2 Samuel 22:44 - Ang Pulong sa Dios

⁴⁴ Giluwas mo ako gikan sa mga nagrebelde kong katawhan. Gihimo mo akong pangulo sa mga kanasoran. Ang mga langyaw nag-alagad kanako.

Ang Biblia 2011

⁴⁴ “Ikaw nagluwas kanako gikan sa mga pakig-away sa katawhan; ikaw naghimo kanako nga magpadayon sa pagkapangulo sa mga nasod; katawhan nga wala nako mailhi nga nag-alagad kanako.

Maayong Balita Biblia

⁴⁴ “Giluwas mo ako aron dili makig-away sa mga katawhan; gihimo mo akong pangulo sa kanasoran, ang katawhan nga wala ko hiilhi nga nag-alagad kanako.

Ang Bag-ong Maayong Balita Biblia

⁴⁴ “Giluwas mo ako aron dili makig-away sa mga katawhan; gihimo mo akong pangulo sa kanasoran, ang katawhan nga wala ko hiilhi nga nag-alagad kanako.

2 Samuel 22:44 Cross References

2 Samuel 19:14

Nakombinse ang tanang taga-Juda ug nagkahiusa sila sa ilang desisyon. Nagpadala silag mensahe ngadto kang David nga nag-ingon, “Balik na dinhi kanamo uban sa tanan mong mga tawo.”

2 Samuel 19:9

Nanggilalis ang mga tawo sa tibuok Israel. Nag-ingon sila, “Giluwas kita ni Haring David sa atong mga kaaway nga Filistihanon, apan mibiya siya gikan sa atong nasod tungod kang Absalom.

2 Samuel 20:22

Unya miadto ang babaye sa mga lumulupyo sa lungsod ug gisultihan sila sa iyang plano. Gipunggotan nilag ulo si Sheba ug giitsa nila kini kang Joab. Unya gipatingog ni Joab ang budyong ug mibiya ang iyang mga tawo sa lungsod ug namauli. Mibalik si Joab sa Jerusalem ug miadto sa hari.

2 Samuel 3:1

Mao kadto ang sinugdanan sa dugay nga panag-away tali sa mga nagdapig kang Saulo ug sa mga nagdapig kang David. Padayon nga milig-on ang grupo ni David apan ang kang Saulo gaanam ug kahuyang.

2 Samuel 5:1

Nangadto ang tanang tribo sa Israel kang David didto sa Hebron ug miingon, “Mga kadugo mo kami.

Salmo 110:6

Silotan niya ang kanasoran ug daghan ang iyang pamatyon. Laglagon niya ang mga nagdumala sa tibuok kalibotan.

Salmo 18:43

Giluwas mo ako gikan sa mga nagrebelde. Gihimo mo akong pangulo sa mga kanasoran. Ang mga langyaw nag-alagad kanako.

Salmo 2:8

Pangayo kanako, ug ihatag ko kanimo ang mga nasod sa tibuok kalibotan aron imong panag-iyahon.

Isaias 55:4

Gihimo ko siyang pangulo sa mga nasod, ug pinaagi kaniya gipakita ko kanila ang akong gahom.

Isaias 55:5

Tawgon ninyo ang mga nasod nga wala ninyo mailhi, ug magdali-dali sila pag-anha kaninyo. Kay ako, ang  Ginoo nga inyong Dios, ang Balaan nga Dios sa Israel, nagpasidungog kaninyo.”

Isaias 60:12

Kay malaglag gayod sa hingpit ang mga nasod o gingharian nga dili moalagad kanimo.

Isaias 65:1

Miingon ang  Ginoo, “Nagpaila ako sa mga tawo nga wala mangutana bahin kanako. Nagpakita ako niadtong wala mangita kanako. Gipadayag ko ang akong kaugalingon ngadto sa nasod nga wala manawag kanako.

Daniel 7:14

Gipasidunggan siya ug gihatagan ug gahom sa paghari, nag-alagad kaniya ang tanang katawhan sa nagkalain-laing nasod, tribo, ug pinulongan. Magpadayon ang iyang paghari sa walay kataposan ug walay makaguba niini.

Oseas 2:23

Papuy-on ko kamo sa inyong yuta isip akong katawhan. Ipakita ko ang akong kaluoy kaninyo, kamo nga gitawag ug Lo Ruhama. Ug kamong gitawag nga Lo Ami tawgon ko nga akong katawhan. Ug moingon kamo kanako, ‘Ikaw ang among Dios.’ ”

Roma 15:12

Nag-ingon usab si Isaias, “Sa mga kaliwat ni Jesse maggikan ang magdumala sa mga dili Judio, ug mosalig sila kaniya.”

Roma 9:25

Mao kini ang giingon sa Dios sa libro ni Oseas: “Ang dili akong katawhan, tawgon ko nga ‘akong katawhan.’ Ug sila nga wala ko higugmaa kaniadto, higugmaon ko na.”

Deuteronomio 28:13

Himuon kamo sa Ginoo nga pangulo sa mga nasod, ug dili sumusunod lang. Kanunay kamong magmauswagon ug magmalampuson kon tumanon ug sundon ninyo pag-ayo ang mga sugo sa Ginoo nga inyong Dios nga ginahatag ko kaninyo karong adlawa.

Gipadayag 11:15

Ang ikapito nga anghel mipatingog sa iyang trumpeta, ug adunay makusog nga mga tingog didto sa langit nga nag-ingon, “Karon ang atong Ginoo ug ang iyang pinili nga Mesiyas mao na ang maghari sa kalibotan. Ug ang iyang paghari walay kataposan!”