2 Samuel 23:8 - Ang Pulong sa Dios

⁸ Mao kini ang maisog nga mga tawo ni David: Si Josheb Bashebet nga taga-Takemon, nga mao ang nangulo sa tulo. Sa usa lang ka gira, nakapatay siyag 800 ka mga tawo pinaagi sa iyang bangkaw.

Ang Biblia 2011

⁸ Kini mao ang mga ngalan sa mga gamhanang tawo nga diha kang David: Si Joseb-basebet, usa ka Takemonihanon, pangulo sa tulo; pinaagi sa bangkaw nakapatay siyag walo ka gatos sa usa lamang ka higayon.

Maayong Balita Biblia

⁸ Mao kini ang mga ngalan sa mga bayani nga nag-alagad kang David: si Jose-basebet, usa ka Takonihanon. Siyay pangulo sa “Tulo” ug nakapatay siyag 800 ka tawo pinaagi sa bangkaw sa usa lamang ka sangka.

Ang Bag-ong Maayong Balita Biblia

⁸ Mao kini ang mga ngalan sa mga bayani nga nag-alagad kang David: si Jose-basebet, usa ka Takonihanon. Siyay pangulo sa “Tulo” ug nakapatay siyag 800 ka tawo pinaagi sa bangkaw sa usa lamang ka sangka.

2 Samuel 23:8 Cross References

2 Samuel 10:7

Sa pagkadungog ni David niini, gipadala niya si Joab ug ang tibuok kasundalohan aron sa pagpakig-gira.

1 Mga Hari 1:8

Apan wala mouyon kaniya si Sadok nga pari, si Benaya nga anak ni Jehoyada, si Propeta Natan, si Shimei, si Rei, ug ang mga badigard ni David.

1 Cronicas 11:10

Mao kini ang mga pangulo sa mga maisog nga sakop ni David. Sila ug ang tanang Israelinhon misuporta gayod sa paghari ni David, sumala sa gisaad sa Ginoo bahin sa Israel.

1 Cronicas 27:1

Mao kini ang lista sa mga pangulo, mga komander, ug mga opisyal sa mga Israelinhon nga nag-alagad sa hari isip mga tigdumala sa grupo sa mga sundalo nga nag-alagad ug usa ka bulan matag tuig. Ang kada grupo adunay 24,000 ka mga sundalo.

1 Cronicas 27:2

Si Jashobeam nga anak ni Zabdiel mao ang komander sa unang bulan. Adunay 24,000 ka mga sundalo sa iyang grupo.

1 Cronicas 27:32

Si Jonatan nga uyoan ni Haring David mao ang iyang magtatambag. Maalamon si Jonatan ug usa siya ka manunulat. Si Jehiel nga anak ni Hacmoni mao ang magtutudlo sa mga anak sa hari.

Mga Maghuhukom 15:15

Unya aduna siyay nakita nga preskong bukog sa apapangig sa asno. Gikuha niya kini ug gigamit sa pagpatay sa 1,000 ka mga Filistihanon.