadtoon ka nako kang Jesse nga taga-Betlehem. Gipili ko na ang usa sa iyang mga anak nga mahimong hari.”

1 Samuel 9:16

“Ugma, sa sama niining orasa, paanhaon ko kanimo ang usa ka tawo nga gikan sa dapit sa Benjamin. Dihogi ug lana ang iyang ulo sa pagpaila nga siya ang pangulo sa akong katawhan nga mga Israelinhon. Luwason niya ang akong katawhan gikan sa mga Filistihanon, kay nakita ko ang mga pag-antos sa akong katawhan, ug nadungog ko ang ilang pagpangayo ug tabang.”