2 Samuel 20:26 - Ang Pulong sa Dios

²⁶ Ug ang personal nga pari ni David mao si Ira nga taga-Jair.

Ang Biblia 2011

²⁶ Ug si Ira nga Jairhanon, mao usab ang pari ni David.

Maayong Balita Biblia

²⁶ ug si Ira nga taga-Jair maoy pari ni David.

Ang Bag-ong Maayong Balita Biblia

²⁶ ug si Ira nga taga-Jair maoy pari ni David.

2 Samuel 20:26 Cross References

Genesis 41:43

Gipasakay niya si Jose sa iyang ikaduhang karwahi, ug adunay mga tigpahibalo nga gauna kaniya ug nagsinggit, “Yukbo-i ninyo ang gobernador!” Busa sukad niadto nahimong gobernador si Jose sa tibuok Ehipto.

Genesis 41:45

Unya ginganlan niya si Jose ug Zafenat Panea. Gipaasawa usab niya kang Jose si Asenat nga anak ni Potifera nga pari sa lungsod sa On. Ingon nga gobernador, si Jose na ang nagdumala sa Ehipto.

2 Samuel 20:25

Ang sekretaryo sa hari mao si Sheva. Ang mga pangulong pari mao sila si Sadok ug si Abiatar.

2 Samuel 21:1

Sa panahon nga naghari si David, miabot ang tinggutom nga milungtad ug tulo ka tuig. Midangop si David sa Ginoo, ug miingon ang Ginoo, “Miabot ang gutom tungod kay gipapatay ni Saulo ug sa iyang pamilya ang mga Gibeohanon.”

2 Samuel 23:38

si Ira ug si Gareb nga mga taga-Jatir;

2 Samuel 8:18

Ang pangulo sa mga badigard ni David nga mga Keretnon ug mga Peletnon mao si Benaya nga anak ni Jehoyada. Ug ang iyang mga magtatambag mao ang iyang mga anak nga lalaki.

1 Mga Hari 4:5

Ang pangulo sa mga gobernador sa mga distrito sa Israel mao si Azaria nga anak ni Natan. Ang personal nga magtatambag sa hari mao si Zabud nga pari, nga anak usab ni Natan.

1 Cronicas 11:40

si Ira ug si Gareb nga mga taga-Jatir,

2 Cronicas 35:15

Ang mga musikero nga kaliwat ni Asaf didto sa ilang pwesto sa Templo, sumala sa tulomanon nga gihatag nila ni David, Asaf, Heman, ug Jedutun nga propeta sa hari. Wala na mobiya sa ilang pwesto ang mga magbalantay sa pultahan kay giandaman silag pagkaon sa ilang mga paryente nga Levita.

Exodo 2:14

Mitubag ang tawo, “Kinsay naghimo kanimong pangulo ug maghuhukom kanamo? Patyon mo ba usab ako sama sa gihimo mo sa Ehiptohanon?” Nahadlok si Moises ug miingon sa iyang kaugalingon, “Nasayod diay ang mga tawo sa akong gihimo.”

Exodo 2:16

Naatol nga ang pito ka mga anak nga babaye sa pari sa Midian nagsag-ob aron paimnon ang kahayopan sa ilang amahan.

Exodo 24:11

Bisan nakita niining mga tigdumala ang Dios, wala sila patya sa Dios. Mikaon pa gani sila ug nanginom didto sa presensya sa Dios.

Deuteronomio 3:14

Si Jair nga kaliwat ni Manases mao ang nakapanag-iya sa tibuok Argob nga sakop sa Basan hangtod sa utlanan sa yuta sa mga taga-Geshur ug sa mga taga-Maaca. Kini nga teritoryo ginganlan ni Jair sa iya mismong ngalan, busa hangtod karon ang Basan gitawag nga Mga Lungsod ni Jair.)