2 Samuel 20:19 - Ang Pulong sa Dios

¹⁹ Usa ako sa mga nangandoy nga motunhay ang kalinaw ug pagkamatinud-anon sa Israel. Apan ikaw, nganong ginatinguha mong gub-on ang usa sa mga nag-unang lungsod sa Israel? Nganong gusto mong gub-on ang lungsod nga iya sa Ginoo?”

Ang Biblia 2011

¹⁹ Ako usa niadtong mga makigdaiton ug matinumanon sa Israel. Ikaw nagtinguha sa paglaglag sa usa ka siyudad nga mao ang inahan sa Israel. Nganong lamyon man nimo ang kabilin sa Ginoo?”

Maayong Balita Biblia

¹⁹ Makigdaiton ug buotan ang among siyudad sa Israel. Buot ninyong gub-on ang usa ka siyudad nga maoy inahan dinhi sa Israel. Nganong laglagon man ninyo ang kabilin sa Ginoo?”

Ang Bag-ong Maayong Balita Biblia

¹⁹ Makigdaiton ug buotan ang among siyudad sa Israel. Buot ninyong gub-on ang usa ka siyudad nga maoy inahan dinhi sa Israel. Nganong laglagon man ninyo ang kabilin sa Ginoo?”

2 Samuel 20:19 Cross References

Genesis 18:23

Miduol si Abraham sa Ginoo ug nangutana, “Laglagon mo ba ang mga matarong uban sa mga daotan?

2 Samuel 14:16

nga luwason mo ako ug ang akong anak gikan sa mga tawo nga nagtinguha nga mawagtang kami sa yuta nga gihatag sa Dios kanamo.

2 Samuel 17:16

Unya miingon siya kanila, “Pahibaloa dayon si David nga dili siya magpabilin sa tabokanan sa Suba sa Jordan didto sa kamingawan karong gabhiona, kinahanglan nga motabok dayon sila sa suba aron dili sila mangamatay.”

2 Samuel 20:18

Miingon ang babaye, “Adunay usa ka panultihon kaniadto nga nag-ingon, ‘Kon gusto ninyong masulbad ang inyong mga problema, pangayo kamog tambag sa lungsod sa Abel.’

2 Samuel 20:20

Mitubag si Joab, “Dili ko gusto nga gub-on ang inyong lungsod!

2 Samuel 21:3

ug gipangutana, “Unsay akong buhaton alang kaninyo aron mabayran ang sala nga nahimo ni Saulo diha kaninyo, ug aron panalanginan ang katawhan sa Ginoo?”

1 Mga Hari 8:53

Kay gipili mo sila, Ginoong Dios, gikan sa tanang nasod sa kalibotan aron nga mahimong imong katawhan, sumala sa giingon mo pinaagi kang Moises nga imong alagad, sa dihang gipagawas mo ang among mga katigulangan gikan sa Ehipto.”

Salmo 106:5

aron matagamtaman ko usab ang kauswagan sa imong pinili nga nasod ug aron makaambit sa ilang kalipay, ug makauban sa ilang pagdayeg kanimo.

Salmo 124:3

gipatay na unta nila kita tungod sa ilang labihang kasuko kanato.

Salmo 33:12

Bulahan ang nasod nga ang ilang Dios mao ang  Ginoo. Bulahan ang katawhan nga gipili sa Ginoo nga mahimong iya.

Jeremias 51:34

Miingon ang mga taga-Jerusalem, “Si Nebucadnezar nga hari sa Babilonia daw sa dragon nga milamoy kanamo. Gibusog niya ang iyang kaugalingon sa among mga bahandi. Wala gayod siyay gibilin sa among siyudad. Nahisama kini sa banga nga walay sulod. Giabog niya kami ug nagkatibulaag kami. Hinaut unta nga buhaton usab ngadto sa Babilonia ang iyang gihimo kanamo ug sa among kabataan. Hinaut unta nga paninglan ang mga lumulupyo sa Babilonia sa ilang kabangis nganhi kanamo.”

Jeremias 51:44

Silotan ko si Bel nga dios-dios sa Babilonia. Ipasuka ko kaniya ang iyang gipanglamoy. Dili na modagsa ang mga nasod sa pagsimba kaniya. Ug ang mga paril sa Babilonia mangalumpag.

Mga Pagbangotan 2:16

Ang tanan mong kaaway nagbiay-biay kanimo. Mangyam-id sila ug magpangagot sa ilang mga ngipon nga nag-ingon, “Nalaglag ra gayod nato siya! Miabot na gayod ang adlaw nga atong gipaabot!”

Mga Pagbangotan 2:2

Gilaglag sa Ginoo nga walay kaluoy ang tanang mga balay sa mga kaliwat ni Jacob. Sa iyang kasuko gipangguba niya ang pinarilan nga mga lungsod sa Juda. Gisalikway niya ug gipakaulawan kining maong gingharian ug ang mga pangulo niini.

Mga Pagbangotan 2:5

Sama sa usa ka kaaway, gilaglag sa Ginoo ang Israel. Giguba niya ang pinarilan nga mga lungsod sa Israel ug ang tanang lig-ong bahin niini. Gidugangan niya ang kasubo ug panaghilak sa Juda.

Numeros 16:32

ug gilamoy sila ug ang ilang mga pamilya, uban ang tanang mga sumusunod ni Kora ug ang tanan nilang kabtangan.

Numeros 26:10

Apan gilamoy sila sa yuta uban kang Kora, kansang 250 ka mga sumusunod nangamatay pinaagi sa kalayo. Kining maong panghitabo nahimong pasidaan ngadto sa mga Israelinhon.

1 Mga Taga-Corinto 15:54

Busa kon kining lawas nga madunot mailisan na sa dili madunot, ug kon kining lawas nga mamatay mailisan na sa dili mamatay, matuman na ang giingon sa Kasulatan: “Giwagtang na sa Dios ang kamatayon”

2 Mga Taga-Corinto 5:4

Samtang ania pa kita nagpuyo niining lawas nga yutan-on nag-agulo kita tungod sa kalisdanan. Dili tungod kay gusto nato nga mamatay, kondili gusto nato nga masul-oban sa lawas nga langitnon, aron kining lawas nga adunay kamatayon mailisan sa wala na gayoy kamatayon.

Deuteronomio 20:10

“Kon mosulong kamo sa usa ka lungsod, hatagi una ninyo sila ug kahigayonan nga makighusay kaninyo.

Deuteronomio 32:9

Karon gipili sa Ginoo ang mga kaliwat ni Jacob ingon nga iyang katawhan.

1 Timoteo 2:2

I-ampo ninyo ang mga hari ug ang tanan nga adunay taas nga katungdanan sa gobyerno aron nga mahimong hapsay ang atong pagpuyo ug gawasnon kita sa pagsunod sa Dios subay sa husto nga pamatasan.

Mga Maghuhukom 5:7

Gamay nalang ang nagpuyo sa mga lungsod sa Israel, hangtod nga miabot ka, Debora, ikaw nga giila nga inahan sa Israel.

1 Samuel 10:1

Unya nagkuha si Samuel ug usa ka tibod sa lana ug gibubo ang sulod niini sa ulo ni Saulo. Gihagkan niya si Saulo ug miingon, “Ang Ginoo mismo ang nagpili kanimo nga mangulo sa katawhan nga iyang gipanag-iyahan.

1 Samuel 26:19

Mahal nga Hari, pamatia ang akong isulti. Kon ang Ginoo mao ang nagtulod kanimo sa pagpatay kanako, hinaut dawaton niya ang akong halad. Apan kon kini iya lang sa tawo, hinaut nga panghimaraoton sila sa Ginoo. Kay gihinginlan nila ako gikan sa yuta sa Ginoo ug giingnan nga moalagad sa ubang mga dios.