2 Samuel 19:8 - Ang Pulong sa Dios

⁸ Busa mitindog si David ug milingkod sa may pultahan sa lungsod. Sa dihang nahibaloan kini sa mga tawo, miduol silang tanan kaniya. Sa laing bahin, ang mga sundalo sa Israel nga dapig kang Absalom, miikyas na ngadto sa ilang mga pinuy-anan.

Ang Biblia 2011

⁸ Unya ang hari mitindog ug milingkod didto sa ganghaan. Ug ang tanang katawhan gisuginlan, “Tan-awa, ang hari naglingkod diha sa ganghaan,” ug ang tibuok katawhan miadto atubangan sa hari. Niining higayona, ang Israel nanagan ang matag usa ngadto sa ilang mga puluy-anan.

Maayong Balita Biblia

⁸ Unya mitindog ang hari ug milingkod duol sa ganghaan. Nahibaloan kini sa katawhan ug miduol silang tanan kaniya. Niining higayona nanago sa ilang kabalayan ang mga Israelita.

Ang Bag-ong Maayong Balita Biblia

⁸ Unya mitindog ang hari ug milingkod duol sa ganghaan. Nahibaloan kini sa katawhan ug miduol silang tanan kaniya. Niining higayona nanago sa ilang kabalayan ang mga Israelita.

2 Samuel 19:8 Cross References

2 Samuel 15:2

Sayo siyang mobangon matag buntag ug magtindog sa daplin sa dalan nga paingon sa pultahan sa siyudad. Kon adunay moabot nga tawo nga adunay kaso nga gustong ipahusay sa hari, pangutan-on niya kon taga-asa kini, ug mosulti ang tawo kon asa siya nga tribo sa Israel naggikan.

2 Samuel 18:17

Gikuha nila ang patayng lawas ni Absalom ug gihulog sa lawom nga bangag didto sa kalasangan ug gitabonan ug daghan kaayong mga bato. Samtang sa laing bahin, nanagan pauli ang tanang sundalo sa Israel.

2 Samuel 18:24

Samtang naglingkod si Haring David sa taliwala sa pultahan sa unang paril ug sa pultahan sa ikaduhang paril sa lungsod, misaka ang tigbantay sa ibabaw sa unang paril kilid sa pultahan. Sa iyang pagtan-aw-tan-aw, aduna siyay nakita nga usa ka tawo nga gadagan.

2 Samuel 18:4

Mitubag si Haring David, “Himuon ko kon unsa ang giisip ninyo nga maayo.” Nagtindog si Haring David sa kilid sa pultahan sa lungsod samtang nanggawas ang tanan niyang mga tawo nga naggrupo sa tag-1,000 ug tag-100.

2 Samuel 19:3

Hilom silang mibalik sa lungsod sa Mahanaim, nga daw mga sundalo nga naulawan tungod kay misibog sa pagpakig-gira.

1 Mga Hari 22:36

Sa pagsalop sa adlaw, adunay singgit nga nabati sa mga sundalo sa Israel, “Pamauli na kamo sa inyong tagsa-tagsa ka mga dapit!”

2 Mga Hari 14:12

Napildi sa Israel ang Juda, ug nangikyas ang mga sundalo sa Juda ngadto sa ilang mga balay.

2 Mga Hari 8:21

Busa miadto si Jehoram sa Zair uban sa tanan niyang tigkarwahi. Apan gilibotan siya ug ang mga komander sa iyang mga tigkarwahi sa mga Edomihanon. Sa pagkagabii, gisulong nila ang mga Edomihanon, ug nakaikyas sila ug namauli.

1 Samuel 4:10

Busa nakig-gira ang mga Filistihanon, ug napildi nila ang mga Israelinhon. Daghan kaayo ang nangamatay; 30,000 ang napatay nga mga Israelinhon. Ang nahibiling mga Israelinhon nangikyas ug namauli sa ilang gipuy-an.