2 Samuel 22:24 - Ang Pulong sa Dios

²⁴ Nahibalo siya nga walay ikasaway sa akong kinabuhi ug gilikayan ko ang pagpakasala.

Ang Biblia 2011

²⁴ Walay ikasaway kanako diha sa iyang atubangan ug akong gilikay ang akong kaugalingon gikan sa pagpakasala.

Maayong Balita Biblia

²⁴ Wala siyay ikasaway kanako kay wala man akoy sala.

Ang Bag-ong Maayong Balita Biblia

²⁴ Wala siyay ikasaway kanako kay wala man akoy sala.

2 Samuel 22:24 Cross References

Genesis 17:1

Sa dihang nag-edad si Abram ug 99 ka tuig, nagpakita ang Ginoo kaniya ug miingon, “Ako ang Dios nga Makagagahom. Pagmatinumanon kanunay kanako ug pagkinabuhi nga matarong.

Genesis 6:9

Mao kini ang sugilanon mahitungod sa pamilya ni Noe. Si Noe diosnon nga tawo. Siya lang ang nagkinabuhi nga matarong ug walay sala sa iyang henerasyon, ug suod ang iyang relasyon sa Dios.

Genesis 7:1

Miingon ang Ginoo kang Noe, “Sulod na sa arka uban sa imong tibuok nga pamilya, tungod kay sa tanang mga tawo niining henerasyon, ikaw ra ang nakita ko nga matarong.

Job 1:1

Adunay usa ka tawo nga ginganlag Job, nga nagpuyo sa yuta sa Uz. Matarong ug walay ikasaway sa iyang kinabuhi. Nagtahod siya sa Dios ug naglikay sa paghimo ug daotan.

Salmo 17:1

Ginoo, pamatia ang akong pagpangayo ug hustisya. Pamatia ang akong matinud-anong pag-ampo.

Salmo 51:6

Ang matinud-anon nga kasing-kasing mao ang imong gusto; tudloi ako mahitungod sa kaalam.

Salmo 84:11

Kay ikaw, Ginoong Dios, sama sa adlaw nga naghatag ug kahayag, ug sa taming nga nagpanalipod. Naghatag ka ug panalangin ug kadungganan. Wala kay gihikaw nga maayong butang sa mga tawo nga nagkinabuhi nga maligdong.

Mga Panultihon 4:23

Bantayi pag-ayo ang imong huna-huna, kay kon unsay anaa sa imong huna-huna mao usab ang imong ikinabuhi.

Juan 1:47

Sa pagkakita ni Jesus kang Natanael nga nagpadulong kaniya, miingon siya, “Ania ang tinuod nga Israelinhon nga wala gayod manglimbong.”

2 Mga Taga-Corinto 5:11

Busa tungod sa kahadlok namo sa Ginoo, gipaningkamotan namo nga makabig ang mga tawo nga motuo kaniya. Nasayran sa Dios ang among pagkatawo, ug nagsalig ako nga kini nasayran usab ninyo.

Mga Taga-Efeso 1:4

Bisan sa wala pa buhata ang kalibotan, gipili na kitang daan sa Dios nga mahimong balaan ug walay ikasaway sa iyang atubangan pinaagi sa atong paghiusa kang Cristo. Tungod sa gugma sa Dios kanato,

Mga Taga-Colosas 1:21

Kaniadto layo kamo sa Dios, ug nahimo niya kamong mga kaaway tungod sa inyong daotang mga huna-huna ug mga binuhatan.

Mga Taga-Colosas 1:22

Apan karon napasig-uli na kamo sa Dios sa iyang kaugalingon pinaagi sa kamatayon sa tawhanong lawas ni Cristo. Karon madala na niya kamo sa iyang presensya nga walay sala, hinlo, ug walay ikasaway.

Mga Hebreo 12:1

Karon, bahin kanato, kita sama sa gadagan sa lumba nga gilibotan sa daghang mga tawo nga mao ang mga nagpamatuod sa ilang pagtuo sa Dios. Busa biyaan nato ang mga sala nga gahawid kanato, ang tanang nagbabag sa atong pagdagan. Padayonon ta gayod ang atong pagdagan hangtod sa kataposan.