2 Samuel 21:12 - Ang Pulong sa Dios

¹² miadto siya sa mga lumulupyo sa Jabes Gilead ug gikuha ang mga bukog ni Saulo ug sa iyang anak nga si Jonatan. (Sa dihang namatay si Saulo ug si Jonatan sa ilang pagpakig-gira sa mga Filistihanon sa Gilboa, gipabitay sa mga Filistihanon ang ilang mga patayng lawas didto sa plasa sa Bet Shan, ug sekreto kini nga gikuha sa mga taga-Jabes Gilead.)

Ang Biblia 2011

¹² si David miadto ug mikuha sa mga bukog ni Saul ug sa mga bukog ni Jonatan nga iyang anak gikan sa mga tawo sa Jabes-gilead nga mikawat niini gikan sa plasa sa Bet-san, diin ang mga Filistihanon mibitay kanila, sa adlaw nga ang mga Filistihanon mipatay kang Saul didto sa Gilboa.

Maayong Balita Biblia

¹² gikuha ni David ang mga bukog ni Saul ug sa iyang anak nga si Jonatan gikan sa mga tawo sa Jabesgilead nga maoy nagkawat niini gikan sa plasa sa Betsan diin ang mga patayng lawas ni Saul ug ni Jonatan gibitay sa mga Filistihanon sa samang adlaw nga gipatay nila si Saul didto sa Gilboa.

Ang Bag-ong Maayong Balita Biblia

¹² gikuha ni David ang mga bukog ni Saul ug sa iyang anak nga si Jonatan gikan sa mga tawo sa Jabesgilead nga maoy nagkawat niini gikan sa plasa sa Betsan diin ang mga patayng lawas ni Saul ug ni Jonatan gibitay sa mga Filistihanon sa samang adlaw nga gipatay nila si Saul didto sa Gilboa.

2 Samuel 21:12 Cross References

2 Samuel 1:21

Hinaut nga dili ulanon o yamogan ang kabukiran sa Gilboa, ug hinaut nga walay moturok nga mga tanom sa iyang mga uma nga makuhaan ug abot alang sa halad. Kay didto nahugawan ang taming sa isog nga hari nga si Saulo, ug dili na mahinloan ug mapasinaw pinaagi sa pagpahid ug lana.

2 Samuel 1:6

Mitubag ang batan-ong lalaki, “Naatol nga didto ako sa Bukid sa Gilboa, ug nakita ko didto si Saulo nga nagsandig sa iyang bangkaw. Duol na kaayo kaniya ang mga kaaway nga nagkabayo ug nagsakay ug mga karwahi.

2 Samuel 2:4

Unya, miadto sa Hebron ang mga pangulo sa Juda ug gidihogan nila si David sa pagpaila nga siya na ang hari sa Juda. Sa dihang gisultihan nila si David nga ang mga taga-Jabes Gilead ang naglubong kang Saulo,

2 Samuel 21:11

Sa dihang gisultihan si David sa gihimo ni Rizpa nga asawa ni Saulo,

2 Samuel 21:13

Gidala ni David ang mga bukog ni Saulo ug ni Jonatan, apil usab ang mga bukog sa pito nga gipamatay sa mga Gibeohanon.

1 Cronicas 10:1

Unya, nakig-gira ang mga Filistihanon sa mga Israelinhon sa Bukid sa Gilboa. Daghan ang namatay sa mga Israelinhon, ug ang uban kanila nangikyas.

1 Cronicas 10:12

Busa milakaw ang tanan nilang maisog nga mga sundalo ug gikuha ang patayng lawas ni Saulo ug sa mga anak niini, ug gidala nila kini sa Jabes. Gilubong nila ang mga patayng lawas ilalom sa dakong kahoy sa Jabes, ug nagpuasa sila sulod sa pito ka adlaw.

1 Cronicas 10:8

Pagkasunod nga adlaw, human sa gira, miadto ang mga Filistihanon sa Bukid sa Gilboa aron sa pagkuha sa mga butang sa mga nangamatay. Nakita nila didto ang patayng lawas ni Saulo ug sa mga anak niini.

Josue 17:11

Mao kini ang mga lungsod sa yuta sa mga tribo ni Isacar ug Aser nga gihatag ngadto sa tribo ni Manases: ang Bet Shan, Ibleam, Dor (o Nafat Dor), Endor, Taanak, Megido, ug ang mga lungsod sa palibot niini.

1 Samuel 28:4

Unya, nagkampo ang mga Filistihanon didto sa Shunem, ug nagkampo usab si Saulo ug ang mga Israelinhon didto sa Gilboa.

1 Samuel 31:1

Unya, nakig-gira ang mga Filistihanon sa mga Israelinhon sa Bukid sa Gilboa. Daghan ang namatay sa mga Israelinhon ug ang uban kanila nangikyas.

1 Samuel 31:3

Labihan gayod ang panagsangka tali kang Saulo ug sa mga Filistihanon. Nakit-an si Saulo sa mga tigpamana, ug gipana nila siya ug grabe gayod ang iyang samad.

1 Samuel 31:4

Miingon si Saulo sa tigdala sa iyang armas, “Ibta ang imong espada ug patya ako, kay kon dili, sila nga mga wala nakaila sa Dios mao ang mopatay kanako, ug bugal-bugalan nila ako.” Apan nahadlok mopatay kaniya ang tigdala sa iyang armas, busa gikuha ni Saulo ang iyang kaugalingong espada, ug giunay ang iyang kaugalingon.