2 Samuel 3:12 - Ang Pulong sa Dios

¹² Unya nagpadala si Abner ug mga mensahero kang David sa pag-ingon, “Ikaw ang angay nga maghari sa tibuok yuta sa Israel. Maghimo kita ug kasabotan ug tabangan ka nako nga masakop nimo ang tibuok nasod sa Israel.”

Ang Biblia 2011

¹² Unya si Abner nagpadala ug mga sinugo ngadto kang David didto sa Hebron, nga nag-ingon, “Kinsa bay tag-iya sa yuta? Himoa ang imong kasabotan uban kanako ug ania karon, ang akong kamot mag-uban kanimo aron sa pagdala sa tibuok Israel nganha kanimo.”

Maayong Balita Biblia

¹² Unya nagsugo si Abner ug mga tawo ngadto kang David kinsa niadtong panahona didto sa Hebron aron pagsulti kaniya, “Kinsa man ang naghari sa yuta? Pakigsabot kanako ug tabangan ko ikaw aron maimo ang tibuok Israel.”

Ang Bag-ong Maayong Balita Biblia

¹² Unya nagsugo si Abner ug mga tawo ngadto kang David kinsa niadtong panahona didto sa Hebron aron pagsulti kaniya, “Kinsa man ang naghari sa yuta? Pakigsabot kanako ug tabangan ko ikaw aron maimo ang tibuok Israel.”

2 Samuel 3:12 Cross References

2 Samuel 19:14

Nakombinse ang tanang taga-Juda ug nagkahiusa sila sa ilang desisyon. Nagpadala silag mensahe ngadto kang David nga nag-ingon, “Balik na dinhi kanamo uban sa tanan mong mga tawo.”

2 Samuel 19:41

Unya, miadto kang David ang mga sundalo sa Israel ug mireklamo kon nganong ang mga taga-Juda nga ilang kadugo ang nangunay sa pagpatabok kaniya ug sa iyang panimalay, ug sa tanan niyang tawo.

2 Samuel 19:6

Gimahal mo ang nakigbatok kanimo, ug gikontra mo ang nagmahal kanimo. Dayag nga gipakawalay-bili nimo ang imong mga opisyal ug mga tawo. Nasabtan ko nga mas malipay ka pa kon buhi si Absalom ug kaming tanan ang namatay.

2 Samuel 3:11

Wala na motingog pa si Isboset kay nahadlok siya kang Abner.

2 Samuel 3:13

Mitubag si David, “Sige, maghimo akog kasabotan uban kanimo sa usa ka kondisyon: Sa imong pagpakigkita kanako, dad-on mo ang akong asawa nga si Mical nga anak ni Saulo.”

2 Samuel 3:21

Miingon si Abner kang David, “Mahal nga Hari, tugoti ako nga molakaw karon aron sa pag-aghat sa tanang katawhan sa Israel nga suportahan ka ingon nga hari. Pahimuon ko sila ug kasabotan uban kanimo nga dawaton ka nila nga ilang hari. Unya maghari ka sa bisan asa mo gusto.” Busa gipalakaw ni David si Abner ug mibiya kini nga malinawon.

2 Samuel 3:27

Sa dihang didto na si Abner sa Hebron, gidala siya ni Joab didto sa may ganghaan sa lungsod aron kunohay magsultihanay nga sila lang duha. Ug didto gidunggab ni Joab si Abner sa tiyan, ug namatay kini. Gihimo kini ni Joab agig balos sa pagpatay ni Abner sa iyang igsoon nga si Asahel.

2 Samuel 3:38

Unya miingon si David sa iyang mga tawo, “Wala ba kamo makaamgo nga namatay ang usa ka gamhanan nga pangulo sa Israel karong adlawa?

Salmo 62:9

Ang mga tawo, dungganon man o dili, dili kasaligan. Managsama ra sila nga walay pulos. Kon timbangon sila, mas gaan pa sila kaysa hangin.