2 Samuel 2:23 - Ang Pulong sa Dios

²³ Apan wala gayod miundang si Asahel sa paggukod kaniya, busa giduslak siya ni Abner sa pulohan sa iyang bangkaw ug milapos kini sa iyang likod. Natumba siya ug namatay. Ug ang mga tawo nga makaagi niadtong dapita manghunong.

Ang Biblia 2011

²³ Apan siya nagdumili sa pagtipas, busa gidunggab siya ni Abner sa tiyan uban sa puan sa iyang bangkaw mao nga ang bangkaw milapos sa iyang likod, ug natumba siya didto ug namatay siya sa maong dapit. Ug ang tanan nga nangadto sa dapit diin si Asahel natumba ug namatay, nagbarog nga wala maglihok.

Maayong Balita Biblia

²³ Apan wala siya motipas busa gidunggab siya ni Abner pinaagi sa bangkaw ug milapos ang bangkaw sa likod ni Asahel. Natumba siya didto ug namatay. Nagbarog nga walay lihok ang tanan nga nangadto sa dapit nga namatyan ni Asahel.

Ang Bag-ong Maayong Balita Biblia

²³ Apan wala siya motipas busa gidunggab siya ni Abner pinaagi sa bangkaw ug milapos ang bangkaw sa likod ni Asahel. Natumba siya didto ug namatay. Nagbarog nga walay lihok ang tanan nga nangadto sa dapit nga namatyan ni Asahel.

2 Samuel 2:23 Cross References

2 Samuel 2:24

Sa dihang nahibaloan ni Joab ug ni Abishai ang nahitabo, gigukod nila si Abner. Gasalop na ang adlaw sa dihang nakaabot sila sa bungtod sa Ama duol sa Gia, sa dalan paingon sa kamingawan sa Gibeon.

2 Samuel 20:10

Apan wala makabantay si Amasa sa espada sa walang kamot ni Joab. Gidunggab siya ni Joab sa tiyan ug nayagyag ang iyang tinai sa yuta ug namatay siya. Busa wala na siya dunggaba pa pag-usab ni Joab. Unya nagpadayon si Joab ug ang iyang igsoon nga si Abishai sa paggukod kang Sheba.

2 Samuel 3:27

Sa dihang didto na si Abner sa Hebron, gidala siya ni Joab didto sa may ganghaan sa lungsod aron kunohay magsultihanay nga sila lang duha. Ug didto gidunggab ni Joab si Abner sa tiyan, ug namatay kini. Gihimo kini ni Joab agig balos sa pagpatay ni Abner sa iyang igsoon nga si Asahel.

2 Samuel 3:30

(Gipatay ni Abner ang ilang igsoon nga si Asahel sa away didto sa Gibeon, mao nga gipatay usab ni Joab ug sa iyang igsoon nga si Abishai si Abner.)

2 Samuel 4:6

Misulod sila sa balay aron kunohay sa pagkuhag trigo. Unya misulod sila sa kuwarto ni Isboset diin kini naghigda sa iyang katre, ug gidunggab nila kini sa tiyan. Pagkahuman gipunggotan nilag ulo ug gidala kini pag-ikyas. Nagbaktas sila sa Walog sa Jordan tibuok gabii.

2 Samuel 5:6

Usa ka higayon, miadto si David ug ang iyang mga tawo sa Jerusalem sa pagsulong sa mga Jebusihanon nga nagpuyo didto. Miingon ang mga Jebusihanon kang David, “Dili gayod kamo makasulod dinhi sa Jerusalem! Bisan ang mga buta ug mga bakol makababag sa inyong pagsulod.” Mao kadto ang ilang giingon kay abi nila ug dili gayod makasulod sila si David.