2 Samuel 19:41 - Ang Pulong sa Dios

⁴¹ Unya, miadto kang David ang mga sundalo sa Israel ug mireklamo kon nganong ang mga taga-Juda nga ilang kadugo ang nangunay sa pagpatabok kaniya ug sa iyang panimalay, ug sa tanan niyang tawo.

Ang Biblia 2011

⁴¹ Unya ang tibuok katawhan sa Israel miadto sa hari ug miingon sa hari, “Ngano nga ang atong kaigsoonan sa Juda mikawat man kanimo, ug midala sa hari ug sa iyang panimalay tabok sa Jordan ug ang tibuok katawhan ni David uban kaniya?”

Maayong Balita Biblia

⁴¹ Unya miadto sa hari ang mga tawo sa Israel ug giingnan nila siya, “Nganong ang taga-Juda may nagkuha nimo ug sa imong banay ug mga sakop?”

Ang Bag-ong Maayong Balita Biblia

⁴¹ Unya miadto sa hari ang mga tawo sa Israel ug giingnan nila siya, “Nganong ang taga-Juda may nagkuha nimo ug sa imong banay ug mga sakop?”

2 Samuel 19:41 Cross References

2 Samuel 19:11

Sa dihang nabalitaan ni Haring David ang ilang gihisgotan, nagpadala siyag mensahe sa mga pari nga si Sadok ug si Abiatar, nga nag-ingon, “Isulti ninyo kini ngadto sa mga tigdumala sa Juda: ‘Nabalitaan ko nga gusto sa inyong mga lumulupyo nga ibalik ako ingon nga hari. Nganong naulahi man kamo sa pagpabalik kanako ingon nga hari? Dili ba mga paryente ko man kamo ug mga kadugo ko pa gayod?’

2 Samuel 19:3

Hilom silang mibalik sa lungsod sa Mahanaim, nga daw mga sundalo nga naulawan tungod kay misibog sa pagpakig-gira.

Mga Maghuhukom 12:1

Gitigom ang mga kalalakin-an nga gikan sa tribo ni Efraim ug mitabok sila sa Suba sa Jordan ug miadto sa Zafon aron atubangon si Jefta. Nangutana sila kaniya, “Nganong wala mo kami tawga sa dihang nakig-gira kamo sa mga Amonihanon? Tungod niining imong gihimo, i-apil ka namo ug sunog sa imong balay.”

Mga Maghuhukom 8:1

Unya, miingon ang mga sakop sa tribo ni Efraim kang Gideon, “Nganong gihimo mo kini kanamo? Nganong wala mo kami gipauban sa dihang nakig-gira kamo sa mga Midianhon?” Nagreklamo gayod sila kang Gideon.