2 Samuel 23:18 - Ang Pulong sa Dios

¹⁸ Si Abishai nga igsoon ni Joab, nga anak ni Zeruya mao ang pangulo sa 30. Nakapatay siya ug 300 ka mga Filistihanon pinaagi sa iyang bangkaw. Busa nahimo siyang bantogan sama sa tulo ka maisog nga mga tawo.

Ang Biblia 2011

¹⁸ Si Abisai nga igsoon ni Joab nga anak ni Zeruia maoy pangulo sa 30. Ug gibakyaw niya ang iyang bangkaw batok sa tulo ka gatos ug gipamatay sila, ug nahimo siyang inila sama sa tulo.

Maayong Balita Biblia

¹⁸ Maoy pangulo sa “Katloan” si Abisai nga igsoon ni Joab ug ang ilang inahan mao si Seruia. Pinaagi sa iyang bangkaw nakapatay siyag 300 ka sundalo ug nahimong bantogan sama sa “Katloan.”

Ang Bag-ong Maayong Balita Biblia

¹⁸ Maoy pangulo sa “Katloan” si Abisai nga igsoon ni Joab ug ang ilang inahan mao si Seruia. Pinaagi sa iyang bangkaw nakapatay siyag 300 ka sundalo ug nahimong bantogan sama sa “Katloan.”

2 Samuel 23:18 Cross References

2 Samuel 10:10

Ang nahibiling mga sundalo gipapangulohan niya kang Abishai nga iyang igsoon sa pagpakig-gira sa mga Amonihanon.

2 Samuel 10:14

Pagkakita sa mga Amonihanon nga nangikyas ang mga Aramehanon, nangikyas usab sila gikan kang Abishai ug nanulod sa ilang lungsod. Busa mipauli si Joab sa Jerusalem gikan sa pagpakig-gira sa mga Amonihanon.

2 Samuel 18:2

Unya gipalakaw niya sila sa tulo ka grupo. Si Joab ang nangulo sa usa ka grupo, si Abishai usab nga igsoon ni Joab ang sa usa ka grupo, ug si Itai nga taga-Gat ang nangulo sa ikatulo nga grupo. Miingon si Haring David kanila, “Mouban gayod ako kaninyo sa pagpakig-gira.”

2 Samuel 2:18

Didto niadtong higayona ang tulo ka anak ni Zeruya nga si Joab, Abishai, ug Asahel. Kini si Asahel sama kakusog modagan sa usa, ug wala siyay lingi-lingi nga migukod kang Abner.

2 Samuel 20:10

Apan wala makabantay si Amasa sa espada sa walang kamot ni Joab. Gidunggab siya ni Joab sa tiyan ug nayagyag ang iyang tinai sa yuta ug namatay siya. Busa wala na siya dunggaba pa pag-usab ni Joab. Unya nagpadayon si Joab ug ang iyang igsoon nga si Abishai sa paggukod kang Sheba.

2 Samuel 23:19

Ug tungod kay mas bantogan siya kay sa 30, nahimo siyang ilang komander, apan dili siya kauban niadtong tulo ka maisog.

2 Samuel 3:30

(Gipatay ni Abner ang ilang igsoon nga si Asahel sa away didto sa Gibeon, mao nga gipatay usab ni Joab ug sa iyang igsoon nga si Abishai si Abner.)

1 Cronicas 2:16

Ang ilang mga igsoon nga babaye mao sila si Zeruya ug si Abigail. Si Zeruya adunay tulo ka anak nga sila si Abishai, Joab, ug Asahel.

Ecclesiastes 4:12

Sayon pildihon ang tawong mag-inusara, apan kon may kauban siya makasukol sila. Sama ba sa pisi; kon tulo ka doble, lisod kining mabugto.