2 Samuel 22:31 - Ang Pulong sa Dios

³¹ Hingpit ang pamaagi sa Dios. Ang pulong sa Ginoo kasaligan gayod. Sama siya sa taming alang sa tanang nagdangop kanimo.

Ang Biblia 2011

³¹ Kini nga Dios, ang iyang dalan hingpit; ang saad sa Ginoo matuod gayod; siya usa ka taming niadtong tanan nga modangop kaniya.

Maayong Balita Biblia

³¹ “Kining akong Dios hingpit; tumanon gayod sa Ginoo ang iyang saad ug manalipod siya sa modangop kaniya.

Ang Bag-ong Maayong Balita Biblia

³¹ “Kining akong Dios hingpit; tumanon gayod sa Ginoo ang iyang saad ug manalipod siya sa modangop kaniya.

2 Samuel 22:31 Cross References

Nehemias 9:8

Nakita mo nga matinumanon siya kanimo, ug naghimo ka ug kasabotan kaniya nga imong ihatag sa iyang mga kaliwat ang yuta sa mga Canaanhon, Hitihanon, Amorihanon, Perisihanon, Jebusihanon, ug sa mga Gergasihanon. Ug gituman mo ang imong saad kanila, tungod kay matarong ka.

Job 34:10

“Busa pamati kamo kanako, kamong nag-ingon nga nakasabot kamo. Ang Makagagahom nga Dios dili mohimo ug daotan.

Salmo 119:140

Tinuod gayod nga kasaligan ang imong saad, ug ako nga imong alagad nahigugma niini.

Salmo 12:6

Masaligan gayod ang mga saad sa Ginoo. Sama kini sa lunsay nga plata nga giputli makapito sa kalayo.

Salmo 145:17

Matarong ka, Ginoo, sa tanan mong binuhatan, ug mahigugmaon ka sa tanan mong binuhat.

Salmo 18:30

Hingpit ang imong pamaagi, O Dios. Ang imong pulong kasaligan gayod. Sama ka sa taming alang sa tanang nagdangop kanimo.

Salmo 2:7

Miingon ang hari nga pinili sa Dios: “Ipadayag ko ang giingon kanako sa Ginoo nga, ‘Ikaw ang akong anak, ug niining adlawa nga nahimo kang hari, ako nahimong imong amahan.

Salmo 35:2

Gamita ang imong mga taming, ug tabangi ako.

Salmo 84:9

Panalangini, O Dios, ang among tigpanalipod nga mao ang among hari nga imong gipili.

Salmo 91:4

Panalipdan ka niya sama sa usa ka langgam nga nagpanalipod sa iyang mga piso ilalom sa iyang mga pako. Sa iyang pagkamatinumanon, panalipdan ka niya ug labanan.

Mga Panultihon 30:5

“Ang matag pulong sa Dios kasaligan gayod. Sama siya sa usa ka taming ngadto sa mga nagdangop sa iyang pagpanalipod.

Ecclesiastes 3:14

Nasayod ako nga ang tanang ginahimo sa Dios magpadayon hangtod sa kahangtoran, ug dili kini madugangan o makuhaan. Gihimo kini sa Dios aron nga motahod ang tawo kaniya.

Daniel 4:34

Human sa pito ka tuig, ako, si Nebucadnezar, midangop sa Dios, ug mibalik ang akong maayong panghuna-huna. Busa gidayeg ko ug gipasidunggan ang Labing Halangdon nga Dios nga buhi sa walay kataposan. Ang iyang paghari walay kataposan; ang iyang gingharian molungtad sa tanang kaliwatan.

Daniel 4:37

Busa karon akong dayegon ug pasidunggan ang Hari sa langit, tungod kay husto ug matarong ang tanan niyang binuhatan ug ginapaubos niya si bisan kinsa nga nagpasigarbo.

Mateo 5:48

Busa magmahingpit kamo, sama sa inyong Amahan nga langitnon.

Deuteronomio 32:4

Siya ang Bato nga salipdanan ko. Hingpit ang iyang mga buhat, ug matarong ang tanan niyang mga pamaagi. Matinumanon siya nga Dios ug dili masayop; matarong siya ug makiangayon.

Gipadayag 15:3

Nag-awit sila sa awit sa alagad sa Dios nga si Moises, nga awit usab sa Karnero. Mao kini ang ilang awit: “Ginoong Dios nga makagagahom sa tanan, kahibulongan ang imong mga binuhatan! Hari sa tanang mga nasod, matarong ug matuod ang imong mga pamaagi!