2 Samuel 2:6 - Ang Pulong sa Dios

⁶ Hinaut nga ipakita sa Ginoo ang iyang kaayo ug pagkamatinumanon diha kaninyo, ug ipakita ko usab ang akong kaayo kaninyo tungod sa inyong gihimo.

Ang Biblia 2011

⁶ Karon ang Ginoo magpakita unta ug gugmang walay paglubad ug pagkamatinumanon nganha kaninyo! Ug ako magbuhat ug maayo nganha kaninyo kay kamo naghimo niining butanga.

Maayong Balita Biblia

⁶ Ug karon ipakita unta sa Ginoo kaninyo ang iyang makanunayong gugma ug pagkamatinumanon sa iyang saad! Ug buhaton ko kaninyo ang maayo kay inyo man kining gibuhat.

Ang Bag-ong Maayong Balita Biblia

⁶ Ug karon ipakita unta sa Ginoo kaninyo ang iyang makanunayong gugma ug pagkamatinumanon sa iyang saad! Ug buhaton ko kaninyo ang maayo kay inyo man kining gibuhat.

2 Samuel 2:6 Cross References

2 Samuel 10:2

Miingon si David, “Pakitaan ko sa kaayo si Hanun tungod kay maayo ang iyang amahan kanako.” Busa nagpadala si David ug mga opisyal aron sa pagpaabot sa iyang pahasubo kang Hanun tungod sa pagkamatay sa amahan niini. Apan sa pag-abot sa mga opisyal ni David sa yuta sa mga Amonihanon,

2 Samuel 15:20

Dili pa lang kamo dugayng miabot dinhi, ug karon mouban kamo kanako nga wala gani ako makahibalo kon asa ako paingon? Balik kamo sa inyong katagilungsod, ug hinaut nga ipakita sa Ginoo ang iyang gugma ug pagkamatinumanon kaninyo.”

2 Samuel 2:7

Pagmalig-on ug pagmaisogon kamo bisan patay na si Saulo nga inyong agalon. Ako ang gipili sa mga taga-Juda ingon nga ilang hari.”

2 Samuel 9:3

Nangutana ang hari, “Aduna pa bay nahibilin sa pamilya ni Saulo nga akong mapakitaan sa kaayo sa Dios?” Mitubag siya sa hari, “Aduna pa, ang bakol nga anak nga lalaki ni Jonatan.”

2 Samuel 9:7

Miingon si David kaniya, “Ayaw kahadlok, kay pakitaan ko gayod ikaw ug kaayo tungod ug alang sa imong amahan nga si Jonatan. Iuli ko kanimo ang tanang kayutaan sa imong lolo nga si Saulo. Ug dili kay kana lang, kanunay ka nga mokaon uban kanako.”

Salmo 57:3

Gikan sa langit, magpadala kag tabang aron sa pagluwas kanako. Laglagon mo ang mga nanulong kanako. Ipakita mo ang imong gugma ug pagkamatinumanon kanako.

Exodo 34:6

Milabay ang Ginoo atubangan ni Moises ug miingon, “Ako ang Ginoo, ang adunay kahangawa ug maluloy-on nga Dios. Mahigugmaon ug matinumanon gayod ako, ug dili daling masuko.

Mga Panultihon 14:22

Makasala ka kon magplano kag daotan sa imong isigka-tawo, apan kon magplano kag maayo, adunay mga tawo nga maghigugma ug mounong kanimo.

Mateo 10:16

“Timan-i ninyo kini! Sama kamo sa mga karnero nga akong gipaadto sa mabangis nga mga mananap. Busa pagmaigmat kamo sama sa mga bitin, ug pagmalumo kamo sama sa mga salampati.

Mateo 5:44

Apan ako moingon kaninyo nga higugmaa ninyo ang inyong mga kaaway, ug i-ampo ninyo bisan pa ang mga naglutos kaninyo.

Mateo 5:7

Bulahan ang mga maluloy-on, kay kaloy-an sila sa Dios.

Josue 2:14

Miingon ang duha ka espiya kang Rahab, “Igarantiya namo ang among kinabuhi alang kaninyo! Basta dili lang nimo itug-an ang among pagpangispiya dinhi, ipakita gayod namo kanimo ang among kaayo kon ihatag na sa Ginoo kining yuta kanamo.”

Ruth 1:8

miingon si Noemi sa iyang duha ka umagad, “Balik na lang kamo sa inyong inahan. Hinaut pa nga pakitaan kamo ug kaayo sa Ginoo, maingon nga gipakita ninyo ang inyong kaayo nganhi kanako ug sa nangamatay ninyong mga bana.