2 Samuel 23:10 - Ang Pulong sa Dios

¹⁰ apan siya nagpabilin ug gipamatay niya ang mga Filistihanon hangtod nga gikapoy ang iyang kamot ug namikog kini nga daw dili na makabuhi sa espada. Gipadaog sila sa Ginoo niadtong adlawa. Ang nangikyas nga mga Israelinhon namalik didto kang Eleazar aron pagkuha na lang sa mga armas sa mga nangamatay.

Ang Biblia 2011

¹⁰ Siya mitindog ug gipanigbas ang mga Filistihanon hangtod nga ang iyang kamot naluya, ug ang iyang kamot mitapot sa espada ug ang Ginoo naghimo ug usa ka dakong pagdaog niadtong adlawa ug ang katawhan namalik aron lamang manguha ug kasangkapan sa mga nangamatay.

Maayong Balita Biblia

¹⁰ Miasdang si Eleazar ug gipamatay niya ang mga Filistihanon hangtod nga dili na niya mabakyaw ang iyang kamot ug dili na niya kabuhian ang espada. Gipadaog sila sa Ginoo niadtong adlawa ug ang gihimo sa mga Israelita sa pagpamauli nila mao ang pagpanguha sa kasangkapan sa mga Filistihanon nga ilang napatay.

Ang Bag-ong Maayong Balita Biblia

¹⁰ Miasdang si Eleazar ug gipamatay niya ang mga Filistihanon hangtod nga dili na niya mabakyaw ang iyang kamot ug dili na niya kabuhian ang espada. Gipadaog sila sa Ginoo niadtong adlawa ug ang gihimo sa mga Israelita sa pagpamauli nila mao ang pagpanguha sa kasangkapan sa mga Filistihanon nga ilang napatay.

2 Samuel 23:10 Cross References

2 Samuel 23:12

apan si Shama nagpabilin taliwala sa uma ug iya kining gipanalipdan. Gipatay niya ang mga Filistihanon ug gipadaog sila sa Ginoo niadtong adlawa.

2 Mga Hari 5:1

Si Naaman nga komander sa mga sundalo sa Aram gidayeg gayod sa hari sa Aram, kay pinaagi kaniya gipadaog sa Ginoo ang Aram. Maisog siya nga sundalo, apan aduna siyay ngilngig nga sakit sa panit.

1 Cronicas 11:13

Usa siya sa mga kauban ni David sa dihang nakig-gira sila sa mga Filistihanon sa Pas Damim. Didto sila naggira sa tamnanan ug barley. Miikyas ang mga Israelinhon,

Salmo 108:13

Modaog kami pinaagi sa imong tabang, O Dios, kay laglagon mo ang among mga kaaway.

Salmo 144:10

Ikaw ang naghatag ug kadaogan sa mga hari ug nagluwas kang David nga imong alagad gikan sa kamatayon.

Salmo 68:12

“Nangagiw ang mga hari ug ang ilang mga sundalo, ug ang ilang mga kabtangan gibahin-bahin sa mga babaye nga Israelinhon.

Isaias 53:12

Busa ihatag ko kaniya ang pasidungog nga alang sa tawong bantogan ug gamhanan, kay gihatag niya ang iyang kinabuhi. Giisip siya nga usa sa mga makasasala. Nag-antos siya alang sa daghang mga makasasala ug nag-ampo siya nga pasayloon sila.”

Roma 15:18

Ug wala akoy lain nga ikapasigarbo kondili ang mga gibuhat ni Cristo pinaagi kanako, nga ang mga dili Judio nagsunod na kaniya pinaagi sa akong mga pagtudlo ug mga binuhatan,

2 Mga Taga-Corinto 4:5

Wala kami nagwali mahitungod sa among kaugalingon kondili mahitungod kang Jesu-Cristo, nga siya mao ang Ginoo. Nag-alagad kami kaninyo tungod ug alang kang Jesus.

Josue 10:10

Gipataranta sa Ginoo ang mga kaaway sa dihang nagkaatbang sila sa mga Israelinhon, ug daghan kanila ang gipamatay didto sa Gibeon. Ang uban kanila gigukod ug gipamatay diha sa agianan patungas sa Bet Horon hangtod sa Azeka ug Makeda.

Josue 10:42

Nailog ni Josue kining tanang mga yutaa ug gidakop ang mga hari niini sa usa lang ka pagsulong, kay ang Ginoo, nga Dios sa Israel, nagtabang sa ilang pagpakig-gira.

Josue 11:8

Ug gipadaog sila sa Ginoo batok sa ilang mga kaaway. Gigukod nila ang ilang mga kaaway hangtod sa Bantogan nga Sidon ug sa Misrefot Maim, ug hangtod sa Walog sa Mizpa sa sidlakan. Nahurot gayod nilag patay ang ilang mga kaaway.

Mga Maghuhukom 15:14

Pag-abot nila sa Lehi, gitagbo siya sa mga Filistihanon nga nagsinggit. Gigamhan si Samson sa Espiritu sa Ginoo, ug nangabugto ang mga gapos nga daw sa tanod nga nasunog ug nangahulog kini gikan sa iyang mga kamot.

Mga Maghuhukom 15:18

Unya giuhaw pag-ayo si Samson, busa nanawag siya sa Ginoo. Miingon siya, “Gipadaog mo ako, apan karon mamatay na lang ba ako sa kauhaw ug mabihag sa mga wala nakaila kanimo?”

1 Samuel 11:13

Apan miingon si Saulo, “Walay usa nga patyon karong adlawa, kay niining adlawa giluwas sa Ginoo ang Israel.”

1 Samuel 14:23

Milapas pa sa Bet Aven ang gira. Ug niadtong higayona, gipadaog sa Ginoo ang mga Israelinhon.

1 Samuel 14:6

Miingon si Jonatan ngadto sa tigdala sa iyang armas, “Dali, adtoon na nato ang bantayanan sa mga tawong wala nakaila sa Dios. Basig tabangan kita sa Ginoo, kay walay makababag kaniya sa pagpadaog kanato, bisan daghan man kita o gamay lang.”

1 Samuel 17:53

Human nilag gukod ang mga Filistihanon, mibalik sila ug gipanguha nila ang mga nangahibiling butang sa kampo sa mga Filistihanon.

1 Samuel 19:5

Gisugal niya ang iyang kinabuhi sa dihang gipatay niya ang Filistihanon nga si Goliat, ug gipadaog sa Ginoo ang tibuok Israel. Nakita mo kini ug nalipay ka. Nganong buot mong patyon ang usa ka inosenteng tawo, sama kang David, sa walay igong hinungdan?”