2 Samuel 22:34 - Ang Pulong sa Dios

³⁴ Ginalig-on niya ang akong tiil sama sa tiil sa usa, aron makalatas ako sa habog nga mga dapit.

Ang Biblia 2011

³⁴ Iyang gihimo ang akong mga tiil sama sa mga tiil sa lagsaw, ug siya nanalipod kanako didto sa kabungtoran.

Maayong Balita Biblia

³⁴ Ang mga tiil ko gihimo niyang sama sa mga tiil sa osa ug gipanalipdan ako niya didto sa kabungtoran.

Ang Bag-ong Maayong Balita Biblia

³⁴ Ang mga tiil ko gihimo niyang sama sa mga tiil sa osa ug gipanalipdan ako niya didto sa kabungtoran.

2 Samuel 22:34 Cross References

2 Samuel 2:18

Didto niadtong higayona ang tulo ka anak ni Zeruya nga si Joab, Abishai, ug Asahel. Kini si Asahel sama kakusog modagan sa usa, ug wala siyay lingi-lingi nga migukod kang Abner.

2 Samuel 23:1

Si David nga anak ni Jesse gihimong bantogan sa Labing Halangdong Dios. Gipili siya sa Dios ni Jacob nga mahimong hari, ug siya ang nagsulat sa maanindot nga mga awit sa taga-Israel. Mao kini ang kataposan niyang mga pulong:

Isaias 33:16

Mao kini nga matang sa mga tawo ang mahilayo sa katalagman, nga daw nagpuyo sa habog nga mga dapit, kansang mahimong salipdanan mao ang mga dagkong bato. Dili sila mawad-an ug pagkaon ug tubig.

Isaias 58:14

Kon himuon ninyo kini, magmalipayon kamo sa inyong pagpangalagad kanako. Pasidunggan ko pa kamo sa tibuok kalibotan, ug tagbawon ko kamo sa mga ani sa yuta nga gipanunod sa inyong katigulangan nga si Jacob. Mahitabo gayod kini, kay ako, ang  Ginoo, ang nag-ingon niini.”

Habacuc 3:19

Ang Ginoong Dios mao ang akong kusog; gihimo niya ang akong mga tiil sama sa tiil sa lagsaw, gisangkapan niya ako aron makayatak sa mga habog nga dapit. Alang sa maestro sa musika. Sa akong mga instrumento nga adunay mga kuwerdas.

Deuteronomio 32:13

“Gipagahom niya sila sa mga bukid, ug gipakaon sa mga abot sa yuta. Gibuhi niya sila sa dugos gikan sa bato ug sa lana gikan sa olibo sa batoon nga dapit.

Deuteronomio 33:25

Hinaut pa nga ang mga trangka sa pultahan sa ilang mga lungsod mahisama kalig-on sa puthaw ug bronsi, ug hinaut pa nga magpabilin ang ilang pagkagamhanan samtang buhi pa sila.