2 Samuel 20:6 - Ang Pulong sa Dios

⁶ Busa miingon ang hari kang Abishai, “Mas grabe pa unya nga kadaot ang himuon kanato ni Sheba kay sa gihimo ni Absalom. Busa dad-a ang akong mga tawo ug gukda ninyo siya. Kay tingalig makailog siyag pinarilan nga mga lungsod, ug makaikyas siya gikan kanato.”

Ang Biblia 2011

⁶ Ug si David miingon kang Abisai, “Karon si Seba nga anak ni Bikri magbuhat kanato ug labaw nga kadaot kay sa gibuhat ni Absalom. Dad-a ang mga sulugoon sa imong agalon, apasa siya kay tingali unya ug makuha niya ang mga kinutaang siyudad ug moikyas gikan kanato.”

Maayong Balita Biblia

⁶ Ug miingon si David kang Abisai, “Niining higayona mas dako ang kadaot nga mahimo kanato ni Seba nga anak ni Bikri kay ni Absalom. Pagdala sa akong mga sakop ug apasa siya aron dili mailog ang mga siyudad nga may mga kota ug makahatag unyag kasamok kanato.”

Ang Bag-ong Maayong Balita Biblia

⁶ Ug miingon si David kang Abisai, “Niining higayona mas dako ang kadaot nga mahimo kanato ni Seba nga anak ni Bikri kay ni Absalom. Pagdala sa akong mga sakop ug apasa siya aron dili mailog ang mga siyudad nga may mga kota ug makahatag unyag kasamok kanato.”

2 Samuel 20:6 Cross References

2 Samuel 10:14

Pagkakita sa mga Amonihanon nga nangikyas ang mga Aramehanon, nangikyas usab sila gikan kang Abishai ug nanulod sa ilang lungsod. Busa mipauli si Joab sa Jerusalem gikan sa pagpakig-gira sa mga Amonihanon.

2 Samuel 11:11

Miingon si Uria kang David, “Ang Sudlanan sa Kasabotan ug ang mga sundalo sa Israel ug Juda atua sa mga kampo sa kapatagan, ug atua usab ang among komander nga si Joab ug ang iyang mga opisyal. Makaako ba ako sa pagpauli aron mokaon, moinom, ug makigdulog sa akong asawa? Ipanumpa ko kanimo nga dili ko gayod kana mahimo.”

2 Samuel 18:12

Apan mitubag ang tawo kang Joab, “Bisan ug hatagan mo pa ako ug 1,000 ka pilak dili ko patyon ang anak sa hari. Nadunggan namo ang gimando sa hari kanimo, kang Abishai, ug kang Itai, nga dili ninyo pasipad-an ang batan-on nga si Absalom nga iyang anak tungod ug alang kaniya.

2 Samuel 18:2

Unya gipalakaw niya sila sa tulo ka grupo. Si Joab ang nangulo sa usa ka grupo, si Abishai usab nga igsoon ni Joab ang sa usa ka grupo, ug si Itai nga taga-Gat ang nangulo sa ikatulo nga grupo. Miingon si Haring David kanila, “Mouban gayod ako kaninyo sa pagpakig-gira.”

2 Samuel 19:7

Busa karon, gawas, ug pasalamati ang imong mga tawo. Kay kon dili, ipanumpa ko sa Ginoo nga walay usa kanila nga mahibilin uban kanimo niining gabhiona. Ug mao unya kini ang labing daotan nga mahitabo kanimo sukad sa imong pagkabatan-on hangtod karon.”

2 Samuel 2:18

Didto niadtong higayona ang tulo ka anak ni Zeruya nga si Joab, Abishai, ug Asahel. Kini si Asahel sama kakusog modagan sa usa, ug wala siyay lingi-lingi nga migukod kang Abner.

2 Samuel 21:17

Apan miabot si Abishai nga anak ni Zeruya sa pagluwas kang David, ug gipatay niya kini nga Filistihanon. Human niadto miingon ang mga tawo ni David kaniya, “Dili na kami mosugot nga mouban ka pag-usab kanamo sa pagpakig-gira. Sama ka sa suga sa Israel, ug dili kami gusto nga mawala ka.”

2 Samuel 23:18

Si Abishai nga igsoon ni Joab, nga anak ni Zeruya mao ang pangulo sa 30. Nakapatay siya ug 300 ka mga Filistihanon pinaagi sa iyang bangkaw. Busa nahimo siyang bantogan sama sa tulo ka maisog nga mga tawo.

2 Samuel 3:30

(Gipatay ni Abner ang ilang igsoon nga si Asahel sa away didto sa Gibeon, mao nga gipatay usab ni Joab ug sa iyang igsoon nga si Abishai si Abner.)

2 Samuel 3:39

Ug karon, bisan ug ako ang pinili nga hari, wala akoy katakos sa pagsanta kang Joab ug kang Abishai, nga mga anak ni Zeruya. Malisod alang kanako ang pagsanta kanila. Hinaut nga balosan sa Ginoo kining daotang mga tawo sa daotan nga ilang ginahimo.”

1 Mga Hari 1:33

ug miingon ang hari kanila, “Pasakya ninyo sa akong mula si Solomon nga akong anak. Dad-a ninyo siya sa Gihon uban sa akong mga opisyal,

1 Cronicas 11:20

Si Abishai nga igsoon ni Joab mao ang pangulo sa 30 ka maisog nga mga tawo ni David. Nakapatay siya ug 300 ka mga Filistihanon pinaagi sa iyang bangkaw. Busa nahimo siyang bantogan sama niadtong tulo ka maisog nga mga tawo,

1 Cronicas 18:12

Si Abishai nga anak ni Zeruya nakapatay ug 18,000 ka mga Edomihanon sa walog nga gitawag ug Asin.

Jeremias 8:14

“Unya moingon sila, ‘Unsa pa may atong gihulat? Dali, mangadto kita sa pinarilan nga mga lungsod ug didto kita magpakamatay, kay gihukman na kita nga patyon sa Ginoo nga atong Dios. Daw sama lang nga gihatagan niya kita ug tubig nga adunay hilo aron atong imnon, tungod kay nakasala kita kaniya.

Marcos 3:24

Kon ang usa ka gingharian magkabahin-bahin, kana nga gingharian dili magpadayon.

1 Samuel 26:6

Nangutana si David kang Ahimelec nga Hitihanon ug kang Abishai nga anak ni Zeruya ug igsoon ni Joab, “Kinsa ba kaninyo ang mouban kanako sa pagsulod sa kampo ni Saulo?” Mitubag si Abishai, “Ako ang mouban.”