2 Samuel 21:10 - Ang Pulong sa Dios

¹⁰ Ang anak ni Aya nga si Rizpa mikuha ug sako ug gibukhad kini sa may bato aron iyang higdaan. Gibantayan niya ang mga patayng lawas aron dili kini hilabtan sa mga langgam kon adlaw ug sa ihalas nga mga mananap kon gabii. Didto siya nagpabilin sa pagsugod sa ting-ani hangtod nga miulan.

Ang Biblia 2011

¹⁰ Unya si Rispa nga anak ni Aiah mikuha ug bisti nga sako ug gibukhad kini alang kaniya sa ibabaw sa bato, sukad sa sinugdan sa ting-ani hangtod nga ang ulan nangahulog diha kanila gikan sa kalangitan. Ug siya wala motugot nga ang mga langgam sa kalangitan motugdon kanila sa adlaw o ang mga mananap sa kapatagan sa gabii.

Maayong Balita Biblia

¹⁰ Unya si Rispa nga anak ni Aia mikuhag sako ug naghimog pasilonganan ibabaw sa dakong bato ug didto siya mipasilong sukad sa ting-ani hangtod sa ting-ulan. Wala niya tugti nga makatugpa sa mga patayng lawas nga gibitay ang mga langgam sa adlaw o ang mga mananap sa gabii.

Ang Bag-ong Maayong Balita Biblia

¹⁰ Unya si Rispa nga anak ni Aia mikuhag sako ug naghimog pasilonganan ibabaw sa dakong bato ug didto siya mipasilong sukad sa ting-ani hangtod sa ting-ulan. Wala niya tugti nga makatugpa sa mga patayng lawas nga gibitay ang mga langgam sa adlaw o ang mga mananap sa gabii.

2 Samuel 21:10 Cross References

Genesis 40:19

Sa dili pa mahuman ang tulo ka adlaw, pagawason ka sa hari gikan sa prisohan apan ipapatay ka niya ug tuhogon sa kahoy ang imong patayng lawas, ug tuhakon kini sa mga langgam.”

2 Samuel 21:11

Sa dihang gisultihan si David sa gihimo ni Rizpa nga asawa ni Saulo,

2 Samuel 3:7

Usa niana ka adlaw, miingon si Isboset nga anak ni Saulo ngadto kang Abner, “Nganong nakigdulog ka sa usa sa mga asawa sa akong amahan nga si Saulo?” Ang babaye nga gipasabot ni Isboset mao si Rizpa nga anak ni Aya.

1 Mga Hari 21:27

Pagkadungog ni Ahab sa gisulti ni Elias, gigisi niya ang iyang bisti ug nagbistig sako, ug nagpuasa. Natulog siya nga nagbistig sako ug naglakaw-lakaw nga masulob-on.

Jeremias 14:22

Makahimo ba sa pagpaulan ang mga dios-dios sa mga kanasoran? Bisan ang langit mismo dili makahimo sa pagpaulan sa iyang kaugalingon lamang. Ikaw lang gayod, Ginoo, nga among Dios, ang makahimo niini, busa naglaom kami kanimo.

Ezequiel 39:4

ug malaglag ka lakip ang tanan mo nga mga sundalo ug kaabin nga mga nasod didto sa mga bukid sa Israel. Ipakaon ko ang inyong mga patay nga lawas sa nagkalain-laing matang sa mga langgam nga gapangdagit ug sa mabangis nga mga mananap.

Oseas 6:3

Tinguhaon nato ang pag-ila sa Ginoo. Moabot siya sama kasiguro sa pagsidlak sa adlaw. Ug moabot siya sama sa ulan nga naghatag ug tubig sa kalibotan.”

Joel 1:18

Nag-agulo ang mga mananap tungod sa kagutom. Naglibot-libot ang mga baka kay wala na silay sibsiban; bisan pa ang mga karnero nag-antos.

Joel 2:23

Kamong mga katawhan sa Zion, paglipay kamo sa gihimo kaninyo sa Ginoo nga inyong Dios. Kay gihatagan niya kamo sa nahaunang ulan sa pagpakita nga matarong siya. Gipadad-an niya kamo sa nahaunang ulan ug sunod pang ulan sama kaniadto.

Zacarias 10:1

Pangayo sa Ginoo ug ulan sa panahon sa tingtubo sa mga tanom, kay siya ang naghimo sa dag-om. Siya ang naghatag ug ulan ngadto sa mga tawo ug sa tanom sa kaumahan.

Deuteronomio 11:14

padad-an niya kamo ug ulan sa hustong panahon aron makaani kamo ug trigo, ubas aron himuong bino, ug olibo aron himuong lana.

Deuteronomio 21:13

ug ilisan ang iyang bisti nga gisul-ob sa dihang gibihag siya. Kinahanglang magpabilin ang babaye sa balay sa lalaki sulod sa usa ka bulan samtang nagsubo siya alang sa iyang mga ginikanan. Pagkahuman niana, mahimo na siyang pangasaw-on.

Deuteronomio 21:22

“Kon ang usa ka tawo gisilotan sa kamatayon tungod sa krimen nga iyang nahimo, ug ang iyang patayng lawas gituhog sa kahoy,

Deuteronomio 21:23

kinahanglang dili mabuntagan ang iyang patayng lawas didto sa kahoy. Kinahanglang ilubong ninyo kini niana gayong adlawa, kay si bisan kinsa nga gibitay sa kahoy tinunglo sa Dios. Dili ninyo hugawan ang yuta nga ginahatag kaninyo sa Ginoo nga inyong Dios ingon nga panulondon.

1 Samuel 17:44

Unya miingon, “Duol dinhi, kay ipakaon ko ang imong unod sa mga langgam ug sa mabangis nga mga mananap!”

1 Samuel 17:46

Niining adlawa, itugyan ka sa Ginoo kanako! Patyon ka nako ug putlan sa imong ulo. Ug niini usab nga adlaw, ipakaon ko ang mga patayng lawas sa mga Filistihanon sa mga langgam ug sa mabangis nga mga mananap, ug mahibaloan sa tibuok kalibotan nga adunay Dios ang Israel.