2 Samuel 20:22 - Ang Pulong sa Dios

²² Unya miadto ang babaye sa mga lumulupyo sa lungsod ug gisultihan sila sa iyang plano. Gipunggotan nilag ulo si Sheba ug giitsa nila kini kang Joab. Unya gipatingog ni Joab ang budyong ug mibiya ang iyang mga tawo sa lungsod ug namauli. Mibalik si Joab sa Jerusalem ug miadto sa hari.

Ang Biblia 2011

²² Unya ang babaye sa iyang kaalam miadto sa tibuok katawhan. Ug ilang gipunggot ang ulo ni Seba nga anak ni Bikri ug gilabay kini ngadto kang Joab. Ug iyang gipatingog ang trumpeta ug mibiya sila gikan sa siyudad, ang matag tawo ngadto sa iyang puluy-anan. Ug si Joab mibalik sa Jerusalem ngadto sa hari.

Maayong Balita Biblia

²² Unya sa pagkamaalamon sa maong babaye, gipahibalo niya ang lumolupyo sa siyudad. Unya gipunggotan nila sa ulo si Sheba nga anak ni Bikri ug gilabay nila kini ngadto kang Joab. Tungod niini gipatingog ni Joab ang trumpeta ug mibiya sila sa siyudad ug namauli. Ug mipauli si Joab ngadto sa Jerusalem ug miadto sa hari.

Ang Bag-ong Maayong Balita Biblia

²² Unya sa pagkamaalamon sa maong babaye, gipahibalo niya ang lumolupyo sa siyudad. Unya gipunggotan nila sa ulo si Sheba nga anak ni Bikri ug gilabay nila kini ngadto kang Joab. Tungod niini gipatingog ni Joab ang trumpeta ug mibiya sila sa siyudad ug namauli. Ug mipauli si Joab ngadto sa Jerusalem ug miadto sa hari.

2 Samuel 20:22 Cross References

2 Samuel 18:16

Unya gipatingog ni Joab ang budyong sa pagpaundang sa iyang mga tawo sa paggukod sa mga sundalo sa Israel.

2 Samuel 18:17

Gikuha nila ang patayng lawas ni Absalom ug gihulog sa lawom nga bangag didto sa kalasangan ug gitabonan ug daghan kaayong mga bato. Samtang sa laing bahin, nanagan pauli ang tanang sundalo sa Israel.

2 Samuel 2:28

Busa gipatingog ni Joab ang budyong ug miundang ang tanan niyang mga tawo sa paggukod sa mga taga-Israel, ug naundang ang gira.

2 Samuel 20:1

Unya, adunay usa ka tawo didto nga Benjaminhon nga kanunay lang nangita ug samok. Ang iyang ngalan mao si Sheba, ug anak siya ni Bicri. Gipatingog niya ang budyong ug misinggit, “Mga taga-Israel, wala kitay labot kang David nga anak ni Jesse! Mamauli kitang tanan!”

2 Samuel 20:16

Unya, adunay usa ka maalamon nga babaye sulod sa lungsod nga misinggit ngadto sa mga tawo ni Joab, “Pamati kamo kanako! Ingna ninyo si Joab nga moanhi siya dinhi kanako kay buot akong makigsulti kaniya.”

Ecclesiastes 7:19

Ang kaalam makahatag sa tawong maalamon ug gahom nga mas dako kaysa gahom sa napulo ka tigdumala sa usa ka lungsod.

Ecclesiastes 8:11

Kon dili dayon mahukman ang tawo nga nakasala, mosamot paghuna-huna ang uban sa paghimo ug daotan.