2 Samuel 19:26 - Ang Pulong sa Dios

²⁶ Mitubag siya, “Mahal nga Hari, nahibalo ka nga bakol ako. Giingnan ko ang akong sulugoon nga si Ziba nga andamon ang akong asno aron makasakay ako ug makauban kanimo. Apan gilimbongan niya ako,

Ang Biblia 2011

²⁶ Siya mitubag, “Akong agalon, O hari, ang akong sulugoon naglimbong kanako, kay ang imong sulugoon miingon kaniya, ‘Akong gimontorahan ang usa ka asno alang kanako aron makasakay niini ug makauban sa hari,’ kay ang imong sulugoon bakol.

Maayong Balita Biblia

²⁶ Mitubag siya, “Gibakakan ako sa akong sulugoon. Nangandam na unta ako sa akong asno aron mouban kay mosakay man gayod ako sanglit bakol man.

Ang Bag-ong Maayong Balita Biblia

²⁶ Mitubag siya, “Gibakakan ako sa akong sulugoon. Nangandam na unta ako sa akong asno aron mouban kay mosakay man gayod ako sanglit bakol man.

2 Samuel 19:26 Cross References

2 Samuel 19:17

Aduna siyay kauban nga 1,000 ka mga Benjaminhon, apil na niini si Ziba nga alagad sa pamilya ni Saulo, ug ang iyang 15 ka mga anak nga lalaki ug 20 ka sulugoon. Midali-dali gayod sila sa pagtagbo kang David didto sa Suba sa Jordan.

2 Samuel 4:4

(Ang anak ni Saulo nga si Jonatan adunay anak nga bakol. Ang iyang ngalan si Mefiboset. Nag-edad si Mefiboset ug lima ka tuig sa dihang namatay si Saulo ug si Jonatan didto sa Jezreel. Sa dihang nabalitaan sa yaya ni Mefiboset nga namatay si Saulo ug si Jonatan, gisakwat niya ang bata ug giikyas. Apan tungod sa pagdali-dali sa yaya nga makaikyas, nabuhian niya ang bata nga maoy hinungdan nga nabakol kini.)

2 Samuel 9:3

Nangutana ang hari, “Aduna pa bay nahibilin sa pamilya ni Saulo nga akong mapakitaan sa kaayo sa Dios?” Mitubag siya sa hari, “Aduna pa, ang bakol nga anak nga lalaki ni Jonatan.”