2 Samuel 20:8 - Ang Pulong sa Dios

⁸ Sa didto na sila sa dakong bato sa Gibeon, naabtan sila ni Amasa. Nagsul-ob si Joab ug bisti sa sundalo ug aduna siyay gitakin nga espada. Samtang nagpaduol siya kang Amasa, gisikrito niya pag-ibot ang iyang espada.

Ang Biblia 2011

⁸ Sa pag-abot nila sa dakong bato sa Gibeon, si Amasa misugat kanila. Si Joab nagsul-ob ug bisti sa sundalo ug gipaibabwan kini ug usa ka bakos nga may espada sulod sa sakoban niini diha sa iyang hawak, ug sa paglakaw niya kini nahulog.

Maayong Balita Biblia

⁸ Sa pag-abot nila sa dakong bato nga didto sa Gibeon, misugat kanila si Amasa. Si Joab nagsul-ob ug bisti sa sundalo ug gipaibabwan kinig usa ka bakos nga may espada nga gisakob ug gitakin niya sa iyang hawak ug sa paglakat niya nahulog kini.

Ang Bag-ong Maayong Balita Biblia

⁸ Sa pag-abot nila sa dakong bato nga didto sa Gibeon, misugat kanila si Amasa. Si Joab nagsul-ob ug bisti sa sundalo ug gipaibabwan kinig usa ka bakos nga may espada nga gisakob ug gitakin niya sa iyang hawak ug sa paglakat niya nahulog kini.

2 Samuel 20:8 Cross References

2 Samuel 2:13

Gitagbo sila ni Joab nga anak ni Zeruya ug sa mga tawo ni David didto sa bangag nga pundohanan ug tubig sa Gibeon. Nanglingkod ang grupo ni Abner sa usa ka bahin sa pundohanan ug tubig ug ang grupo ni Joab didto usab sa atbang.

2 Samuel 3:30

(Gipatay ni Abner ang ilang igsoon nga si Asahel sa away didto sa Gibeon, mao nga gipatay usab ni Joab ug sa iyang igsoon nga si Abishai si Abner.)

Mateo 3:4

Ang bisti ni Juan hinimo gikan sa balhibo sa kamelyo ug ang iyang bakos panit sa mananap. Ang iyang pagkaon dulon ug dugos.

Mga Maghuhukom 3:16

Sa wala pa siya molakaw, naghimo siya ug usa ka punyal nga duhay sulab nga mga tunga sa metro ang gitas-on niini. Gihikot niya kini sa iyang tuo nga paa, ilalom sa iyang bisti.